[dalal]

انا كنت بنيه بين خواني فكنت نوعا مااحب اللعب مع الصبيان اكثر ولا احب سالفت العرايس وتفاهت البنات احس ان مافيها ركض ومتعه بس كنت احس ان الكذب يودي النار وصريحه لابعد الحدود من المواقف الشطانه اللي سويتها

الاولى اني كنت مع الجهال نخطر الشارع بيت جدتي لان الجمعيه قريبه فمااشوف الا ولد خالتي الصغير طلع بوجهه السياره واركض ادزه واتسمت بمكاني من الخرعه كان عمري خمس سنوات وتنومت بالمستشفى بكسور قويه


الموقف الثاني واللي ماادري شاللي حلاني اسويه ان عمري 11 سنه واخوي اصغر مني بسنتين يشيشني اسرق من مخباة ابوي زقاير ولاني دلوغه البيت وكله اتدلع عند امي وابوي فانا الوحيده اللي اقدر اجيب فجبت زقاره اول يوم وتقاسمناها اربعه انا واخوي واخواني اللي اصغر منا ثنين اليوم الثاني قالي اخوي لا تعلمينهم ةوخلي الزقاره بيناا وثالث يوم نفس الشي انا معاه نتقاسمها بعدها قلتله تبي جيب حق نفسك شتسوى علي ابوي يزعل مني وبعدين البوق حرام تبيني اروح النار ماابي ولما صار عمري 19 صارحت ابوي وقلتله بجيبلك باكيت مالبورو احمر عن الحلال والحرام لاني هذا الشي الوحيد اللي سرقته فضحك ابوي واخوي ماادري ليش اذا قلتله ابي زقاره الحين مايعطيني