بـبــغــاء ((أبو عزيز)) وخويه ((نشبه ))

[سنايديه]

بسم الله الرحمن الرحيم

كان ياما كان في حديث الزمان كان فيه واحد اسمه ((أبوعزيز ))

عزيز هذا عنده ببغاء جميل ورائع يطربك من التصفير والتقليد والبربره

يلعب ويرفرف ويتشقلب فكان طائر فلته وكان أبوعزيز يحب طيره الجميل ويموت فيه

وهذا خوينا أبوعزيز قدر الله عليه وزاره في بيته خويه اسمه ((نشبه ))

طبعا راح خوينا في الله أبو عزيز وجاب الطير عند خويه نشبه يبي يوريه الطير

وقام يستعرض مهارات الطير عند خويه نشبه

طبعا خويه نشبه هنا اعجب وانهبل على الطير وعلى طول قال لخويه أبوعزيز

نشبه :تبيع

هناأبو عزيز انحرج من خويه ومعد يدري وش يقول

أبوعزيز: والله ياخوي مدري بس ماودي ابيع الطير

لاكن نشبه هنا بدا يكون اسم على مسمى وبدا ينشب في حلق ابوعزيز

نشبه :يابن الحلال تبيع الطير عجبني تكفى تبيع والله عيني عليه تبيع

ابوعزيز :ساكت ومنحرج

نشبه : بكم ابزودك الف اذا مو الف الفين ثلاث ,تبيع

أبوعزيز حس انه في ورطه وخويه ذا نشب في نحره والطير بالنسبه له لايقدر بثمن رد على نشبه

ابو عزيز: المساله ما هي مسالة فلوس المساله ان الطير غالي على قلبي

المهم طلع نشبه من البيت وهو يحاول يقنع في عزيز ويقوله ترى ابتصل فيك واشوفك اقتنعت

دخل ابو عزيز ينام لان وراه بكرى دوام سمع رنة رسايل في جواله فتح الجوال

رساله من خويك نشبه ليقراها

لتكون الرساله

من اخوك نشبه: تبيع

هنا ابوعزيز حس نفسه تورط صدق وتورط ورطة حياته وقال في نفسه

ابو عزيز: ياخي ذا مايفهم فهمته ان الطير عزيز علي ماهو للبيع

ابو عزيز قام راح الدوام وصلته رساله ثانيه من نشبه يقول فيها

هاه وصلتك الرساله امس وانت نايم الي كنت اقول فيها

تبيع

أبوعزيز بدا يتضايق من ذا الي اسمه نشبه ,رجعابو عزيز من الدوام لتستقبله ام عزيز وتقول

ام عزيز :ابو عزيز

ابوعزيز: نعم

ام عزيز:ترى خويك نشبه دق على البيت يقول قولي لابو عزيز تبيع

ابوعزيز هنا بدأت عيونع تتناتق وبيقطع شعره من الضيقه

دخل ابو عزيز يقيل ما امدا يغط في النوم الا طالع له نشبه في الحلم

يقول :تبيع

قام ابو عزيز مفزوع وراح عند الدريشه يتنفس

شوي بدا يشوف الدريشه تنفتح ويطلع منها راس نشبه يقول: تبيع

سكر الدريشه بسرعه وراح يركظ في الصاله جته ام عزيز

وشفيك يابو عزيز عسا ماشر

ابوعزيز صار يشوف وجه ام عزيز خويه نشبه

هنا سالته ام عزيز : هاه تبيع

هنا ابو عزيز صرخ صرخه من قمة راسه ومسك شعره وراح يركض للسطح

يتنفس طلع له من ورا الخزان خويه نشبه يقوله :تبيع

طب ابو عزيز من السطح صاروخ في الحوش بس اشوي تعلق ثوبه في المرزام

ولا جاه شي بس طلعله من المرزم خويه نشبه يقول تبيع

هنا ابو عزيز انهارت قواه واستسلم وعاف الطير والساعه الي اشتراه فيها ودق على خويه نشبه

وقاله ماني بايعه خذه بلالالاش عطيه مامن وراها جزيه

وهكذا اخوتي الكرام عاف ابو عزيز الطير وتنازل عنه ويريح راسه من الازعاج ويفك نفسه من الاحراج

