تصرفات فيونا بعد الولاده اتعبتني

[عاشقة قطوتها]

السلام عليكم

فيونتي مرره متعبتني هالاياااااااام من بعد مافتحوا الكيتنز عيونهم وهي يوميا ممن الساعه 6 الصباااح الى الظهر تجيها حاله تدخل عيالها جوة البيت (انا حاطه قفصها برااا عند الملحق)

واهلي طبعا رااافضين انهاا تدخلهم جوه والمشكله كل مانروح نرجعهم القفص تجي تشيلهم وهكذا ليين العصر من العصر الى فجر اليوم الثاني لو رجعناهم خلاص ماتشيلهم بس تجيها الحاله الصباااح يعني تقريبااا طووووووول فترة الصباح ..

وبصرااحه انا تعبت من كثر مااطلعمهم ومن كثر ماشوف امهم تشيلهم برقبتهم ويصارخون احسهم يقطعون قلبي وكمان كلام اهلي اتعبني

والادهى والامر انها ماتحطهم الا قدااام باب غرفة النووم يعني تحت الباب وهوا المكيف يخبط عليهم من تحت وربي خاف احد من خواتي تقوم وماتشوفهم وتدعسهم وهم مساكين لما اطلع من الغرفه الاقي رجوولهم بارده ويحاولون يتدفون ..

والله مو عارفه وش اسوي ؟؟وش الي يخليها تنقلهم هالوقت بس ..؟وكيف اقدر امنعها من هالشيء ؟؟

ارجوووووووووووووووكم احد يساعدني جد جد اتعبتني