|
بليز ساعدوني ضرورري
القطه بقالها عشر ايام عندها اسهال فيه مخاط وقطع غريبه صغيره معرفش ايه وبعديين اصبح لونه اسود وهوه غالبا بيكون اسود او اصفر فاتح عطيتها انتينال وفلاجيل ودواء للاسهال بس برده موفقش فالدكتور قالي ده ديدان وبالفعل عطيتها دوا للديدان لمدة ثلاث ايام واحد سم كل 12 ساعه ومش عارفه اعمل معاها ايه وللاسف زاد الاسهال وفيه دم بمخاط فعطيتها مطهر فلاجيل ومضاد حيوي اموكسيسللين ودواء للاسهال ستربتوكين 2سم كل 12 ساعه والحمد الله الاسهال وقف بس بتعمل براز بين الاسهال والمتماسك وفيه مخااط كثير جدا وانا قلقانه عليها جدا وبعديين انا بدات العلاج ده من ثلاث ايام بس وكنت باكلها زبادي وجبنه نستو وفراخ بس وقفت الفراخ شويه وقلت اريح معدتها واكلها زبادي وجبنه بس وانهارده اكلتها زبادي بالعسل اكتشفت ان العسل بيعملها اسهال رغم تاكيد الكل ان العسل مش بيعمل اسهال دلوقتي انا مش عارفه الدوا ده صح ولا غلط والمخاط ده ليه وهيه فعلا عندها دوسنتاريا زي الدكتور ما قال وبلاحظ انها بتسخن كل شويه ساعات بعطيها برامول وهل اكلها اكل ثاني ولا اريح معدتها وملاحظه انها مش بتشرب ميه خالص وانا بسقيها بالسرنجه ولو سبتها طول اليوم مش هتشرب عندها حوالي اربع الى خمس شهور |
رد: بليز ساعدوني ضرورري
احس حالتها مرره صعبه
وديها لدكتور ثاني وربي كسرت خااطري المسكينه ماعليها شر ان شاء الله في انتظار الاخوان يردون عليك |
رد: بليز ساعدوني ضرورري
الله يشافيها ان شاء الله
مع الاسف خبرتي قليله بالادويه انا شخصيا استخدمت ل قطتي مضاد البيتاموكس و جاب نتيجه معها نصيحتي لك ابتعدي عن العسل و الزبادي و الجبنه وحتى اللبن و الحليب بهالفترة و بعدين الدجاج مفيد لها كثير حاولي تعطيها دراي فود نوعيه ممتازة مخلوط مع الدجاج و شويه مويه سلق ممكن تطحينهم و تعطينهم اياها بالسرنجه حتى لو بكميات قليله هي بحاجه لسوايل عشان تعوض الي فقدته و ان شاء الله باقي الاعضاء بيفيدونك اكتر |
رد: بليز ساعدوني ضرورري
متشكره جدا لردكم واهتمامكم بس انا مش باكلها دراي فود خالص فخايفه يكون جديد عليها والمعده متتقبلهوش ويعملها اسهال
انا مع الجبنه والزبادي بدون عسل مفيش اسهال بس بيكون بين الاسهال والمتماسك وفيه مخاط كثير فبلاش عسل تاكل زبادي بس ومش عارفه مش بتشرب ميه ليه انا قلقانه عليها وخايفه جدا عليها |
رد: بليز ساعدوني ضرورري
هي مريضه و تعبانه و فاقدة كتير سوايل و اكيد مالها رغبه بشرب المي او حتى الاكل انتي استمري على اعطائها المويه بالسرنجه اقرأي هذا الرابط فيه وصفه منزليه لعلاج الامساك و يارب يفيدك http://www.2zoo.com/vb/showthread.ph...d=1#post871288 |
رد: بليز ساعدوني ضرورري
ميرسي ليك انا فعلا عالطول بستخدم النشا بالماء بس هزود عليه الجزر والبطاطس وربنا يشفيها بس انا عايزه حاجه لعلاج المخاط ده كمان
لان الدكتور بيقولي الدوسنتاريا بتاخد اسبوعيين علاج وانا عايزه اتاكد من كلامه ومن العلاج |
رد: بليز ساعدوني ضرورري
ان شاء الله ربي يشافيها
و ان شاء الله باقي الاعضاء بيفيدونك اكتر مني كلهم خير و بركه و يارب تقوم بالسلامه و تطمنينا عليها |
رد: بليز ساعدوني ضرورري
انا فطرتها الان زبادي وشربتها سرنجتيين ميه وسرنجتيين محلول جفاف بس عملت اسهال اخضر بس لاحظت ان كمية المخاط قلة شويه عن الاول بس خايفه من الاسهال ده ومش عارفه اعمل ايه ارجوا سرعة الرد
|
رد: بليز ساعدوني ضرورري
برافو عطيتها محلول الجفاف باك الله فيك
انا بعطيكي جوابي النهائي ............... ابتعدي عن الزباااااااااااااااااااااادي في هالفترة بالذات و كمان منتجات الالبان بشكل عام القطه عندها اسهال شديد و احتمال نتيجه مكروب بالمعدة وانتي الله يسامحك تعطيها زبادي و اصلا هو ملين انا نصحتك حبيبتي وانتي براحتك شكرا |
رد: بليز ساعدوني ضرورري
طيب تاكل ايه بالظبط بلاش دراي فود لانها عمرها ما كالته ومش متعوده عليه
ائكلها فراخ مفرومه مع جزر وبطاطس بالسرنجه |
