لعبة الهندسة الوراثية

[Coupooo]

السلام عليكم

اولا و قبل مأبدأ اتكلم و اشرح . انا عارف ان فى ناس كتيييييير مفهمتش الموضوع الي فات و انا هكرر الموضوع كله و بالتفصيل اكتر عشان كل الناس تفهم ان شاء اللهقبل اى شرح احنا الأول لازم نعرف بعض الاساسيات عشان نفهم الموضوع كويس اوىطبعا الهامستر ده ليه صفات كتيييير اوى ( لون العين , طول الشعر , الوانه , لون الأذن , .... الخ )فأول حاجة نعرفها ان احنا مينفعش نخلط بين اكترمن صفة على انهم صفة واحدة

مثلا : هامستر لونه Black Eyed Cream Banded Hamster ... هنا طبعا فى 3 صفات من الإسم بس

اول صفة : Black Eyed اسود العينينالثانية : Cream و ده لونه كريمىو الثالثة : Banded و ده الطوق الأبيض الي حولين وسط الهامسترو الصفة الرابعة دى نجيبها من الصورة و هى Short Haired و طبعا فاهمين ان شعره قصيرو صفه كمان ان ودنه سوداءو هكذا ...فبالطريقة دى نقدر نفصل كل صفة على حدا و نشوف احتمالات توريثها ايه , لكن لو حاولنا نجمع كل الصفات على انها صفة واحدة هنفشل فشل زريع فإننا نعرف نحدد احتمالات التوريث




+++++++++++++++++++++++++++++++++++++++++++++++++++++++++++++++

نبدأ نتكلم عن بعض المبادئ عن الهندسة الوراثية عموما

الدى إن إيه DNA : و ده عبارة عن شريط حلزونى مكون من الكروموسومات

الكروموسومات : و دى وظيفتها انها حاملة لعشرات الألاف من الجينات ... و كل كائن حى له عدد معين من الكروموسومات و كل كروموسوم بيكون نسختين . يعنى الجين لازم يقابله توأمه فى الكروموسوم التانى

الجينات : و دى هى المسؤول الوحيد عن الصفات فى اى كائن حى , و طبعا كل جين بيحمل صفة و طبعا كل صفة ليها رمز او حرف و عدة رموز (صفات) بتسمى كود

انواع الجينات

الجينات المحولة – Mutant Genes : دى بتكون جينات محولة من جين اساسى اثناء عملية الوراثة .. يعنى حصل مشكلة ما ادت الى تحول او تطور الجين من الشكل الأساسى لشكل جديد تماما

الجينات السائدة / المتنحية – Dominant & Recessive Genes : طبعا الصفات ممكن يكون ليها اكتر من شكل و كل شكل له قوتة سواء سائد أو متنحى و الجين السائد دائما يأخذ رمز Capital (مثال : A ) و الجين المتنحى يأخذ رمز Small ( مثال : a ) طبعا شرح النوعين دول مش كامل بس هنفهم ده مع بعض كمان شوية . ان شاء الله

الـ Masking Genes : و بصراحة انا مش عارف اقول عليها ايه بالعربى ... بس الجينات دى ليها قدرة غريبة بإنها تقدر تخفى ظهور جين تانى ( بتكون قناع عليه ) . بس ده مش معناه انها سائدة

الجينات المتعلقة بالجنس – *** Linked Genes : اولا الجينات دى بتكون Mutant و كل جين من دول متعلق بالجنس للهامستر و عموما الجينات دى مش بتظهر غير فى الإناث بس

الجينات السامة : و دى كل معلوماتى عنها انها بتموت المولود قبل ولادته اساسا و لو عاش مش هيعيش اكتر من 6 ايام بعد الولاة


+++++++++++++++++++++++++++++++++++++++++++++++++++++++++++++++

نرجع للكروموسومات تانى
كل نوع من الهامسترات له عدد معين من الكروموسومات
السورى : 44 كروموسوم ( 22 زوج )
الروسى : 28 كروموسوم ( 14 زوج )
الصينى : 22 كروموسوم ( 11 زوج )
الروبوروفسكى : 34 كروموسوم ( 17 زوج )

