منتديات تو زوو - اختبار بسيط لاعضاء هواة القطط ..

الصفحة 1 من 2

عرض 40 مشاركات من هذا الموضوع لكل صفحة

منتديات تو زوو (http://www.2zoo.com/vb/index.php)

- قسم هواة القطط (http://www.2zoo.com/vb/forumdisplay.php?f=33)

- - اختبار بسيط لاعضاء هواة القطط .. (http://www.2zoo.com/vb/showthread.php?t=26936)

تفاحه حمرا

09-05-2007 09:38 PM

اختبار بسيط لاعضاء هواة القطط ..

السلام عليكم فرداً فرداً شخصاً شخصاً :p

كيفكوو اخباااركووووو

اليوم

قلت بسويلكم اختبار بسيط ;)

بماإنكم محبين للقطط .. حبيت اعرف شقد عندكم معلومات عنها :D
<< بوهقكمhttp://smilies.vidahost.com/contrib/.../FIREdevil.gif

المهم ادخل فالموضوع ع طوووول اخاف قطو كويتي ولادومينك :rolleyes: يدخلون والقى موضوعي مشمعين عليه بالخط الاحمر وكاتبين محذووف لوولhttp://smilies.vidahost.com/contrib/...ssbonesgif.gif

المهم يلا خلوني اكمل لاتسولفون واااايد << مادري منو يالس يتكلم من الصبح :p

السؤااااال يقوووووووول << شيقوول خلصينا يابنت http://smilies.vidahost.com/contrib/...sting_anim.gif

لماذا انتشرت مقولة بإنه القطوو له سبع اروااح ..؟؟

طبعاً هالجملة مشهوووره وشائعه بين الناس...

وسؤالي هوو .. لماذا هالجملة شائعه ولماذا القطو بالذات ولم يكن حيوان أخر....؟؟

هل فعلاً القطوة لها سبع ارواح:D ..

ام يوجد هناك سبب أخر ؟؟ :rolleyes: واكيد مافي دخان من دون ناار.. يعني اكيد لهالشي تفسير..http://smilies.vidahost.com/contrib/fk/frostyangel.gif

المايك عندكم ..;)

بس لاتطولون لوول..

السؤال مش مقتصر على هواة القطط .. للكل ..:)

في الانتظار...

قطو_Q8te

09-05-2007 09:45 PM

رد: اختبار بسيط لاعضاء هواة القطط ..

انا اقولج ليش
الله يسلمج هذي المقوله طلعت بسبب:
انه القط لما ينط من أي مكان مرتفع ويهبط عالارض
مايصيرله شي
( سبع ارواح )
والسبب ؟
السبب انه جسم القط لما يحذف نفسه يتقوس ويصير مثل المظله فنسبة الهوا تقل ويطيح مع اتجاه العجله وعكس اتجاه الرياح فيصير جسمه خفيف وايدـ ..

مخاوية قطاو

09-05-2007 09:49 PM

رد: اختبار بسيط لاعضاء هواة القطط ..

اشوى اني جيت اول وحده قبل ماتجي دومينك ولا قطو كويتي ويتم الحذف على قولتك
ايووووووه
وش كنت تقولين
ايه
ياطويلت العمر تمت تسميته بذلك الأسم وذلك لمرونة عظامها..وهذا التفسير العلمي لها
ولكن الناس يضنون انه تمت تسميتها بذلك الأسم لأنها لو تطيح من اعلى مبنى فإنها راح تقوم مثل الجني
وايضا لكثرة المصائب والوادث اللي تقع فيها تلك القطوه المسكينه ومع ذلك لايحدث لها شي.
وبس..

مخاوية قطاو

09-05-2007 09:49 PM

رد: اختبار بسيط لاعضاء هواة القطط ..

ياحليك قطوكويتي من وين طلعت على بالي انا اول رد
بسم الله علي

مدمنة قطط

09-05-2007 09:52 PM

رد: اختبار بسيط لاعضاء هواة القطط ..

بس ترى مثلا اذا صدمته سياره (الله يحفظهم يارب ) ترى مايموت الا اذا جاته الضربه على راسه يعني اذا قفز من مكان مرتفع جدا هو عادةينقلب يصير كانه واقف وهو فالهوا لانه اذا طاح على راسه يموت على طول وهذي المعلومات اللي عندي

تفاحه حمرا

09-05-2007 09:56 PM

رد: اختبار بسيط لاعضاء هواة القطط ..