رد: بليز ساعدوني ضرورري
اي حبيبتي الدجاج المسلوق طبعا بدون الجلد مع البطاطا ان شاء الله بينفعها اخلطيهم بالخلاط و اعطيها لو كميه قليله و كمان استمري عل محلول الجفاف بين فترة و التانيه
انا قلتلك عن تجربتي مع البيتاموكس ( مضاد يستخدم لخمس ايام ) و مع ذلك انتظري المشرفات و الاعضاء كمان بيساعدونك بخصوص بالادويه |
رد: بليز ساعدوني ضرورري
استخدم البيتاموكس المضاد مع الادويه الثانيه ولا اوقف المضاد الهيه بتاخده وابدله بده
اسفه طولت عليكي واسئلتي كثير بس انا قلقانه جدا لان القط مات عندي من شهر وخايفه مووت على القطه ادعيلي محتاجه دعوتكم ومساعدتكم بجد |
رد: بليز ساعدوني ضرورري
ديه الحاله بالظبط للتوضيح اكثر
القطه كانت كويسه جدا لحد ما بدات اشربها لبن واسهلت بعده فمنعت اللبن واكلتها بسكوت بشاي ونشا باماء برده اسهال لحد ما بدات تسهل بشكل مفاجئ في كل اركان البيت بشكل لا ارادي والاسهال كان ملئ بالمخاط جداااااااااااا كله مخاط فسالت الطبيب بعد الاسهال ده باسبوع قالي انه ديدان وعطيتها دواء الديدان وبرده موفقش ففوجئت ثالث يوم من استعمال دواء الديدان القطه بتسهل مخاط بدم فوديتها للدكتور قالي ده دوسنتاريا وعطاني الدواء ده فلاجيل ومضاد حيوي اموكسيسللين ودواء للاسهال ستربتوكين 2سم كل 12 ساعه وكنت باكلها زبادي وجبنه نستو ومره فراخ مسلوقه بدون جلد الحمد الله كانت الحاله اتحسنت وبدات تعمل براز لا اسهال ولا متماسك بمخاط وحسيت ان نشاطها بدا يبقى كويس والدكتور قالي المخاط هيروح بعد اسبوع لحد ما قريت في المنتدى اني ائكل القط زبادي بعسل ولان القطه بتحب العسل قلت كويس وحطيت عسل في الزبادي وكمان اكلتها عسل من السرنجه وده التهور الحاله ورجع اسهال اول مره اسهال اصفر كله مخاط وفيه حاجات مش نظيفه قلت ده تنظيف بطن ثاني مره اسهال اخضر بس لحظت ان المخاط قل شويه وانا خايفه جدا ومش عارفه اعمل ايه ولاحظت انها بقالها اسبوع مش بتشرب ولا بتدور على الميه انا البشربها بالسرنجه ديه الحاله بالظبط |
رد: بليز ساعدوني ضرورري
حبيتي ماودي افتي بخصوص الادويه لانو عنجد خبرتي قليله بالادويه انا بس استخدمته لما جا قطتي اسهال وعمرها في حدود الشهرين و نفعها كتير بس ما كانت حالة قطتي مثلك يعني مخاط و اشياء تانيه + سخونه
ما اعرف الادويه التانيه و ما ادري اذا يناسب معها والا لا انا حاسه بمعاناتك والله و اتمنى من قلبي ان الله يشافي قطتك بس اصبري شوي حبيبتي واكيد اكيد اكيد المشرفات بيجاوبوكي بخصوص الادويه انا متابعه موضوعك و بنتظر مثلك المشرفات و الاعضاء |
رد: بليز ساعدوني ضرورري
خيتو ابعدي عن منتجات الالبان والتونةةةةةةةة يااااااااااااارب تشوفيها احسن يااااااااااااااااارب |
رد: بليز ساعدوني ضرورري
انا الحمد الله عطيتها جزر وفراخ وبطاطس مسلوقه وضربتهم في الخلاط والاسهال وقف وبعطيها ميه ومحلول بالسرنجه
وكمان خليت نفس الدوا تاخده بس بدل 2سم الصبح وبليل للمضاد ودوا الاسهال خليته 1.5سم ثلاث مرات في اليوم والفلاجيل هيبقى مرتيين زي ما هوه بس ادعولي المخاط يروح بقى |
رد: بليز ساعدوني ضرورري
من بعد ما عطيتها الجزر بالبطاطس بالفراخ معملتش اسهال الحمد الله وكنت وقفت المضاد الحيوي وبعطيها الفلاجيل ودوا الاسهال بس انهارده العصر بقى عملت براز ولاقيت فيه ورقة جبنه نستو ملفوفه وكلها دم طبعا الهانم كانت وكلاها ومن الواضح ان الورقه ديه كانت عملالها المشاكل ديه طبعا الاكيد ان معدتها مجروحه من الورقه لان حجم الورقه كبير الى حد ما بالنسبه للقطه انا بعطيها الان الفلاجيل كمطهر وباكلها جبنه وشربتها لبن رايب يهدي معدتها رايكم ايه واعمل ايه معاها ارجوا سرعة الرد
|
رد: بليز ساعدوني ضرورري
اه صحيح ونسيت اقولكم ان المخاط كمان راح خالص فمش عارفه المخاط ده كان من الورقه ولا ايه بالظبط وميرسي ليكم
|
| جميع الأوقات بتوقيت GMT +3. الساعة الآن 02:14 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو