طلب مساعدة ..... وين الفزعة و الإخوان

[الكرواان]

السلام عليكم


يا أعضاء و يا إخواني أرجو الجواب البسيط على هذا السؤال


أمس بليل جدي جابلي كاسكو صغير ذيله أحمر

و اليوم لمن رديت من المدرسه كنت قعد أحط بإيدي حب شمسي داخل القفص عشان ياكل بس اهو ما كله قعد ياخذ و يقط ،،، علما أن الصبح كان عنده جم حب شمسي

و بعدين تغديت و خلصت غدا
رحت حق الكاسكو و حطيت حب شمسي بإيدي خذا جم حبة و قطها بس بعدين قام ياكل
من إيدي

المهم الحين سؤالي
بعد ما وكلته أحط حقه حب شمسي بالقفص و لا ما أخليه ياكل إلا من إيدي



و السؤال الثاني : لمن أمسح عليه يعصب و يعظ اشلون أخليه ما يعصب و لا يعض ؟؟؟


و اشلون أخليه يقف على إيدي ؟؟



ملاحظة هامة جدا جدا جدا : الطير هادي جدا ما يصرخ و ما ينحاش إلا لمن ألمس جسمه ينحاش و يعظ

و الطيرصغيييييير ذيله صغير و لونه أحمر



و شكرا

["مجرد علامة"]

المهم الحين سؤالي
بعد ما وكلته أحط حقه حب شمسي بالقفص و لا ما أخليه ياكل إلا من إيدي

لا لابد تحط له حب في القفص ولا تقصر عليه بالأكل أبداً ترى توه جديد يبي له كم يوم عشان ياخذ ع الجو

و السؤال الثاني : لمن أمسح عليه يعصب و يعظ اشلون أخليه ما يعصب و لا يعض ؟؟؟


و اشلون أخليه يقف على إيدي ؟؟

لازم تعطي الطير فترة يآخذ على المكان الجديد واشخاص اول مرة يشوفهم
لا تستعجل الظاهر ان طيرك حبوب واليف فلا تخرب على عمرك وتسبب له صدمة

ملاحظة هامة جدا جدا جدا : الطير هادي جدا ما يصرخ و ما ينحاش إلا لمن ألمس جسمه ينحاش و يعظ

و الطيرصغيييييير ذيله صغير و لونه أحمر

هذا دليل انه اليف بس لابد تصبر عليه

اعتبره ضيف عندك هاليومين بس غير له الاكل والماء وخليك هادئ جداً
لاتدخل يدك بالقفص ولاتغير مكان القفص
وانتبه عليه من البرد

ولو قدرت تحط له صور هنا يكون احسن


واي سؤال تحت امرك

وبالتوفيق


يارب عفوك

["مجرد علامة"]

هنا موضوع الأخ سمسار

مدرسة تدريب الكاسكو

أكيد راح تستفيد بإذن الله

http://www.2zoo.com/vb/showthread.php?t=110761









يارب عفوك

[زياد محمد]

اخوي اذا حاس ان الطير متغير عليك ..؟ يمكن احد من البيت يزعجه اذا غير كذ1 ..؟

مالك الا الصبر وان تكوون حوله ترى مهو سهل تاكل الطير من ايدك الا .. اذا ارتاح لك
تماما وتصبر ورآح تلقى نتآيج بس خلك دآيم معه وسًولف واضَحك معاه وبتلآحظ الفرق