ابغى الخطوة الثانيه في ترويض الكاسكو.... ياصبر الارض

[ام ليان]

--------------------------------------------------------------------------------

السلام عليكم
سبق وتكتبت لكم طريقتي مع ترويض الكاسكو
هو تقريبا عمره فوق السنه والنصف ممكن سنتين
بديت احس بالملل منه ابيكم تشجعوني قبل مابيعه يئست بترويضه ويئست انه في يوم بيتكلم
الحين بحط رابط موضوعي اللي تكلمت لكم فيه عنه وبكملكم وش صار عقب وعطوني نصايحكم

http://www.2zoo.com/vb/showthread.ph...69#post1479169


الان طريقتي معه اطلعه من القفص قبل العصر واتركه برى القفص لقبل صلاه العشاء
وهو واقف على القفص من فوق بدون اي حركه
لما اعطيه اكل يرفض ياخذ ويرمي ومرات ياكل منه شوي ويرمي وعلى هالحال وكل مارمى رجعته له وبرضو ماياكل
يعني ممكن يجلس معنا بالصالة مده كبيره بدون حتى مايشرب مويه كل هذا حتى مانشوفه وهو ياكل

مازال يجعر واحيان لما امد له حبه فول سودني يحاول ينقض على اصبعي
ومرات يكون اليف اقوله راسك يعطيني راسه
المشكله لما احاول اشيله بجونتي ومعي لحاف خفيف اخاف من عضته ماله امان
يتعلبش بكل شي بالقفص او اي شي قدامه لحد ماسوي له زي المهاد تبع الطفل والفه لف باللحاف وابدا مسد فيه وينسبط لكن لما ارفع يدي يحاول يهرب
يعني الان اسوي له مساج مابين فتره وفتره خلال اليوم ابي يحبني

الحين الاخ معه سهال وحطيت له كم نقطه ليمون بالماء والظاهر انه ماشربه

ابغى حل الان مره ام الاكل ولايناظر فيني ومره ياخذها ويرميها
الحين انا جالسة معه بالغرفة وهو واقف فوق القفص لايحاكيني ولا احاكيه عقب مارمى الاكل
وكل شوي ينفش ريشه
واليوم تأخرت عليه ماطلعته من القفص شكله زعلان
والاكل انا حاطه له كم تقريبا 5 حبات فول سوداني ابغيه ياكلها وهو بالقفص ولااكل منها شي
شكله زعلان مني
وش تنصحوني به
لان الان له 16 يوم عندي واحس اني بديت اطفش لاني مشغوله وبنفس الوقت ودي به

[جوسلين]

الصبر ثم الصبر

[ام ليان]

المشاركة الأصلية كتبت بواسطة جوسلين

الصبر ثم الصبر

[نصراوي]

ام ليان انا من رأيي تشوتينه بوز وتشترين واحد ثاني يكون فرخ عيونه سود واذا عندك وقت ممكن تاخذين فرخ صغير مره تأكلينه بالأبرة او تاخذين فرخ بس يكون مفطوم وريحي راسك من العبيط اللي عندك

[ابو يمن]

المشاركة الأصلية كتبت بواسطة نصراوي

ام ليان انا من رأيي تشوتينه بوز وتشترين واحد ثاني يكون فرخ عيونه سود واذا عندك وقت ممكن تاخذين فرخ صغير مره تأكلينه بالأبرة او تاخذين فرخ بس يكون مفطوم وريحي راسك من العبيط اللي عندك

يانصراوي يام ليان يامربين اذا اقتنائكم للطيور عشان تتكلم وتاكل من اليد وتسوي حركات

ماراح تصبرو بتملو منها والله ان معي 3 كاسكوهات واحد القديم لو تدرو وش سميته

سميته( الأعور ) ايوه الاعور لاتضحكو بس الاسم زبط عليه ميه ميه وحتى هوه مبسوط

المهم ليش سمي بهذا الاسم شريته ب600 ريال كان مع ولد في سوق الطيور

كانت حالته لايعلم بها الى الله عين مفتوحه وعين مغمضه وجناحاته طايحه

وصدره باين ضعيف المهم قلت ياولد خليني اكسب اجره والله ويقعد معي شهر

ايوه شهر وهو ماشالله تبارك الله وللحين له 4 سنوات مسوي زحمه في البيت

وامي الله يعطيها العافيه والقارئين مستحيل تتخلى عنه..

ام ليان ازيدك من الشعر بيت وقبل سنه ونص شريت وحده اسمها ميمونه

للحين ماتنطق حرف بس اموت فيها وتخاف مني للحين ..

وكمان قبل 15 يوم شريت كاسكو فحل رمادي غامق في حاله يرثى لها

وهو الحين عندي تحت العلاج عنده مشاكل في التنفس وان شاء الله

تعدي المحنه .. وماهمني يتكلم ولا لا همني انه يكون مبسوط

لانهم اذا انبسطو يبسطونا..

وانتي حاولي انك تكوني مربيه ناجحه وهو ماراح يقصر بس لاتستعجلين عليه..
ان شالله وصلتكم رسالتي .. والمعذره عالاطاله

[ام ليان]

انا طفشت
صحيح يتجاوب معي بس ماعطاني وجه
وش اسوي
اليوم احسن شوي وقف على يدي وعلى طول يطير مايثبت
ومازالت المحاوله جاريه

[ابو يمن]

اذا تبغيه يجلس على يدك لاتخليه يشوف القفص ولاتنسي المفاجات حقه..

[ام ليان]

ويش هي المفاجأت