كيف تعرف الحمام القلاب << معلومات من الخبره

[محروح السنين]

السلام عليكم

كل عام وانتم بخير

انا ومن حسب خبرتي في الحمام الطويييييييييييله اكثر من 15 سنه اكشف اشياء بنفسي بحكم الخبره وحبيت اني انقلها للفايده

بالنسبه للحمام الباكستاني القلاب اعرف انه قلاب من عيونه ....؟؟؟؟؟ّ

كيف

اول شي شوف عيون الطير اذا لقيت النقطه السودا الي في العدسه يعني مثل مانقول ماهي في مركزها تلقاها مايله شوي باتجاهات مختلفه فهذا قلاب

وهذي الطريقه جربتها وكانت ناجحه بنسبة 9 من 10 طيور << بالنسبه للباكستاني



وفي بعض الاناثي اتفاجئ بانها تصدر صوت مثل الذكر بل افضل من بعض الذكور في الهديل واتفاجئ انها تبيض فهذا كان محير لاكن الشكل شكل انثى

وايضا وجدت بعض الذكور تتجاوز مع ذكور اخرى وهذا حاصل مع جوز ذكور والله ياخوان بكل الطرق ماقدرت افصل بينهم سبحان الله استمرو اكثر من سنتين وهم باكستاني قلاب

وايضا بعض الذكور تتجاوز مع اكثر من انثى كان عندي ذكر متجاوز مع ثلاث والانتاج قمه يحضن هنا ويطعم هنا

يمكن للبعض هذاي معلوممات ماهي جديده لاكن البعض جديد في الحمام

كان عندي جوز حمام عقيم كان يحضن على بيض الدجاجه وكان يطردها من التحضين

وبعض الذكور االمفرده فردي يعني اذا ماوجدت اناث كانت تنحاش من عندي القاها عند الجيران عرسان

وهذا الي يحضرني الحين لاكن اي شي بذكره راح اكتبه وانا حاليا تركت تربية الحمام بحكم المكان والحين ببغاوات والحمد لله

واي سؤال انا تحت امركم

واتمنى اني افدت ولو بشي بسيط

واذا كان احد من الاخوان عنده اضافة او تعديل لمعلومه يتفضل مشكورا