[أمازون]

السلام عليكم و رحمة الله و بركاته

انا خبير طيور بالاساس و ماعندي فكره عن القطط و ماعندي اي خلفيه عن القطط ..

اليوم شريت لي قط (شيرازي) حجمه صغير و عمره بالتحديد (الله أعلم)
هي أنثى و ليست ذكر

شعرها طبعا كثيف جداً و لونه رمادي غامق و عيونها نحاسيه (اول مره اشوف هاللون) و لكن هذا لونها صدق و ما ادري هل الشيرازي يجي لون عينه كذا او لا .

انا يوم اشتريها بسبب عدم خبرتي دققت فيها مثل ما ادقق بالطيور

١- العين نظيفه و تلمع و مافيها اي افرازات
٢- الاطراف سليمه و المخالب سليمه و مافي اي نوع فطريات او شقوق او جروح
٣- الشعر كثيف و ظليت ادقق و انتف شوي اشوف في براغيث او لا .
٤- الانف نظيف و مافيه افرازات

و شريتها و لله الحمد ب ٣٠٠ ريال (بحكم معرفتي القليله بالبايع) و لا هو كان يبي فيها ٥٠٠ ريال .

اول ما خذيتها ووصلت البيت

حطيتها حمام بماي معتدل ، و بصراحه استخدمت شامبو (جونسن للاطفال) مادري هالشي صح و لا غلط؟
و بعد كذا نشفتها و لفيتها و نامت مسكينه .. حسيتها تعبانه من السوق و كذا ..

حطيت لها حليب بس ما شربت منه شي ، و البايع قال لي هذي تاكل اكل البيت و ايضا اكل القطط المخصص فماراح تتعبك .

أسئلتي:

هل اخليها تاكل الاثنين؟ و لا فقط احدد لها نوع واحد يا اكل بيت يا اكل قطط؟
كم مره احممها بالاسبوع؟ وهل استخدم الشامبو او لا؟
كيف ادربها على الحمام؟

بالنسبه للبيت الخاص فيها ، صاحبي عنده بيت مخصص و راح يجيبه لي و عنده حجر يقول انه يتمص المخلفات و ما يمتص الريحه .. فما ادري هل اطنش تدريب الحمام و اكتفي بهذا الحجر؟

اللي ممكن يفيدني باي شي يا ليت يقدمه لي حتى لو كان لنك مواضيع سابقه .

أخوكم أمازون