[توتي]

يا حلات القرقيعان عندكم.. والله ربشه ووناسه..

من يوم احنا صغار عمرنا ما رحناه وقرقعنا.. وحتى الحين عيالنا يوم نقول لهم اطلعوا يستتفهوون هالشي.. مع انه هالمناسبه حلوه وااايد بالنسبه لي..

احنا في دولة الامارات هالمناسبه عندنا في ليله النصف من شعبان ويووم واحد بس.. وله عدة مسميات ( من حق الله،، ومن حق اليله،، وقرقيعان)

والحين الزمن تغير.. صار ما في امان.. بس الاحتفلات بهالمناسبه باجيه للحين.. في المدارس وغيرها.. والحين بعد ا لناس تتفنن بهالشي من ناحيه طريقه التقديم والتغليف وغيرها.. وفي مناطق ما يحتفلوون بهالمناسبه نهائيا..

وعندنا احنا يغنون ويقولون بصوت عالي.. ( عطونا حق الليلة.. ولا بنذبح عجيله.. جدام بيتكم وادي.. والخير كله ينادي..عطونا الله يهديكم.. بيت مكه يوديكم..)

عاد هالسنه ما شوف واايد ناس يونا..

عادة حلوه نحتفل فيها كل سنه.. وبصراحه تقريرج عن هاليوم كان حلوو.. واستمتعنا فيه و تعرفنا على هالعاده عندكم في الكويت..