طبعا اثناء عملة التوريث بيتم الأتى كل من الأنثى و الذكر السورى كمثال عنده 22 زوج كروموسومات . اثناء عملية التوريث بتنقسم الكروموسومات دى الى نصفينيعنى لو قولنا ان الجين الفلانى رمزه AA فأثناء عملية التوريث بينقسم كل جزء على حدا (A) و (A)

طيب نأخد مثال بسيط كدة عشان نفهم الموضوع كله ببساطة

صفة طول الشعر بتأخذ الرمز L و الرمز ده جه من كلمة Length

طيب مين السائد و مين التنحى ؟
طبعا الـ Short Haired هو السائد لأنها صفة البرية للهامستر و هياخد رمز Capital و هو (LL) و الـ Long Hair ما هو الا تطور جيني (Mutant Gene) حدث سنة 1972 تقريبا فى احدى محلات الحيونات بس مش فاكر فين و من يومها وهو موجود

طيب الـ Long Hair يبقى ايه بقى ؟

اكيد هو المتنحى . و اكيد برده هياخد رمز Small و هو llو طبعا الحرف L مكرر مرتين عشان زى مقولت لكل كروموسوم توأمه فى المقابل

دلوقتى بقى نبدأ عملية التوريث بين فرد Long Haired و فرد أخر Short Haired

فى المثال السابق احنا شوفنا ان كل جين انقسم لجزئين . و كل جزء فى الطرف الأول اخد له اخوه من الطرف التانى و هكذا الطرف التانى كمان كل جزء اخد اخوه من الطرف الأولبس الناتج الى طلع كان خليط بين جين سائد و جين متنحى الى هما ( الـ lL و الـ Ll ) و من هنا نبدأ نفهم الى قولته عن الجينات السائدة و الجينات المتنحية . فالناتج الى طلع ده هتكون الولده حاملة للجينين مع بعض لكن الجين السائد هو الى هيظهر و الجين المتنحى هيفضل مخفى لكنه موجودفهنا نستنتج ان الفرد الأول و هو الـ Pure Short Haired و الفرد الثانى و هو الـ Pure Long Haired انتجوا 100% من الولدة Mixed Short Hair و انا سميته Mixed عشان هو حامل للجينين مع بعض لكن الـ Pure بيكون حامل لنفس الجين


+++++++++++++++++++++++++++++++++++++++++++++++++++++++++++++++


طيب يحصل ايه لو الهامسترالـ Mixed اتجوز هامستر تانى Mixed

هنا هنلاقى ان الناتج الى طلع عبارة عن (2 LL) و (4 Ll) و (2 ll)يعنى
25% (Pure Short Hair ( LL

25% ( Pure Long Hair ( ll

50 %( Mixed ShortHair ( Ll

هنا فى ملاحظه مهمة جداان الجينات المتنحية مستحيل تظهر إلا فى حالة انها Pure بسلكن الجينات السائدة سواء Pure او Mixed هتظهر


+++++++++++++++++++++++++++++++++++++++++++++++++++++++++++++++

تعالو بأءة قبل مأكمل نتكلم عن الرموز الجينية لألوان الهامسترات

+++++++++++++++++++++++++++++++++++++++++++++++++++++++++++++++


طيب تعالو بقى نعمل عملية التوريث فى الوان الهامستر . بس ركزو معايا اوى عشان من هنا الموضوع معقد شوتين
لو قولنا هنجوز ذكر Black Eyed Cream مع انثى Cinnamon
طبعا قبل اى شئ لازم نعرف ان كل الألوان ( الجينات ) Mutant Genes ما عدا الجولدن Golden
فهنا احنا عندنا رمزين مختلفين عن بعض الـ ee و الـ pp و بما ان الجينين Mutant Genes فالإساس بتاعهم كدة كدة لازم يبقى موجود بس مش ظاهر
يعنى الـ Black Eyed Cream الى رمزة ee عنده الجين السائد للـ pp و هو الـ PP بس هو مش ظاهر او غير فعال
و هكذا برده الـ Cinnamon الى رمزة pp عنده الجين السائد للـ ee وهو الـ EE و برده هو مش ظاهر
طيب إزاى جينات سائدة و مش ظاهرة ؟؟؟!!!!
عشان الـ Mutant Genes اغلبها Masking Genes يعنى الجين بيتطور و يزرع نفسه على الجين الأساسى الموجود اصلا
يعنى الهامستر الـ Golden عنده الجين PP اصلا بس بعد الاف عمليات التوريث و تغيير الظروف البيئية و حاجات كتيير اوى ممكن تأثر عليه تطور الى pp عشان يدى اللون الـ Cinnamon اصلا الى هو مكنش موجود
و هكذا بالضبط مع الجين EE تطور الى ee لنفس الأسباب
يبقى الذكر الـ Black Eyed Cream كوده ( eePP ) و الأنثى الـ Cinnamon كودها ( EEpp )

ممكن اشرح حاجة صغنطوطة كدة الأول .
طبعا الجينبن الى فاتو دول على سبيل المثال عشان يظهرو لازم يكونو متطابقين يعنى الـ Black Eyed Cream عشان يظهر لازم يكون هناك الرمز بتاعه ee بس و هكذا كمان الـ Cinnamon لازم يبقى pp
لكن لو بصينا تانى على المثال الى فوق هنلاقى الإنتاج كله طالع EePp يعنى الشرط المطلوب لظهور اى لون فيهم مش موجود اصلا فبالتالى اللون الى هيطلع هو السائد و طبعا بما ان الـ E و الـ P هما الى موجودين و هما طبعا خاصين باللون الـ Golden اساسا
فالإنتاج كله هيطلع Golden ............. مفجأءة صح ؟؟؟
طيب ناخد مثال تانى من نفس المثال السابق
دلوقتى هناخد ذكر و انثى من الإنتاج الى فى المثال السابق و نجوزهم لبعض و نشوف هيطلع ايه ؟؟؟
طبعا الذكر و الأنثى كودهم EePp

هنا هنلاقى ان الخلفة عندنا 9 Golden و 3 Black Eyed Cream و 3 Cinnamon
طيب مين الى طلع فى الأخر ده الى رمزه eepp ؟؟؟؟؟
الشخص ده عنده 2 Mutant Genes فعالين مع بعض ... هنا بقى فى لون جديد ظهر عندنا وهو خليط بين اللونين
طب هو ايه ؟؟؟؟
هنا بقى احنا لازم نشغل دماغنا .... الأب و الأم Golden و الجولدن ودنه سودا اصلا . صح ؟؟
نرجع كدة مع بعض للجدول الى فوق هنلاقى ان الون الـ Cinnamon لون عينيه احمر لو ودانه غامقة و لو ودانه لونها فاتح لون عينه هيكون اسود .
يبقى اكيد هتبقى عينيه حمرا ... و بكدة يبقى الـ Black Eyed معدتش موجوده و مش باقى غير الـ Cream ؟ صح؟؟؟؟
يبقى الناتج الى هيظهر Red Eyed Cream
يبقى بعد كل ده الإنتاج الإجمالى عندنا ايه ؟
56 % Golden
19% Black Eyed Cream
19% Cinnamon
6% Red Eyed Cream



+++++++++++++++++++++++++++++++++++++++++++++++++++++++++++++++


طيب تيجوا نعقدها اكتر ؟؟؟؟
هنقول ان عندنا ذكر Black Eyed Cream Banded و الأنثى Cinnamon Dominant Spot
كدة عندنا حاجة زيادة والى هى Banded و Dominant Spot .. صح ؟
يعنى الـ Black Eyed Cream الى هو الكود بتاعه eePP زى مقولنا هنزود عليه الرمز الخاص بالـ Banded
و هو الـ Ba- و برده الـ Cinnamon الى الكود بتاعه EEpp هنزود علية الـ Dominant Spot الي هو Ds-
السؤال هنا : ليه الشرطة الى جنب الـ Ba و الـ Ds ؟؟؟
عشان الشرطة دى ( - ) هنحط مكانها تفعيل الجين نفسه . إزاى ؟؟؟
يعنى الجين Ba عشان يظهر هيبقى BaBa او Baba
و هكذا الـ Ds عشان يظهر هيبقى DsDs او Dsds
وزى مقولنا ان الجينات دى كلها Mutant Genes فلازم يكونو موجودين عند كل من الفردين
فعشان نقدر نعمل عملية التوريث بشكل سليم 100% لازم نضيف جين الـ Baned الخاص بالذكر على كود الأنثى لكنه مش هيكون فعال و هيكون بالشكل ده baba
و هكذا مع الـ Dominant Spot الخاص بالأنثى على كود الذكر بالشكل ده dsds
يبقى الإثنين الكود الكامل لكل منهم ايه ؟؟؟
الذكر : eePPBaBadsds
الأنثى : EEppDsDsbaba
نبدا عملية التوريث يالا ؟

