رجعنا انا وتوته بدون توتو:( نريد نصيحه

[Love kasko]

السلام عليكم ورحمة الله وبركاته

شحالكم .. وشخباركم.. وربي اشتقت لكم حيييييييييييييييييييييييييييل كل ابوكم

وادري مقصره وصايره ما ادش بس والله كنت مشغوله

المهم يا حلوين هذا كم سؤال ومنكم الجواب والنصيحه

بس قبل لا اطرح اسئلتي ودي اذكر انه توتو طار وبقينا انا وتوته بروحنا وهذي الاسئله

السؤال الاول: انا من اصحى انظف القفص والحلوه توته طول يومها على كتفي الا وقت الصلاه ووقت اكون في المطبخ غصب عنها نتزل في الصاله هالشي يضرها ولا لا؟؟

السؤال الثاني: اذا جيت ااكلها لزم اقعد ساعه تاكل لقمه وتروح على راسي وترجع على كتفي وبعد كم كلمه حلوه تاكل اللقمه الثانيه هالشي طبيعي ولا عندها مشكله في الهضم؟؟

السؤال الثالث: حبيبتي الحلوه توته اتي لها ايام ترفض تاكل من ايدي لو ميته جوع ولما اترك الاكل وانزلها واروح تاكل لما ارجع ولا امر من المكان اللي هيه فيه تترك الاكل شو معناة هالشي وهل فيه ضرر عليها؟؟

السؤال الرابع: اليوم كنت اكل خبز رقاق وجبن كرفت الحلوه مصره تشاركني انزلها تطلع على ايدي وتاكل خليتها وتوكلت على الله ما يصيبها شر هل خبز الرقاق مع الجبن يضر؟؟ وصح انا لازم كل يوم اكل تفاحه قبل النوم بدال العشا وهيه كل يوم تشاركني في نص التفاحه وكد قريت الفواكه كل يوم مضره هالشي بيضرها ولا امنعها بالقو طبعا؟؟

ومممممممممم كان في كم سؤال ونسيته استغفر الله بس اتذكر برجع احطهم في نفس الموضوع

مشكورين حيييييييييييييييييييييييييييييييييييل ويعطيكم العاااااااااافيه وعساكم على القوه

والله لا يحرمني منكم ^^

وودي واحترامي للجميع

اختكم الصغيره

قمر^^

[Love kasko]

صح ذكرت سؤال ^_^

انا ان شاء الله عز وجل وان كنت من الاحياء يوم الجمعه الجايه بروح اخذ كاسكو واكيد حلمي بيتحقق وبكون فرحانه بالطير الجديد كيف اخلي توته ما تحس بالهشي ولا تزعل منه وهل اذا جاء على البيت عادي اخلي قفصها جنب قفص الكاسكو مع انه هيه ابدا ما تدخل القفص الا وقت النوم وبالغصب بعد؟؟

وشكراً جزيل ادي اني مزعجه بس مالي غيركم ^^

[آنآستــآزيآ]

.. أهــلاً وسهــلاً فيــكـ بــآي وقــت يـ الغاليــة .. ^_^ ..

السؤال الاول: انا من اصحى انظف القفص والحلوه توته طول يومها على كتفي الا وقت الصلاه ووقت اكون في المطبخ غصب عنها نتزل في الصاله هالشي يضرها ولا لا؟؟

.. لا بـ العكــس جــدوول أعمــال ممتــاز وبيخلّيهــا تتعلــق فيــكـ ان شــاءاللهـ أكثــر ..

السؤال الثاني: اذا جيت ااكلها لزم اقعد ساعه تاكل لقمه وتروح على راسي وترجع على كتفي وبعد كم كلمه حلوه تاكل اللقمه الثانيه هالشي طبيعي ولا عندها مشكله في الهضم؟؟

تحــب اللعــب أكثــر مــن غيــرهـ موضــووع عــادي ومــا بيضرهــا .. ..

السؤال الثالث: حبيبتي الحلوه توته اتي لها ايام ترفض تاكل من ايدي لو ميته جوع ولما اترك الاكل وانزلها واروح تاكل لما ارجع ولا امر من المكان اللي هيه فيه تترك الاكل شو معناة هالشي وهل فيه ضرر عليها؟؟

.. يمكــن بـ هـ الأوقــاات حــاابة تقعــد لحالهــا تاكــل لحالهــا بخصــووصية وبــدوون إزعــااج .. أيضــااً عــاادي ومــا بيضرهــا ان شــاءاللهـ ..

السؤال الرابع: اليوم كنت اكل خبز رقاق وجبن كرفت الحلوه مصره تشاركني انزلها تطلع على ايدي وتاكل خليتها وتوكلت على الله ما يصيبها شر هل خبز الرقاق مع الجبن يضر؟؟ وصح انا لازم كل يوم اكل تفاحه قبل النوم بدال العشا وهيه كل يوم تشاركني في نص التفاحه وكد قريت الفواكه كل يوم مضره هالشي بيضرها ولا امنعها بالقو طبعا؟؟

عــن الخبــز والجبنــة فـ بــإذن اللهـ أكــل البشــر لــو أعطــي لـ الطائــر المنزلــي بـ شكــل خفيــف مــا بيضــرهـ .. طيــووري أحيانــاً تشــرب شــاي وييــااي بــس علــى خفيــف .. ..

.. وعــن التفــاح بـ العكــس .. مفيــد جــداً تعطيهــا فــواكهـ يووميــااً بــس بـ كميــة قليلــة مــع التنــووويع !! فـ حــاولي تعطيهــا أشيــااء غيــر التفــااح ..

.. آنآستــآزيآ ..

[Love kasko]

اهلين ونورت الموضوع والحمدالله على السلامه وعلى رجعتك وان شاء الله آخر الغيبات

ومشكور حيييييييييييييييييييييييييييييل وان شاء الله انوع لها في الفواكه والاكل بس هيه ترضى تترك اكلي هههههه

ودي لك^^

[عشقي البلوفرنتد]

ترا كل الي فيث طيررررررك طبيععععععععععي جدا
لا تقلقي
اخوكم،،عبدالعزيز

[H.B.H]

ألحين أنتي يا قمر مو قصيتي جناحين طيورك؟؟؟كيف طار؟؟


المهم......والله على كلامك أحس الطير ما فيه شيء بالعكس أحس أنه طفل مو طير
عادي إذا عطيتي الطير أي شيء ماعدا البقدونس والتفاح لاياكل البذور
مبروك مقدماً على الكاسكو أنا أقولك من ألحين بترتاحين من الطير تراه حلو بس يبي لك تقابلينه 24 ساعه لأنه حساس تدرين شريت طيور زيبرا ومن شريتهم وهو من أحطه على كتفي ينزل لي راسه يبيني أمسح عليه كأنه حاس أني مبتعده عنه وملتفته للطيور خصوصاً أن الطيور مفرخين على شان كذا أهتمامي بهم أكثر منه
يعني بالملخص حاولي تخلينهم يتوالفون ويتسلون مع بعض ولا بتتعبين معاهم ما بتعرفين منو تدلعينه وتقعدين معاه أكثر
والله يصبرك على فراق توتو

[A3z_ansan]

اذا بتاخذين كاسكو خذيه وعره 4 او خمس شهور لانه توه ما يكون عرف صاحبه وترى انصحك تاخذينه وهو نشيط لا تاخذذين واحد تحسينه ميت وترى اذا اخذتيه وهو ما يتكلم بتطولين في اول كلمتين يغني اسبوع اسبوعين لاكن بعدها طل ثلاث ايام كلمه وترى الملام على حسب الكلمه

[بلاك بيري]

ما لنا فوق كلام اخونا اناستازيا زوووود

[Love kasko]

مشكور يا اخوي عبدالعزيز ^^

[Love kasko]

اول شي حمدالله على السلامه يا الغاليه H.B.H وين مالج شوفه؟؟

وثاني شي قصيتهم بس شوي ورجعوا ما شاء الله طوالوا ووديتهم البيطري يطعمهم وقالي اقصهم قلت لا خلهم كم يوم يفرحون وع موعد الابره الثانيه قصهم اللى هو بعد بكره لكن قدر الله وما شاء فعل الحمدالله على كل حال

ومبرووووووووك الطيور والفروخ يتربون في عزج ^^ الله يعطيج خيرهم ويكفيج شرهم^^

وان شاء الله بعطيها كل شي الا البذور والبقدونس

والله يبارك فيج

ودي واحترمي لج

كوني بالقرب