ساعدوني عن بلوغ الزوج والعش !

[قهوة سادة]

السلام عليكم

عندي زوج اتمنى اعرف هل اصبح بالغ أم لا وهل عش الخيوط مناسب لها أم نشارة الخشب شاكر ومقدر لكم .

[رعوود]

اختي قهوة سادة

اول صورة الذكر عاليمين والثاني شكله نثيه

لكن صحتهم تعبانه مره يحتاجون تغذية كويسه وعطيهم دورة مضاد حيوي لمدة ثلاث ايام

بالنسبه للعش غير مناسب

يحتاجون لصندوق تفريخ خشبي

مجوف من الداخل فقط يكفي

موفقه

[قهوة سادة]

أخوي انا دايم أعطيهم حبوب اشتريها اسمها (الجنان غذاء طيور الحب) وأعطيهم ماء بس هم مايشربون الا نادر مررة . لكن يمكن من كثر ما يمسكوها اخواني صارت كذا !
والمضاد من وين أحصله وإذا عندك خبرة عن الفيتامينات تنفع لهم أو لا .

والف شكر لك .

[للعاشقين عيون]

اخوي الطيور لا تخلي احد يلمسها
وظعهم في مكان امن لهم
وحط لهم الحبوب والحضروات
الصورة الاولى الي على اليمين توه صغير عمره بين الشهر الى 4 شهور
والي على اليسار ذكر عمره بين 6 شهور الى 8 شهور
اما الصورة الثانية ماطلعت عندي
وان شاء الله يكونون احسن

واسف على الاطالة

[مشاري العنزي]

شفي اختي انا كثر ماسئلة ماحد فادني والله وبعدين اعمارهم 5 لي 6 شهور

ورح انقل موضوع بعد شوي وتشوفين الصور وتعرفين اعمارهم

واشتري العش الخشبي وبعد ماتشترينه جيبي صمغ وصمغي الارضيه كله ورشي عليه نشارت خشب ناعمه ورشيه حتى تغطي الصمغ كله وبعده عرضيه الهواء حتى يجف تمامآ وبعده زودي نشارت الخشب بس لاتكرين يعنى تغطي لي مصمغ لعى شان اذا توسخ لي فوق تقدرين تشلينه وتنضفينه والمصمغ مايتوسخ

ولي رجعه معك اذا احتجتي شي اسئلي

[بادجي 2009]

اخوي او اختي

الانثى بالغه وجاهزه للتزواج والزوج اكبر من شهور وفوق لكن الانثى ما استعددات للتزواج لانها تعبانه مره

اول شيء حط لهم مضاد حيوي مده 5 ايام ثم بعدها وقف فتره وغير نوع الاكل اذا قدرت

وحاول تنزع لهم وراح ترجع صحتهم تمام ان شاء الله

الانثى تعبان مره واما بالنسبه للخيوط مالها داعي
النشار ه مو ضروريه حط للهم بياضه خشبيه وبس

الزوج اكبر من 8شهور

[the master2010]

اخوي الذكر بالغ لكن هناك سوء تغذية


الانثى تعبانه مرررره اعطيها المضاد ولا تخلي احد يمسكها ووفرلها مكان هادئ لترتاح

[S7R]

الله يشفيهم .. ويعافيهم .. وويخليهم لك .. ويملون لك البيت فرووخ

[السامر]

أنصحك إذا عندكم أولاد مزعجين ويمسكوها ويخوفوها تشيلين الفكرة من راسك لأن للطائر مشاعر ويخاف ومرة ثانية أنصحك إذا ما تقدري تتعنين فيهم وتوفري لهم ما يحتاجون من ماء وغذاء وهدوء وهدوء وهدوء وهدوء وهدوء تشيلي الفكرة من راسك لأن هذه أمانة تسألين عنها يوم القيامة

تحية ...

[قهوة سادة]

الله يعطيكم الف عافيه وآسف ع التأخر في الرد

أخوكم قهوة سادة من كثر حبه بالقهوة سمى بهذا الاسم .