كيق اخلي صوصي يعيش مايموت لين يصير دجاجه

[صمت الأمل]

أهلا وسهلا فيكـ يافراس 19



أول شيء أحب أقول لكـ إن الأعمار بيد اللهـ ,,



لو تهتم وتحافظ عليهم ولاتخلي أحد يلمسهم أو تسوي لهم عزل عن العالم كلهـ ,, وربي كاتب لهـ يموت ,, راح يموت ,



ولو جاهـ أخطر الأمراض وأشدها والصوص تعبان ماياكل ولا يشرب وخلاص الكل يقول لكـ راح يودع .. وربي كاتب لهـ حياة .. راح يعيش.



طبعا أنا ماأقول لكـ هالكلام وأعلمكـ كانكـ أول مرة تسمع عنهـ لأ , هذا بس تذكير ..



وفيهـ إحتياطات ممكن توفرها للصيصان عشان بإذن اللهـ يكبرون ويعيشون عندكـ .



اذا ماعندكـ خبرة في الصيصان أو رعايتها فالأفضل تاخذ لكـ الصوص البلدي .. صحيح إنها أغلى من الصيصان الملونهـ لكن مناعتها أقوى ..



وأيضا الصيصان الملونهـ أغلبها ديوكـ ,, فممكن تاخذ لكـ عشر صيصان ويعيش منها خمسهـ بس كلها ديوكـ ..



وممكن إنكـ ماتاخذ الصيصان الصغيرهـ جدا بعمر يومين أو ثلاثة ,, لأ . خذ الصيصان بعمر اسبوع أو اسبوعين بعد ماتعدي مرحلة الخطر .


وأيضا ممكن تعطي الصيصان بصل مقطع تقطيع صغير أو كراث أو حبة البركة لتقوية المناعهـ عندها .


وأحرص عليهم من التقلبات الجويهـ مثلا تاخذ الصوص لغرفة فيها تكييف ,, ثم شوي تروح بهـ للحوش .. ثم ترجع بهـ للتكييف .. هذا يضر بهم جدا ويسبب لهم إلتهابات في الصدر أو الزكام ولاقدر اللهـ يموت .



واحرص أيضا إن الأطفال الصغار مايمسكوهم كثير ويلعبون بهم بخشونهـ أو يطيروها مثل العصافير (( أنا شفت هالحالهـ )) ,,



وآخر شيء ممكن أقولهـ لكـ إنكـ تهتم بتغذيتهم كويس وتعطيهم حريتهم في اللعب لين إن شاء اللهـ يكبرون ويعيشون عندكـ وعقبال ماتشوف عيالهم ,,



تحياتي لكـ وأي أسألهـ أخرى تفضل بطرحها ,, وشكرا لكـ .