اشترك في نشرتنا البريدية ليصلك كل جديد

2moon2 · 18-03-2009, 09:38 AM

السلام عليكم ورحمة الله وبركاته ..

اخباركم ؟..

هذاا اول موضوع ليي .. وبغيت اسالكم شي عن القطو الي عندي اذا طبيعي ولا ؟!!

من كم يوم اشتريت اوول قطوو ليي "سنووبي" .. فديته حلوو ودلوع ولعوب .. بس مب كل الوقت .. يعني يقووم الصبح نشيييييط ما شاءالله .. وعقب ينااااام .. يعني قولو من الساعه 11 لييين الساعه 6 ويقوم يكوون كسلاااان .. يعني يقعد شوي ابيه يلعب بس هو يناام فوقي خخ .. وعقب يردله النشاط ع الساعه 10 فلييل .. وما ياكل وايد .. يعني شووي .. والحليب ما يشربه ..

وديته البيطري فحصه وعطاه التطعيم .. وقال ما فييه شي ..

بس ابي اعرف اذا هالشي عادي في كل القطط ولا لا ؟؟!

* للعلم .. عمره 45 يوم او اكبر شووي ..

=)

عاشقة القطاو · 18-03-2009, 10:19 AM

هلا

أظن انه شي عادي ..

لأنه بعد عمره صغير ..

و غيره ..

و اذا لاحظتي عليه خمول ..

بعد التطعيم الي اخذه فما هذا بعد شي عادي ..

آنـــــو · 18-03-2009, 11:15 AM

القطط تنام بالنهار أكثر ،، وتنشط بالليل

وتوصل ساعات نومها من 14 الى 16 ساعه باليوووم

بالنسبه لوضعه راقبيه .. شوفي معه أسهال أو عطاس أو عارض كذا غريب

والأكل ،، أعطيه سيريلاك .. ودجاج مسلووق مقطع صغااار مع موية السلق

وجبنه قليلة الدسم .. أو زبادي برضو قليل الدسم ..

2moon2 · 18-03-2009, 02:06 PM

عااشقة القطاو .. مشكوره اختي .. والله انا جفت العكس .. عقب التطعيم تنشط خخ .. ان شاءالله يوم يكبر يتغير ويصير يلعب ..

أنوو .. ماشاءالله ينامون وايد هههه .. وصح اليوم عطس مرتين .. حسيته مريض والله .. والاكل انا اعطيه اكله امم ما اعرف شسمه.. جنه بسكوت جي .. وو ع الغدى عطيته دياي مع تونه معلب .. يعني .. خلاص بجرب عقب بعطيه دياي مسلوق ..

أبيــ قطـوـوهـ ..^^ · 18-03-2009, 02:10 PM

لآ عآدي باالعكس مآفي شي يخووف ..

هذ1 طبيعي أغلب القطآووة كذ1 ..^^

~~مدرب نمور~~ · 18-03-2009, 03:18 PM

يب يب

طبيعى

يكبر شويه ويتحسن

amul · 18-03-2009, 09:37 PM

القطط كساااااااااااااااااااااااااااااااااالى وتنام كتير ده شىء طبيعى لاتخاف

فقع · 19-03-2009, 02:06 AM

اقتباس:

المشاركة الأصلية كتبت بواسطة 2moon2

السلام عليكم ورحمة الله وبركاته ..

اخباركم ؟..

هذاا اول موضوع ليي .. وبغيت اسالكم شي عن القطو الي عندي اذا طبيعي ولا ؟!!

من كم يوم اشتريت اوول قطوو ليي "سنووبي" .. فديته حلوو ودلوع ولعوب .. بس مب كل الوقت .. يعني يقووم الصبح نشيييييط ما شاءالله .. وعقب ينااااام .. يعني قولو من الساعه 11 لييين الساعه 6 ويقوم يكوون كسلاااان .. يعني يقعد شوي ابيه يلعب بس هو يناام فوقي خخ .. وعقب يردله النشاط ع الساعه 10 فلييل .. وما ياكل وايد .. يعني شووي .. والحليب ما يشربه ..

وديته البيطري فحصه وعطاه التطعيم .. وقال ما فييه شي ..

بس ابي اعرف اذا هالشي عادي في كل القطط ولا لا ؟؟!

* للعلم .. عمره 45 يوم او اكبر شووي ..

=)

عااااااااااااااااادي خاصة انو لساتو جديد عندك وصارلو بيت جديد الو بدو وقت علشان ياخد عليه وعليك اكتر وفاخر الشهر راح تحكيلنا سااااااعدوني القط اللي عندي مجننيييييييييييييي

اما عموما القطط كلها تحب النوووووووووووم وفي نفس الوقت اللعب

2moon2 · 19-03-2009, 11:31 AM

مشكوورين والله وما قصرتوو ..

بس يمكن اكون ثقييله عليكم شوي .. بس ساامحوني اول مره اربي قطو وما اعرف وايد اشياء عنهم ..

امس كنت شاكه انه فيه اسهاال .. واليوم تاكدت .. ووريوله من تحت وصخه .. ومن ورى بعد .. ويوم ابي انظفه ما يقعد مكانه .. ينقلب ويشمخ .. فمسكته وقلت ما بهده ليين ما يتنظف .. وما قدرت .. احس مادري والله .. ما يتنظف بسرعه .. حتى اختي الصغييره اليي تمووت ع سنوبي يوم مسكته قال " اخيييه ريحته مث حلوه " !! هع

فابيي حلل دخييلكم بسرعه .. شلووون انظفه وبشنوو .. والاسهاال من شنو صاده ..

=( ..

وهل يحتاي اوديه البيطري عشان ينظفه ولا اقدر انظفه في البيت ..

آنـــــو · 19-03-2009, 02:49 PM

قبل ماتفكرين تنظفيه .. الأهم كيف يوقف الأسهال

لأن حتى لو نظفتيه بيوسخ نفسه .. عالجي الأسهال أول

أغلب الظن أنه من الحليب أن ماناسبه ومثل ماقلتي أن ماياكل كثير يعني معدته سوائل هذا شي ثاني مسبب للأسهال ..

لو تقدرين تجيبين له حليب خاص للكتينز .. لو ماحصلتي وقفي عنه الحليب حتى يمسك بطنه

وأعطيه دجاج مقطع صغاااار مع رز أو بطاط .. وجبنه قليلة الدسم ..

وطمنينا عليه .. وأنتبهي تهملين الأسهال الشديد لأنه يسبب جفاف وموت سريع للقطط الصغيره ..

لو ماوقف الأسهال في غضون 24 ساعه وديه البيطري يعالجه ..