الله يسامحك ياقطو كويتي على الاقل عطي فرصة الاعضاء يجاوبون لووووووووول...شوف الفرق كم دقيقه بين ردك وموضوعي :eek: ماشاء الله اللهم لاحسد :p .. إجابتك صح 90%

.. عالعمووم الإجابة كـ التالي:-

للقطط قدرة فائقه في حفظ توازنها بحيث انها عندما تقع من مكان مرتفع
تسقط وهي واقفه على الاقدام الاربعه والنتيجة انها لاتصاب بأي ضرر
ولذلك يقول الناس ان القطط لها سبعة ارواح :)

منقول من كتاب غرائب وعجائب

مخاوية قطاو

09-05-2007 09:59 PM

رد: اختبار بسيط لاعضاء هواة القطط ..

معليش تفاحه حمراء
الجواب الرئيسي هو لمرونة عضامها

Lonely Hunter

09-05-2007 10:00 PM

رد: اختبار بسيط لاعضاء هواة القطط ..

اهوه فعلا الناس يقولون جذي لانها مرنه و تقدر اطيح من اماكن عاليه و مايصير فيها شي

بس ..ليش السبعه " 7 "

ليش ماقالوا تسعه او ثمانيه ...

انا ماعرف ..شتقولون انتوا :rolleyes:

انا اقول ان يمكن لانه 7 رقم كوني .. كل شي سبعه

سبع ايام سبع سماوات ..الخ

او يمكن اسهل بالنطق :p

اناوبس

09-05-2007 10:01 PM

رد: اختبار بسيط لاعضاء هواة القطط ..

يلا انتظر السوال الثاني
عموما عالم القطط حلو محبب للكثير
وموضوعك حلو ياعسولة

تفاحه حمرا

09-05-2007 10:01 PM

رد: اختبار بسيط لاعضاء هواة القطط ..

مخاوية قطاو

لوول اجابتج صح لكن قطوكويتي جاوب قبلج ..
وماشاء الله طلعتوا عندكم خبره وانا اخر من يعلم عن المعلومة :rolleyes:

مدمنة قطط

مشكورة حبيبتي عالرد والكلام الي قلتيه شوهو مصدره ؟لاني انا قريت المعلومة من كتاب وهو فيه غرائب وعجائب الحيوانات ..

Withered Rose

09-05-2007 10:01 PM

رد: اختبار بسيط لاعضاء هواة القطط ..

كنت بقول نفس أجوبة قطو و مخاوية :)
و بعد القطط عندها إحساس بالكوارث الطبيعيه قبل حدوثها .. و فيه إختلاف بينا و بين الغرب .. بحيث القط عند الأجانب يقولون عنده 9 أرواح ..

تفاحه حمرا

09-05-2007 10:04 PM

رد: اختبار بسيط لاعضاء هواة القطط ..

مخاوية قطاو
يمكن هذا يكون سبب ثاني .. الله يعلم .. بس السبب الي انا كنت اعرفه قلته فووق عالعموم كوني معانا في السؤال الثاني :p

Lonely Hunter
لوول يمكن لانه السموات لها 7 ابواب لووول << مايخصه

اناوبس

بصراحه ماكنت ناويه احط سؤال ثاني بس ان شاء الله بحط عقب ماشفت تفاعلكم ^_* وانتظرونا

تفاحه حمرا

09-05-2007 10:06 PM

رد: اختبار بسيط لاعضاء هواة القطط ..

Withered Rose
تسلمين ع المعلوماتت الي اتحفتينا فيها .. ونوورتي موضوعي ^_^

مخاوية قطاو

09-05-2007 10:08 PM

رد: اختبار بسيط لاعضاء هواة القطط ..

ويذرد روز كلامك صح ون هندرد برسنت
تفاحه حمراء السبب العلمي الاول هو لمرونه عضامها<<<<لاتجادلين والله مانخلص الا في الصفحه1000

Lonely Hunter

09-05-2007 10:11 PM

رد: اختبار بسيط لاعضاء هواة القطط ..

مو بس المرونه

و التركيب بعد .. تركيبة عظامها تخليها تمتص الصدمه .. فما اتعّور

تفاحه حمرا

09-05-2007 10:11 PM

رد: اختبار بسيط لاعضاء هواة القطط ..

