اكبر خبراء في ترويض الكاسكو بالمنتدى تعالو

[xX7oSaMXx]

السلام عليكم

ياجماعة الخير انا عندي كاسكو عمره سنتين وابي اروضه ماقدرت جربت طريقه اللف بالمنشفه


والمسح على الراس لمده طووويله ولا جاب فايده لي شهر وانا ابي اروضه ما اشوف فيه فايده


الاقليييييييييييييييييييييييييييييييل مره مره مره


وش تنصحوني وامس جوعته وخليته ياكل من يدي بس خفت على الطير


ياليت تعطوني طريقه حلوه او تنصحوني اني اكمل طريقتي ولالا

وعلى فكره مايجعر كثير واذا جيت امسح على راسه يعض خفيف وبعض الاحيان قووووويه ما ادري ليش؟

ولكم جزيل الشكر

[كاسكـــو]

اي خبير راح يقول لك اصبر

للمعلوميه بعضها تحتاج شهور اذا كانت كبيره بالعمر عشان تتروض لاتستعجل

[xX7oSaMXx]

طيب اصبر بس على اي طريقه ؟

[كاسكـــو]

امسح على الطير دايم وحك اذنه وراسه

عاد شف اللي يناسب اما تحطه بحضنك او تحطه فوق شي وتبدأ معه

[xX7oSaMXx]

اوكي يعطيك العافيه والله يصبرنا على الطير

[كاسكو رمادي]

يا خي شوف مواضيع سكر بتستفيد منة انشاء الله

[xX7oSaMXx]

شفتها وطبقتها مع الطير ولا نفع لكن تراه كبير بالعمر انا مروض واحد قبله عمره 8 شهور على طول تروض

[كاسكاوي هاوي]

نفس الوضع عندي ، توني شاري كاسكو أمس كبير في العمر ، سنتين كما قال رواد المنتدى ، لكن إن شاء الله بفتح موضوع خاص بخصوص العمر و أصور صور أوضح للعين علشان أسمع آراءكم إن شاء الله

المهم أخوي خلال 24 ساعة الحمد لله كان جعرته أخف شوي من أمس ، وخرجته من القفص بالفوطه و جلست أمسح على راسه نص ساعة تقريبا

و بعدين صار يستجيب للأكل بالإيد بالحبه

بس شكله راح ياخذ وقت طووويل ليصير مستأنس بشكل تام

الله يعينك و يعينا

[غسان الاشقر]

اخى الحبيب الببغاوات مثل البشر

فيهم الحبيب والعنيد والعصبى والفوضوى الخ

عموما يمكن طيرك من النواع الى راسه يابس

ولكن اذا كنت تبدا معه وتوقف ليوم او يومين فاكيد راح تبدا كل مره من الصفر لا بد من الاستمرار على طريقه معينه والصبر والاصرار الهادى هما مفتاح النجاح.

اعد تقيم طريقتك وشف هل هى مناسبه او لا وغيرها اذا لزم الامر

اتمنى لك النجاح

تذكر الطير العنيد والصعب المراس عندما يتم تروضه يصبح فلتة زمانه.

[سكر]

يا شباب الموضوع قديم من عام ألفين وتسعة شهر خمسة

واحنا الحين الفين وعشرة شهر 4

يعني روض الببغاء وأنتج وخلف فرووخ, ومات الأب والأم وبقيو عيالة أيتام في ملجأ