 العيد فرحه ماااااااااااااااء كل سنه وانت طيب يا حبيبى )
[align=center]--------------------------------------------------------------------------------
السلام عليكم
ازيكم يا شباب عملين ايه ؟؟
كل سنه وانتو طيبين
طبعا انا عارف ان العنوان مرتبط بالعيد الكبير اقصد الاضحى
انا عارف ان ده العيد الصغير يوووووووووووه اقصد عيد الفطر
لا بجد فرحه جميله جدا فرحه العيد دى وفرحه الفطر
يارب تبقى ايامنا كلها اعياد
ايه رأيكم ؟؟؟ تعالوا نعيش مع بعض كده لحظات ع السريع لنتعرف ع بعض الاداب الجميله
اللى ناخد عليها حسنات ؟؟؟؟؟؟؟؟؟؟
طب يلا بينا الاول نصلى ع النبى عشان حنكلم ع بعض السنن
طيب دلوقتى خلاص احنا صحانى م النوم فى يوم العيد
طبعا شباب احنا حنصلى الفجر عشان احنا بنحب ربنا ولا ايه ؟؟
طيب احنا دلوقتى خرجين عشان نصلى العيد
عيش معايا بقى وتخيل
حضرتك يستحسن ان تفطر بتمره قبل ما تخرج
وذلك لسبيبن
1- احياء سنه الرسول صلى الله عليه وسلم (( حزعل منك بجد صلى ع حبيبك )
2- لازم نحس بفرحه الفطر ومش معقوله نخرج واحنا صائمين لا نفطر عشان نحس الفرحه والاختلاف
اوكى كده احنا فطرنا خلاص
طيب يلا بينا بقى نلبس احسن الهدوم او الثياب وافضلهم طبعا اللون الابيض
ولكن البس اى حاجه جميله عندك زى ما بيقولوا كده البس الحته اللى ع الحبل
الكلام للرجاله والشباب انما البنات والستات طبعا عرفين لبس الصلاه
طيب احنا لبسنا خلاص وبعدين يا عمنا
طيب نحط بقى ريحه او عطر البرفان يعنى البرفن يا عم الامووووور
برضه للشباب مش البنات
اوكى خرجنا الحمد لله بعد ما لبسنا
اه بس قبل ما انسى
يا شباب دى فرحه لازم المسلمين كلهم يحسوها كبيرهم وصغيرهم
حتى ان كان حبيبنا صلى الله عليه وسلم يحث حتى النساء الحيض بالخروحج ولكن لا يصلين
يبقى النساء الحائض يخرجوا برضه الى الخلاء
الكلام المره دى للبنات مش للشباب
اوكى
احنا دلوقتى خرجنا من البيت حنعمل ايه
اسمع معايا كده ربك بيقول ايه ؟؟؟ فى سوره البقره
(((((((( ولتكبروا الله ))))
الله اكبر الله اكبر
يا عم على صوتك انت مكسوف ولا ايه ؟؟؟
يبقى لما نخرج الكل يعلى صوته بالتكبير
متكسفش قول
الله اكبر الله اكبر الله اكبر
لا اله الا الله
الله اكبر الله اكبر
ولله الحمد
طيب وبعدين حنروح المسجد اقصد الخلاء وحط تحتها خط الافضل ان نصلى فى الخلاء
يا ابنى فووووق معايا مش الخلاء يعنى الحمام
انا بهزر معاك انا عارف انك فاهم ربنا يبارك فيك يارب
اوكى يبقى واحنا ريحين نصلى نروح من مكان
ونرجع من مكان اخر وذلك للاسباب الاتيه
1- احياء سنه النبى
2- الملائكه يتصفون فى الطرقات ليكتبوا عباد الله يبقى حضرتك حتروح من طريق يكتبوك ملائكه
وترجع من طريق اخر يكتبوك ملائكه اخرى
يا حبى حس الخيال بتاعك انت وانت ماشى بكبر الله وحس ان الملائكه واقفه
3- انت ذاهب تقابل اناس تعرفهم فتسلم عليهم وتقول لهم كل عام وانت بخير
وعندما تعود تلقى اناس اخرين فتسلم عليهم
اوكى يا شباب خلصت الكلام بس ملاحظه
طبعا نخلى بالنا من الاذكار المأثوره يعنى اذكار الصباح محدش ينساها
نخلى بالنا برضه من اذكار السنه
مثلا دعاء الاستقياظ
دعاء دخول الخلاء ( الحمام ) والخروج منه
دعاء لبس الثوب
دعاء الخروج من المنزل
دعاء الذهاب الى المسجد
دعاء الاكل عشان انت حتفطر قبل ما تنزل
طب يا باشا اجتهد بقى حضرتك ودلوقتى حالا ابحث كده ع النت ع الادعيه دى واكتبها بقى
عشان تقولها من بكره حتى
وان شاء الله تتعود عليها وتقولها بعد كده
اخر الكلام انى ورب الكعبه احبكم فى الله
ارجو الا يكون اى احد منكم زعلان او مضايق او فى قلبه ذره كره منى
بالله عليك خلاص بقى انا بحبك
وكل سنه وانتم الى الله اقرب
اللهم وفقنا لما تحبه وترضى
اللهم استغفرك من كل ذنب
اللهم ان كان هناك خطا فمنى انا وحدى
ربى استغفرك واتوب اليك
والسلام عليكم ورحمه الله وبركاته [/align] | 
رد: العيد فرحه ماااااااااااااااء كل سنه وانت طيب يا حبيبى ) 
العرض العادي
