من مواضيعي

0 شاب يقول لن أصلي إلا إذا أجبتموني على ثلاث أسئلة ((هام أرجو التثبيت )) 0 لقاء مع النجم اللاعب محمد أبو تريكة 0 أخبار طريفة؟..’’,.؟ 0 أذكار و فضائل جاهزة للطباعة 0 تجاوز عن المعسر يتجاوز الله عنك ........ 0 أجمل حلويات عصرية

إحم إحم في الحقيقه و الواقع وباللون الفسفوري الفاقع وبصوت القواقع وتغريد الضفادع < اهم شي يجي وزن القافيه

ماعرف اكتب مقدمهـ

عندي هذره في خاطري
ويدي تحكني ودي آكتب
وابي اتفلسف
واقلب المخ والرأس


(بنت ابو متعب)

شخصيتها..حبوبه..وطيووبه.. وكيوووته..ماتكتب الا باللون الانثوي ..
حضورها حلو..ولو انه ماصل..<لكثره تماديها بالحساسيه والانوثه<كف كل البنات

عاشقه لقسم الشعر..وسوالف حريم.. :<لانها بنت ورومنسيه وحساسه..


بتوقيعها بيتين شعر..يعبر عن احساسها الرايــق..

يا تــوأم الـروح ما تكـفيــك توأمـتـي ..لـو ينعطـى العمـر واللـّه ما أنقصـك سـاعه
عطنـي دقيـقه أبـا أخرج بـس عن صمتـي..وأصيـح أحبـّك وروحـي معـك ملتـاعه


(ضــب مسطـول)


كائن عفش..دفش..معروف بالتسذب والفقش ..
صراحته..او خل نقول وقاحته..سببت له بعض المشاكل..مع غالبيه الاعضاء..

مايعرف يمسك لسانه..ولا يفرق بين (السب) و (الذب) <فاهم خفه الدم غلط

اكثر مواضيعه عامه..او صور..كشتاات..سفرات ..ومهايط على غير سنع


توقيعه
صوره ضـب<طقم مع يوزره
على جنب الصوره من يمين حاط ايميله بخط حجم 60 بالرسام



(فاعل خيـر)


لالـه ولا عليه..الله يجزاه خير ويجزا والديه

من اسمه..نصوح..ويبي فعل الخير..
مواضيعه دينيه..نصحيه..اجتماعيه..م اتشوف منه الا كلمه(اللهم اهدنا عن سبل الضلال )

حضوره نادر..يغيب عشان يجيك بطله اقـوى..وموضوع انصح وكله خير ودين..

توقيعه

(قبـورنا تّبـنى..ونحن ماتّبنــا
ياليتــنا تّبــنا..من قبل أن تّبــنى)
^
^
^
^

كل اللي وراء هاليوزرات الثلاث..نفس الشخص اللي قاعد على كرسيه..ووراء شاشته

هذولي اللي يدخلون لك بستين الف يوزر..وكل يوزر اسم وشخصيه واسلوب جديد ..
ولكن المشكلة أن صاحب هذه الحركة مكشوف أن لم يكن ظاهر من أسلوب كتابته فهو ظاهر لدي إدارات المنتديات
من خلال الـ IP الخاص بجهازه قد تقول أنا فطين أغير الجهاز أو أدخل من مقهى وربي يجي يوم تنكشف فيه..
وبعضهم يسوي هالشي كذا..عباطه وبثاره ولأنه يحس انه مسوي اكشن ..يعني بنت باسم ولد او ولد باسم بنت..
وبعضهم عندهم نوايا..الغالب سيئه..والقليل منهم ما تصير له نوايا حسنه..

فيدخل بيوزره ضب مسطول ..
ويتهاوش مع المشرفين ويسب كم عضوو ويرسل خااص للعضوهـ الفلانهـ ومن حركات النص كم..

وبيوزره بنت ابو متعب..

مع المشرفين زي العسل..وتسلمون لي ياقلبوو..ولا بيننا الا كل موده وحوب

بيوزره الثالث فاعل خير..
احس مسجل فيه تكفير عن اللي يسويه بيوزراته الثانيه
ماشاء الله عليه..انسان فاضي..
متقلب الاحوال..تافه الاقوال <لايكثر تكفين

يقدر باليوم الواحد يغير شخصيته مره ومرتين وثلاث ..

لــ؟؟؟ــيــــهـ


يسوي جــــو..تشويق..مقلب..
طفش من الروتين الممل للمنتدى..قال بطلع اللي بقلبي بيوزري حق الهوشات <يوزر للهوشات ويوزر للحوب ويوزر لتكفير ذنوب هاليوزرين

لانه صعب يقول اللي يبي..بيوزره الاصلي..
لان بعض الصراحه..تجرح ..

فقال اخصص يوزر لهالمهمه..واجي اقول كل مايخالجني من شي مالي علاقه فيه..بحجه اني صريح..!!
لو عالصراحه..خلّك صريح مع نفسك..وقل اللي تبي بيوزرك..!!

موب عيب لو صارحت بيوزرك الاصلي..بس العيب تصارح وانت متنقب

والبعض الله يهديه..مثلاً معه(منصب بالمنتدى)..ماكفّـاه صلاحياته..
راح يسجل بيوزرات بنات تلقا له يوزر واحد ولد وعشر يوزرات بنات..
تراي لاعب عليتس يافلانه..وتراتس اون لاين عندي بأيميلي الثاني (البناتي)

تمثيل بشكل فظيع!!!

هذولا ناس يصيرون بحياتهم خارج المنتدى ناس في قمه الاحترام..ووخر عن طريقهم..طبعن نقدر لهم هالشي..
بس للأسف تلقاه في المنتدى مسوي لي فيها انا الكوول وخفيف الدم..وتحس انه يتمادى شوي بتصرفاته وكلامه..
وعذره بهالشي..انه داخل للمنتدى عشان يوسع صدره ويشيل الرسميات!وانه ما فيه احد يعرفه معرفه شخصيه عشان يستحي منه!

طيب ابفهم..هذولي الناس ما تهتز صورهم قدام انفسهم لما يشوفون انفسهم كذا!
يعني مو شرط يصير فيه شخص تستحي منه..المفروض تستحي من نفسك..
وكمان ما فكر انو معنى في المنتدى ناس صغار في السن..(اقصد التحفظ في بعض المواضيع)..
طبعا ما ننسى الهياط من ورا الشاشه..واللي يجيك احد مسوي قووي وتلقاه يسب ويطلع انواع الكلمات من قاموسه الوصخ..
لأنه محد يقدر يسوي له شي..لأنه ورا شاشه..ولا احد يقدر يوصل له..يقعد يهايط ويمثل انه قوي..وهو من جنبها..



وفي الشات بعد..فيه من الاعضاء ما يدخلون بيوزراتهم..بعضهم يدخل عشان يطلع لنا وجهه الحقيقي..ويبدا يسب ويحش في فلان وعلان..
وبعضهم ما عندهم سبب محدد..ولا عندهم هدف يسعون له..
يدخلون يسولفون ويضحكون..ويفرضون احترامهم

..زبــده هذرتــــي..

* بكل مكان فيه من هالفئه الضاله..مستحيل تلقون منتدى كلهم عايشين بسلام وأمان

* ياأصحااب اليوزرات التسثيرهـ تقدر بلحظه مصارحه تخور لنا بيوزراتك !!؟؟؟؟


* اتمنى من كل تسبدي الشفاء العاجل لكل المرضى..


* (وجه يقول اخيرن وصلنا للفقره الاخيره وفكّــتنا من قرقتها)..



العـذر والسموحه لو أخــطيـت