القطه لاتندمج في حياة الاسرة مثل الكلب,فمثلاً لوكانت هناك قطة تعيش في شقة ثم جاء ساكن جديد فإنها تستمر في الحياة معه مثل ماكانت تعيش مع الاشخاص السابقين ماتفسير هذا؟؟

Withered Rose

09-05-2007 10:14 PM

رد: اختبار بسيط لاعضاء هواة القطط ..

الله يسلمج تفاحه .. حبيت طريقة الموضوع بصراحة :)

أعتقد لأنها تتعلق بالمكان و المنزل أكثر من الأشخاص نفسهم ..

يارب صحيح :)

Lonely Hunter

09-05-2007 10:15 PM

رد: اختبار بسيط لاعضاء هواة القطط ..

... كل شوي اختبار !!

ok

القطوه دلوعه .. اللي يدلعها و يعطيها اكل و ماي بتلحقه و ماتهتم باللي قبله P:

مخاوية قطاو

09-05-2007 10:19 PM

رد: اختبار بسيط لاعضاء هواة القطط ..

لأن القطه انعزاليه يعني انت لاتملك القطه وانما القطه تملكك
يعني ماتقدر تقول انا املك هذي القطوه بل العكس
يارب فهمتوني عاد

تفاحه حمرا

09-05-2007 10:23 PM

رد: اختبار بسيط لاعضاء هواة القطط ..

Withered Rose
لوول.. إجابتج صحيحة ;)

والسبب كامل..:-

بإنه القطه ترتبط بالمكان اكثر من ارتباطها بالاشخاص بينما الكلب ارتباطه شخصي اي اذا ارتبط بشخص فأنه لايفارقه وهو على استعداد للموت في سبيله.

ويكفي ان نلاحظ الاطفال وهم يلعبون مع الكلب.انهم يضربونه ويشدونه من ذيله ومع ذلك فهو يستمر في لهوه ولايمكن أن يؤذيهم.

بينما القطة تدافع عن نفسها ضد اي مضايقه ولاتحتمل تلك المعاكسات ولذلك القطة "تخربش الاطفال" حتى اثناء فترات اللعب واللهو معها :eek: .

Lonely Hunter

09-05-2007 10:24 PM

رد: اختبار بسيط لاعضاء هواة القطط ..

يعني احنا انسانهم الاليف :p

not the other way around

تفاحه حمرا

09-05-2007 10:25 PM

رد: اختبار بسيط لاعضاء هواة القطط ..

Lonely Hunter

ماتبون اسئلة .. اوقف ؟؟ هاه استسلمتوا :D ?

مخاوية قطاو

وصلتي متأخرة لوول

Lonely Hunter

09-05-2007 10:29 PM

رد: اختبار بسيط لاعضاء هواة القطط ..

كملي كملي

شدعوه عندنا شغل الحين P:

تفاحه حمرا

09-05-2007 10:39 PM

رد: اختبار بسيط لاعضاء هواة القطط ..

أخر 3 اسئلة ...سهله ..

1- كم مرة تنجب القطة في السنة ؟

2- كم مدة الحمل عند القطه ..؟ (اذكروا لي بعدد الايام)

3- كل كم تحيض القطه ؟؟

اخوانــــي اتمنى انكم استفتدتوا من أسئلتي ..
وانا استفتدت وايد...

وان شاء الله تكونون استمتعوا بموضوعي الاول في قسم القطط
:cool: وانا استمتعت بتفاعلكم الحلوو ..وان شاء الله اشوفكم في موضوع ثاني

وقبل الوداع

في الانتظار الاجابه على الاسئله الاخيرة :rolleyes:

Lonely Hunter

09-05-2007 10:45 PM

رد: اختبار بسيط لاعضاء هواة القطط ..

1- مرتين

2- 28 يوم .. يمكن

3- اسبوعين

ترا قاعد اشّير P:

اقتباس:

وان شاء الله تكونون استمتعوا بموضوعي الاول في قسم القطط
:cool: وانا استمتعت بتفاعلكم الحلوو ..وان شاء الله اشوفكم في موضوع ثاني

حتى احنا و ماشاء الله الموضوع كان نار ...مواضيع ثانيه تنطر شهر على مايصر عندها مثل هالردود P:

و ناطرين و المووضع الثاني ^^

تفاحه حمرا

09-05-2007 10:49 PM

رد: اختبار بسيط لاعضاء هواة القطط ..

Lonely Hunter

اجابتك الاولى صح

اما والثانيه
والثالثه غلط :rolleyes:

مخاوية قطاو

09-05-2007 10:59 PM

رد: اختبار بسيط لاعضاء هواة القطط ..

السؤال الأول تقولين صح ممكن
بس جودي والله في السنه الوحده ولدت اكثر من مرتين
والثاني تقريبا شهر وا3 اسابيع يعني الا شهرين
والثالث ليس لي به علم

تفاحه حمرا

09-05-2007 11:13 PM

رد: اختبار بسيط لاعضاء هواة القطط ..

مخاوية قطاو

هذي حقائق علمية .. ويمكن احياناً تصير اكثر من مرتين ماعندي فكرة.. بس هذا الي مكتووب عندي بشكل عام.. وروحي تأكدي من جودي يمكن تطلع جنيه متلبسه بصورة قطوه :D

والجواب الثاني اذكريلي بالايام مب بالشهور

مخاوية قطاو

09-05-2007 11:20 PM

رد: اختبار بسيط لاعضاء هواة القطط ..

42 يوم يارب صح

مخاوية قطاو

09-05-2007 11:21 PM

رد: اختبار بسيط لاعضاء هواة القطط ..

حلوه جودي جني خخخخ والله مايندرى كل شي جايز

Lonely Hunter

09-05-2007 11:22 PM

رد: اختبار بسيط لاعضاء هواة القطط ..

2- 54 يوم

3- شهر

مخاويه
يعتمد على حسب القطوه ... و الظاهر انه قطوتج ما شاء الله ولوده

مخاوية قطاو

09-05-2007 11:25 PM

رد: اختبار بسيط لاعضاء هواة القطط ..

هههههههه
ايوالله هذا اللي انا ملاحظته
ماشاءالله

cute cat

09-05-2007 11:36 PM

رد: اختبار بسيط لاعضاء هواة القطط ..

انا قاريه الاجابه في كتاب انجليزي لعالم في الفيزياء حاط هالمعلومه كمثال لقانون
لكل فعل ردة فعل معاكسه له في الاتجاه ومساويه له في المقدار
فهو يقول ان القط لما يترمي من عالي يدور جسمه زي الكوره عشان تصير سرعته كبيره جده فتجيها قوه كبيره معاكسه في الاتجاة الين يصل لقريب الارض يفرد جسمه فينزل سليم ومره جلست اراقب قط لقيته يسوي نفس الشي
لما ينقز يكور حاله ولما يقرب من الارض يفرد جسمه
يارب تكون المعلومه وصلت

تفاحه حمرا

09-05-2007 11:38 PM

رد: اختبار بسيط لاعضاء هواة القطط ..

الاجابة الصحيحه:- تمتد فترة حمل القطط من 56 يوم إلى 60 يوم وفي المتوسط 58 يوم

باقي الجواب الاخير :)

تفاحه حمرا

09-05-2007 11:40 PM

رد: اختبار بسيط لاعضاء هواة القطط ..

cute cat

تسلم على المعلومة القيمة.. وبصراحه مادري..كل شي جايز.. لان معلوماتي بالقطط ظعيفه .. والأسئله جبت اجوبتها من كتاب عندي.. وشكراً على المرور والرد

جاكور

10-05-2007 11:41 AM

رد: اختبار بسيط لاعضاء هواة القطط ..

بصراحة الأعضاء عندهم خبرة جدا
مثل قطو وغيرو وكثير ......... إن شاء الله الموضوع يثبت أصوت له

تفاحه حمرا

10-05-2007 01:23 PM

رد: اختبار بسيط لاعضاء هواة القطط ..

اخوااااني معقوله ماعرفتوا كم مره تحيض القطط:eek: .؟؟
جاوبوا ترى السؤال جوابه سهل جداً والجواب بتلقونه بين الاسئله الموجودة :rolleyes:

يلا في الانتظار الاجابه :)

جاكور

10-05-2007 01:26 PM

رد: اختبار بسيط لاعضاء هواة القطط ..

أعتقد في السنة 3 مرات

تفاحه حمرا

10-05-2007 07:08 PM

رد: اختبار بسيط لاعضاء هواة القطط ..

لالالاغلط

sisi_moon

10-05-2007 10:08 PM

رد: اختبار بسيط لاعضاء هواة القطط ..

اصلا القطه ماتحيض

الارنبه هي اللي تحيض

جميع الأوقات بتوقيت GMT +3. الساعة الآن 07:37 PM.

الصفحة 1 من 2

عرض 40 مشاركات من هذا الموضوع لكل صفحة