واحد سوي اشتري قطواه بعدين القى واحد مشكلاه

[rayan-man]

السلام عليكم

شريت قطة بس هي تعطس كل شوي وامس كان في خشمها دم اتمنى انكم تسعدوني

[الخبيرة ناديا]

القطه عندها زكام شديد وخروج الدم من انفها دليل على الالتهاب المزمن عندها

لازم تعالجها بمضاد بيتاموكس .

لاكن اول شي كم عمر القطه؟

وهل هي خامله وكسوله؟

وكيف برازها عادي او اسهال او امساك؟

ياليت تجاوبني حتى اقدر افيدك..

[rayan-man]

عمر القطة شهرين وشوي وهي بسم الله عليها نشيطة ولعوووبة مرة وبرازها عادي جدا

[همستراوي جديد]

أخوي

العطس مو دليل قاطع على أن القطة فيها زكام

لآن القطط بطبيعتها تشم كل شي ومن الطبيعي أن الغبار والتراب والذرات المجهرية تدخل أنفها

وعشان تنظف أنفها لازم تعطس بالظبط مثل البشر

وثاني شي لازم تتأكد هل اللي في أنفها دم سائل

ولا أفرازات الانف لآن أفرازات الانف أذا ما نظفتها تتحول إلى اللون الاسود

[الخبيرة ناديا]

مدام هي نشيطه ومااعتقد ان فيها مشكله

لاكن انت متاكد من نزول دم لونه فاتح او غامق.؟

[rayan-man]

الدم الي نزل قليييل مرة ونزل مرة واحدة بس المشكلة العطس كل شوي تعطس من اسبوعين

[لوسي 99]

زي الي حصل مع القط حقي هو فيه جرثومه ازم توديه البيطري يعطيه ابرتين

انصحك في البيتاموكس او الي في الصور انا اتعامل معه




وفيه زيه لون ابيض كلهم كويسين

[sisi_moon]

إذا كان عندهاا اعراض ثانيه مثل إدمااع العيين ,, زياده إفرازات الأنف , قله شهيه ,, خمول ,, صوت مبحوح

تكون مزكوومه

أمـا لو بس عطـس فـ تكون يمكن متحسسه من حاجـه وهذا الي أتوقعـه

قطـوي لودي أول ماجبته كان يتحسس من التكييف كل شوي يعطططس , وبعدها جا الشتا وطفيناه وصار مايعطــس ,, والحين رجع الصيف والحمدلله حالته تمااااااام وعطسه جدا طبيعي

فـ شـوف إيش مشكله قطوتك وإيش الي تتحسس منه

وبالتوفيق

[rayan-man]

مشكورين على ردودكم وانشاء الله بأوديه للدكتور