|
بـبــغــاء ((أبو عزيز)) وخويه ((نشبه ))
بسم الله الرحمن الرحيم
كان ياما كان في حديث الزمان كان فيه واحد اسمه ((أبوعزيز )) عزيز هذا عنده ببغاء جميل ورائع يطربك من التصفير والتقليد والبربره يلعب ويرفرف ويتشقلب فكان طائر فلته وكان أبوعزيز يحب طيره الجميل ويموت فيه وهذا خوينا أبوعزيز قدر الله عليه وزاره في بيته خويه اسمه ((نشبه )) طبعا راح خوينا في الله أبو عزيز وجاب الطير عند خويه نشبه يبي يوريه الطير وقام يستعرض مهارات الطير عند خويه نشبه طبعا خويه نشبه هنا اعجب وانهبل على الطير وعلى طول قال لخويه أبوعزيز نشبه :تبيع هناأبو عزيز انحرج من خويه ومعد يدري وش يقول أبوعزيز: والله ياخوي مدري بس ماودي ابيع الطير لاكن نشبه هنا بدا يكون اسم على مسمى وبدا ينشب في حلق ابوعزيز نشبه :يابن الحلال تبيع الطير عجبني تكفى تبيع والله عيني عليه تبيع ابوعزيز :ساكت ومنحرج نشبه : بكم ابزودك الف اذا مو الف الفين ثلاث ,تبيع أبوعزيز حس انه في ورطه وخويه ذا نشب في نحره والطير بالنسبه له لايقدر بثمن رد على نشبه ابو عزيز: المساله ما هي مسالة فلوس المساله ان الطير غالي على قلبي المهم طلع نشبه من البيت وهو يحاول يقنع في عزيز ويقوله ترى ابتصل فيك واشوفك اقتنعت دخل ابو عزيز ينام لان وراه بكرى دوام سمع رنة رسايل في جواله فتح الجوال رساله من خويك نشبه ليقراها لتكون الرساله من اخوك نشبه: تبيع هنا ابوعزيز حس نفسه تورط صدق وتورط ورطة حياته وقال في نفسه ابو عزيز: ياخي ذا مايفهم فهمته ان الطير عزيز علي ماهو للبيع ابو عزيز قام راح الدوام وصلته رساله ثانيه من نشبه يقول فيها هاه وصلتك الرساله امس وانت نايم الي كنت اقول فيها تبيع أبوعزيز بدا يتضايق من ذا الي اسمه نشبه ,رجعابو عزيز من الدوام لتستقبله ام عزيز وتقول ام عزيز :ابو عزيز ابوعزيز: نعم ام عزيز:ترى خويك نشبه دق على البيت يقول قولي لابو عزيز تبيع ابوعزيز هنا بدأت عيونع تتناتق وبيقطع شعره من الضيقه دخل ابو عزيز يقيل ما امدا يغط في النوم الا طالع له نشبه في الحلم يقول :تبيع قام ابو عزيز مفزوع وراح عند الدريشه يتنفس شوي بدا يشوف الدريشه تنفتح ويطلع منها راس نشبه يقول: تبيع سكر الدريشه بسرعه وراح يركظ في الصاله جته ام عزيز وشفيك يابو عزيز عسا ماشر ابوعزيز صار يشوف وجه ام عزيز خويه نشبه هنا سالته ام عزيز : هاه تبيع هنا ابو عزيز صرخ صرخه من قمة راسه ومسك شعره وراح يركض للسطح يتنفس طلع له من ورا الخزان خويه نشبه يقوله :تبيع طب ابو عزيز من السطح صاروخ في الحوش بس اشوي تعلق ثوبه في المرزام ولا جاه شي بس طلعله من المرزم خويه نشبه يقول تبيع هنا ابو عزيز انهارت قواه واستسلم وعاف الطير والساعه الي اشتراه فيها ودق على خويه نشبه وقاله ماني بايعه خذه بلالالاش عطيه مامن وراها جزيه وهكذا اخوتي الكرام عاف ابو عزيز الطير وتنازل عنه ويريح راسه من الازعاج ويفك نفسه من الاحراج طبعا هي قصه خياليه واعتقد مرت على احد منكم للاسف فيه ناس تعشق احراج الغير ومايفهمون ان صاحب الطير اذا لم يعرضه للبيع انت لا تسبب له الاحراج وتلزم عليه الا يبيعك اياه يعني تبيعني ولا تراني ابزعل عليك :confused: اترك التعليق لكم |
رد: بـبــغــاء ((أبو عزيز)) وخويه ((نشبه ))
هههههههههههههههههههههههههههههههههههههههههههه
ياحبي لاسلوبك ياسنايديه ههههههه بصراحه فيه من هالنوعيات مو شرط طيور وحتى غير الطيور انا ابتلشت بسيارتي ليييين خربت والناس تبيع تبيع |
رد: بـبــغــاء ((أبو عزيز)) وخويه ((نشبه ))
من جد فيه ناس مدري وش تبي
|
رد: بـبــغــاء ((أبو عزيز)) وخويه ((نشبه ))
اشكرك على انتقائك للأفكار والاسلوب البسيط الجميل,,
بالنسبه لخوينا ابو عزيز انا ما الومة لان نشبه نشب في حلقه من جد,, عموما حاب انصح نصيحة لابو عزيز مره ثانيه اذا صادف واحد مثل هذا يحد الطير عليه بسعر خيالي,, مثلا الطير يسوى 5000 ريال يحد عليه بقيمه عاليه وهو عارف خويه انه ما راح يشتري وبكذا تسلم من عيونه وتروح نفسه من الطير وتفتك من شره. وهذي الطريقه انا استخدمها يعني ما ابين اني انا متعلق في الطير ومستعد ابيعة. |
رد: بـبــغــاء ((أبو عزيز)) وخويه ((نشبه ))
ههههههههههههههههههههههه
صح كلامك اخوي وشكرا ع المووضع الحلوووووووو تحياتي |
رد: بـبــغــاء ((أبو عزيز)) وخويه ((نشبه ))
اعوذ بالله من ذا النشبه .. وفكرة ابو محمد مراا روعه
ماشاء الله عليك سنايديه .. وربي اسلووب رووعه .. |
رد: بـبــغــاء ((أبو عزيز)) وخويه ((نشبه ))
واللـه صـدقـت اي صـح في ناس واااااايـد يتـعرضون المـوقف مثل جذي و مشكــوووور ع الطريـقة الحلووة في التعبيـر
......... تـــــــــســــــــــلـم ايــــــديــــــــــــــــــكـ ...... |
رد: بـبــغــاء ((أبو عزيز)) وخويه ((نشبه ))
الله يعطيك العافيه عالقصه الرهيبه
بالنسبه لي اشوف ان بيع الطير وخاصه بدون سبب مقنع ظلــم له |
رد: بـبــغــاء ((أبو عزيز)) وخويه ((نشبه ))
،،
والله القلق !! هذا أرميهـ .. والا أحدهـ على ماصورهـ .. وأقول لهـ ياخوي تراك أبلشتن .. غثيتن .. أقلقتن .. قسم باللهـ يا إن ما فكيتن منكـ إني لا أمردغكـ .. وهالمرهـ بماصورهـ .. والمرهـ الجايهـ تحت وايت !! من جد قلق اللهـ يعينهـ على روحهـ ويعين أهلهـ عليهـ .. تسلمين والله سنايديهـ .. والحمدللهـ ان القصهـ خياليهـ وان هالكلام مهب صدز هع هع ،، |
رد: بـبــغــاء ((أبو عزيز)) وخويه ((نشبه ))
والله تصلح تالف قصص هههههه
وفعلا تصير في واقعنة كثير بس هل ناس من نشبة وغيرهم ما ينفع معاهم الكلام الطيب ينعف معاهم العين الحمرة بس حتى لو انفك من نشبتة ما بينفك من عينة وشوف ويش راح يصيد الطير |
| جميع الأوقات بتوقيت GMT +3. الساعة الآن 06:09 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو