لقيت قطو يتيم عمره 3 اسابيع تقريبا.. تكفون ساعدوني.. مسألة حياة او موووت:(

[شوك الزهر]

السلام عليكم..

من قبل ثلاث ايام لقيت قطو ذكر يتيم وقررت اعتني فيه .. سبحته وشربته حليب بقر .. وكان تمام نوعا ما ..

عمره حوالي 3 اسابيع (مبطل اذونه وعيونه ويمشي برجفة وعنده بدايات اسنان يعني يدووووب اسنان توهم ماطلعوا)

بعدين تشيكت بالنت وقريت ان مايصير تعطين القطط الرضيعة حليب بقر لأن فيه كمية عالية من اللاكتوز .. وخذيت وصفة من هني عبارة عن صفار بيض وشوية ملح وحليب وزيت ذرة .. وسويتها وعطيته منها ..

من باجر صار يأن أنين مؤلم جداااااا .. وصار يتبز ويتألم أثناء التبرز .. وشكله يكسر الخاطر

والحين رديت اعطيه حليب بقر قليل الدسم .. وبعد يتبرز لكن براز لين طبيعي شكله على ماعتقد..

المشكلة ماني عارفة هل اكمل على حليب البقر ؟؟ وليش يأن باستمرار ومايعجبه شي

الشي الثاني :: شكثر اعطيه ماي ؟؟ وشكثر كمية الحليب؟؟ .. انا اعطيه بشي تقريبا يشبه قطارة العيون..

الشي الثالث :: متى اعطيه أكل طري ؟؟ خصوصا وانه تقريبا ماعنده اسنان ولا اعتقد يعرف ياكل من صحن .. وهل ويسكاس ينفع اخلطه مع شوي حليب ؟؟ لكن شلون راح اقدر أأكله ؟؟

بليييييييز ساعدوني والله حيراااانة .. اول مرة اعتني بقط صغييييير .. حالتي حالة كله مقابلته

بليز لا تقولون وديه طبيب بيطري لأن لااايمكن اقدر اوديه ابدااا ابداااا ..
وماقدر اوفر حليب خاص للقطط

بسررررررعة بليييييييز


بانتظاركم.........

[Withered Rose]

هلا " شوك الزهر " .. حياج الله بتوزوو انشالله تقضين وقت حلو معانا ..
ان شاء الله يكون هالعمل بميزان أعمالج ..

الوصفه فيها اخطاء هذه الاشياء ما يتقبلونها القطط حتى الكبار منهم فشلون لو صغير
الحين ممكن تعطينه الحليب الطازج خالي الدسم فهو أفضل الحلول ..

شكثر اعطيه ماي ؟؟ وشكثر كمية الحليب؟؟

الماي ياخذه دائماً من الحليب الا اذا كان ياكل اللحوم .. و الحليب تعطينه على حسب احتياجه (من 5 إلى 10 مرات يومياً اذا تقدرين) ..

وهل ويسكاس ينفع اخلطه مع شوي حليب ؟؟ لكن شلون راح اقدر أأكله ؟؟

اي عادي بس لا تخلطينهم الاكل بروح و الحليب بروح و أعتقد راح ياكله بروحه اذا مبطل عيونه

و الحين أعتقد يبتدي ياكل .. فيه بالجمعيات وجبات بالأكياس للقطط الصغيرة راح تكون وجبات مفيده له ..

و تربيه موفقه و طمنينا على القطو الصغير

[شوك الزهر]

تسلم ايدينج حبيبتي على الرد السريع ..

يعني اعطيه ويسكاس واهو ماعنده ضروس عادي صح ؟؟

ياليت تفيدوني شنو اقدر اسوي لما يأن الأنين اللي يشلع القلب (

؟؟؟

[شوك الزهر]

وشغلة بعد نسيت اقولها .......

اول ماخذيته كان لما عزكم الله يبول .. يبول نقطة نقطة كل دقيقة .. لكن الحين يبول متواصل عقب الوجبة بمدة حوالي السبع دقايق .. هل هذا يعني اني اعلمه على البول بالترااااب؟؟؟

[حسن أحمد]

السلام عليكم ورحمة اللة وبركاتة شوك الزهر اعطية حليب السعودية كل ساعتين اربع قطرات او خمسة عن طريق الفم الحين القطوة صغيرة جدأ علي الاكل لكن بمكانك تجربي اشتري دجاج وقطعي قطع صغار جدا اذا اكل كان بها واذا ما اكل خلاص امشي علي الحليب وحطي في مكان دافي جدا خصوصاانو الجو بارد الحين اهم شي عشان يعيش المكان الدافي والحليب وانشاء اللة بيكون بخير اخوكم

[أسير الدمعة]

افظل حل تشوف لك قطه مرضع...
وتحطه مع الصغار يرضع
وعادة القطط تتبنى الصغار وحنونه معهم
خاصة القطط الفارسية
والله يكون بعونك.