طبعا هي قصه خياليه واعتقد مرت على احد منكم للاسف فيه ناس تعشق احراج الغير

ومايفهمون ان صاحب الطير اذا لم يعرضه للبيع انت لا تسبب له الاحراج وتلزم عليه الا يبيعك اياه

يعني تبيعني ولا تراني ابزعل عليك

اترك التعليق لكم

[m.o.j]

هههههههههههههههههههههههههههههههههههههههههههه
ياحبي لاسلوبك ياسنايديه
ههههههه
بصراحه فيه من هالنوعيات مو شرط طيور وحتى غير الطيور انا ابتلشت بسيارتي ليييين خربت والناس تبيع تبيع

[سنايديه]

المشاركة الأصلية كتبت بواسطة m.o.j

هههههههههههههههههههههههههههههههههههههههههههه
ياحبي لاسلوبك ياسنايديه
ههههههه
بصراحه فيه من هالنوعيات مو شرط طيور وحتى غير الطيور انا ابتلشت بسيارتي ليييين خربت والناس تبيع تبيع

الف الف شكر لمرورك العطر وبالنسبه للسيارات عاد شي ثاني شوي وينزلون راعيها منها

بالغصب

[كاسكووووو]

من جد فيه ناس مدري وش تبي

[سنايديه]

المشاركة الأصلية كتبت بواسطة كاسكووووو

من جد فيه ناس مدري وش تبي

الف شكر على المرور العطر وفقك الله

[ابو محمــد]

اشكرك على انتقائك للأفكار والاسلوب البسيط الجميل,,

بالنسبه لخوينا ابو عزيز انا ما الومة لان نشبه نشب في حلقه من جد,,

عموما حاب انصح نصيحة لابو عزيز مره ثانيه اذا صادف واحد مثل هذا يحد الطير عليه بسعر خيالي,,

مثلا الطير يسوى 5000 ريال يحد عليه بقيمه عاليه وهو عارف خويه انه ما راح يشتري وبكذا تسلم من عيونه وتروح نفسه من الطير وتفتك من شره.

وهذي الطريقه انا استخدمها يعني ما ابين اني انا متعلق في الطير ومستعد ابيعة.

[سنايديه]

المشاركة الأصلية كتبت بواسطة ابو محمــد

اشكرك على انتقائك للأفكار والاسلوب البسيط الجميل,,

بالنسبه لخوينا ابو عزيز انا ما الومة لان نشبه نشب في حلقه من جد,,

عموما حاب انصح نصيحة لابو عزيز مره ثانيه اذا صادف واحد مثل هذا يحد الطير عليه بسعر خيالي,,

مثلا الطير يسوى 5000 ريال يحد عليه بقيمه عاليه وهو عارف خويه انه ما راح يشتري وبكذا تسلم من عيونه وتروح نفسه من الطير وتفتك من شره.

وهذي الطريقه انا استخدمها يعني ما ابين اني انا متعلق في الطير ومستعد ابيعة.

ياهلا مرحبا بكبيرنا ابو محمد

والله بصراحه المعلومه والطريقه الي ذكرتها فعلا رائعه اذا كانت تفك الواحد من الاحراج

يعني الف شكر لك على هذه النصيحه من جد الواحد اذا نشب مع ذا الاشكال ماهنا شي يفكه

الف الف شكر لمرورك العطر اسعدني تواجدك في الصفحه

[الموسوي]

ههههههههههههههههههههههه

صح كلامك اخوي

وشكرا ع المووضع الحلوووووووو

تحياتي

[مس^^مس]

اعوذ بالله من ذا النشبه .. وفكرة ابو محمد مراا روعه

ماشاء الله عليك سنايديه .. وربي اسلووب رووعه ..

[أحبك توتو]

واللـه صـدقـت اي صـح في ناس واااااايـد يتـعرضون المـوقف مثل جذي و مشكــوووور ع الطريـقة الحلووة في التعبيـر

......... تـــــــــســــــــــلـم ايــــــديــــــــــــــــــكـ ......