12-05-2010, 03:04 AM
|
#28
|
|
هاوي جديد
|
رد: أشتريت الرمادي مع الصور
شباب كيف حالكم
أتمنى تكونون بخير،، من زمان مادخلت المنتدى فقلت خلني أدخل و أشوف هالموضوع الي كتبته من زمان،، الحين طيري صار كبير و قام يتكلم و يوجع راسنا كل يوم بس للأسف قال معظم الأسامي إلا اسمي  معاند الله يهديه!!! بس تدرون وايد متعلق فيني حتى هلي يقولون لي أني إذا ادخل البيت يزيد نشاطة و يبتدي يصفر و ينادي مع أن ضروف شغلي ما تسمحلي أقعد معاه،، بس مادري اشسالفته،، حتى إني اذا حطيته على شي مرتفع و قعدت فالصاله و بعدين بروح مثلا غرفتي يطير من مكانه و يصفع على الأرض و يكمل طريقة مشي لين غرفتي هههههههـ
الصراحه هذا الطير الوحيد الي احس ان مب خساره تشتريه حتى على غلا سعره،، و نصيحتي اذا شفتوا طيرين واحد غالي و احسن و الثاني رخيص و مشكوك في امره خذ المضمون وريح عقلك لأنه ونيــــــــــــــــس و الله ونيس
خصوصا إذا علمتوه يذكر ربه و يستغفر،،، بس الصراحه قاهرني كل مايشوفني يقول أستغفر الله أقوله شفيك تستغفر بوجهي أنت شايف قرد خخخخخخخخ
عالعموم سوري طولت عليكم بس كنت ابي اسجل حضور بعد انقطاع
|
|
|