[شوك الزهر]

المشاركة الأصلية كتبت بواسطة حسن أحمد

السلام عليكم ورحمة اللة وبركاتة شوك الزهر اعطية حليب السعودية كل ساعتين اربع قطرات او خمسة عن طريق الفم الحين القطوة صغيرة جدأ علي الاكل لكن بمكانك تجربي اشتري دجاج وقطعي قطع صغار جدا اذا اكل كان بها واذا ما اكل خلاص امشي علي الحليب وحطي في مكان دافي جدا خصوصاانو الجو بارد الحين اهم شي عشان يعيش المكان الدافي والحليب وانشاء اللة بيكون بخير اخوكم

مشكووور اخوي عالاهتمام .. انا حاطته بغرفتي يعني بمكان دافي ان شاء الله..

المشاركة الأصلية كتبت بواسطة أسير الدمعة

افظل حل تشوف لك قطه مرضع...
وتحطه مع الصغار يرضع
وعادة القطط تتبنى الصغار وحنونه معهم
خاصة القطط الفارسية
والله يكون بعونك.

وين بالله القى قط مرضع .. ادور بالشوارع لووووووووووول
ماعرف احد عنده قطاوة ابدااا ابدااااااا
واهو قط شوارع لكن بعيوني احلىىى قطو بالدنيا
يسلمو عالمرور ......

[لميـــــــــــــا]

لاتعطينوو
حليب قليل دسم


لالالا

بس خااااااااااااااااااااااااااااااااااااالييييييييييي

انتبهي حبيبتي


يلا باي

[lailak222]

عليكم السلام شوك الزهر

انا ربيت قطاوة شوارع من كثرهم ماعرف عددهم والله وتراهم اذكا من الشيرازيين والهولنديين والامريكيين لاني ربيت تقريبا كل الانواع بس بقى السيامي

الحين تقدرين تعطينه زبادي بياكل بروحه عادي واي نوع حليب هم عادي ومايأثر

وترى بتحسين بفرق بين تربيته وبين تربية اي قطو اصيل واهو بيكون المفضل لانهم يلعبون اكثر ومرحين ويخلونج تموتين من الضحك على حركاتهم

بالتوفيق ان شاءالله ويتربى في عزج

[شوك الزهر]

المشاركة الأصلية كتبت بواسطة لميـــــــــــــا

لاتعطينوو
حليب قليل دسم


لالالا

بس خااااااااااااااااااااااااااااااااااااالييييييييييي

انتبهي حبيبتي


يلا باي

هلا والله اختي لميا ..

انا قريت بالمواقع الاجنبية نصهم يقولون هول ميلك .. يعني كامل الدسم ونصهم يقولون خالي الدسم فقلت اخذ حل وسط اللي هو قليل الدسم لووووووووووول والله هذا اللي صار

المشاركة الأصلية كتبت بواسطة lailak222

عليكم السلام شوك الزهر

انا ربيت قطاوة شوارع من كثرهم ماعرف عددهم والله وتراهم اذكا من الشيرازيين والهولنديين والامريكيين لاني ربيت تقريبا كل الانواع بس بقى السيامي

الحين تقدرين تعطينه زبادي بياكل بروحه عادي واي نوع حليب هم عادي ومايأثر

وترى بتحسين بفرق بين تربيته وبين تربية اي قطو اصيل واهو بيكون المفضل لانهم يلعبون اكثر ومرحين ويخلونج تموتين من الضحك على حركاتهم

بالتوفيق ان شاءالله ويتربى في عزج

اي مرحين اي بطيييييخ والله لو تشوفوني انا اللي بتموتون ضحك علي لوووووول
والله يبكي باستمرار لاااازم اشيله بحضني ولاااازم اخليه يمص صبعي لوووووووولز اول الايام اخليه عادي ماكو مشكلة لكن الحين طلعتله ضروس ويعور

بليز عندج اي فكرة شلون اقدر اسكته عن الصياح .. اوكله وانظفه وامسح عليه وهم يصايح .. لدرجة احيانا صوته يتغير مادري لأنه كبر يمكن يتغير صوته لوووووووووووووووول

انتظار مساعدتكم هئ هئ هئ