هنا الناتج كله جولدن بدون اى مقدمات . بس بما ان كل من الـ Dominant Spot و الـBanded جينات سائدة و كل منهم ظاهرين زى مطلع فى الناتج .
فالهامستر الى هيطلع Dominant Spot Banded Golden



++++++++++++++++++++++++++++++++++++++++++++++++++++++++++++++


اتمنى بجد انى اكون قدرت اوصل ليكم الفكرة ببساطة

انا عارف ان الموضوع مش هيتفهم من اول مرة .. اقروه مرة و اتنين و تلاتة عشان يثبت
و ان شاء الله كلكم تبقوا لعيبة فى الهندسة الوراثية
و اى حد عايز يسأل اى سؤال فى الهندسة الوراثية يعمل الموضوع و انا هرد عليكم ان شاء الله



++++++++++++++++++++++++++++++++++++++++++++++++++++++++++++++++++


الموضوع حصرى لمنتدى توزوو و من ابداعى الخاص

[بــيــدوؤو]

مشكوووووووووووور كوبو عالموضوع الجميل
وهم موضوعك الاول كان حلو بعد
منها للاعلى انشالله

[HamsterLover]

اولا احب ابدي اعجابي بموضوعك وشرحك يا صاحبي

ثانيا اقسم بالله اول مرة اقرا موضوع شيق كده عن الهامستر وبجد متعوب عليه جدا وكلام مش جاي من فراغ
انا متاكد انه كلام جاي بعد محاولات كتيرة وتجارب اكتر

مشكور اوي يا كوبو على المجهود الرائع ده وبجد الموضوع يستحق التثبيت ويكون في المواضيع المميزة
لاني متاكد ان في ناس محترفين في تربية الهامستر وميعرفوش اي حاجه عن لعبة الجينات دي
وانا لا انكر اني اتعلمت منها كتير اوي اوي ااوي

بشكرك كمان مرة يا زميلي

بالتوفيق ان شاء الله

[marshmallow]

مـآ ششآء آلله عليك يـآ cuopooo

موضوع وآسلوب جـداً رآآآئع ..

ومرجع لـكل مربي آلهـآمستر .. لـآنه بجد مهم ..

يعطيك آلف عـآفيه .. وتسلم ع آلششرح آلمفصل آخوي ..

وتسستآهل ★★★★★ +ختم آلتميز + آلـآضآفة لِ فهرس آلموآضيع آلمميزة ..

آسسستمر ..

[Abo_fahed]

السلام عليكم ورحمة الله وبركاته

اي بصراحة هذي المواضيع الي تفتح النفس

شرح وتبسيط وتنسيق وصوور توضيحية

وبالأخير الموضوع علمي

ياسلام عليك

عشره على عشره

بارك الله فيك

ويعطيها العافية

دلع بسة

تقدر المواهب

الله يحفظها

تحياتي لكم يا الغالين

[الكلاسيكي]

ماشاء الله تبارك الله

موضوع جداً جميل ومفيد وعجبني فيه التنسيق الجميل والطرح الأكثر من راائـع

تسلم ايدك يالغالي

وتقبل مرورري

اخـ ابومحمد ـوك

[vampire-TW]

ابدااااع رائــــــــــع

يعطيك العافية واصلــــــــــي

[Coupooo]

شكرا ليكم اوى يا جماعة و على كلامكم العسل
و انا معاكم بكل ما هو جديد و مفيد ان شاء الله

و هاقولها تانى و تالت و رابع .... الى عايز اى مساعدة او شرح بخصوص الموضوع ده بالأخص او اى موضوع تانى انا تحت امركم كلكم

[رعوود]

اخوي Coupooo

موضوع جدا رائع وقيم وقوي

تسلم ايدينك على الطرح المبهر

ومعلومات وشرح جدا رائع

استمتعت به

تحياتي

[كروان توزو]

تسسًلمْ عًًًً الموضًوووعْ
الرًآاآاآاأعْ