اشترك في نشرتنا البريدية ليصلك كل جديد

آلـ ع ـنيد · 30-09-2011, 05:12 AM

آلسلآم علييكم ..

شخبآركم شعلومكم شمسوين ...

آنآ سجلت بآلمنتدى لآن عندي مشكله مع قطوتي و آتمنى من كل آلخبرآء يفيدوني آلله يرحم وآلديكم

عندي قطوة شيرآزية و هملآيآ ( مخلوطة )

عمرهآ شهرين

دلوعة و تلعب كثييييييير و حركية مآ تقعد .. و متعوده علي و من تجوفني تركض ورآي

آلله يسلمكم آمس قآلو لي آولآد آختي آن يبون يلعبون معآهآ .. و كنت آنآ مستعجل عندي شغل برآ .. قلت لهم بخليكم تلعبون معآهآ بس تحملو فيهآ .. قآلو طيب

خليتهآ معآهم .. و يآ ريتني مآ خليتهآ

رجعت آجوفهآ .. مآ عرفتهآ

عيونهآ صآرت مدري شلون .. مثل آلحوله شوي
و وجههآ آصغر ..

و فوق ذه كله .. تعقل .. آيدهآ آليسآر مآ تقدر تضغط عليهآ بقوه

و مآ تتحرك زين .. كله فمكآنهآ و كأنهآ تصيح ( تكسر آلخآطر )

و آلله آلعظيم عورني قلبي و ندمت كثر آلدنيآ

آلحين مدري شسوي .. مو عآرف آتصرف

آذآ قلت بوديهآ للبيطري ..
آول شي مآ آعرف عن آلعيآدآت و منآطقهم عندنآ بآلبحرين ..
ثآني شي بكره آلجمعه و آللي بعده آلسبت .. و آحتمآل يكونون مبندين ( مغلقين )
ثآلث شي عندي 60 آلف مليون شغل هآليومين ..

يد آلقطوة فيهآ كسر .. آو رض .. آو مجرد آلم .. مآ آدري

ف قلت آبي آعرف آي علآج آي طريقة مؤقته آعآلج فيهآ يد آلقطوة آذآ ممكن .. و آبي شي يرجعهآ لقوتهآ و نشآطهآ

يعني من آكل .. آو دوآء .. آو آي شي يعني مؤقت

و آلله يسلمكم آلشغله آلثآنيه

آنهآ مآ عآدت تعطيني وجه مثل قبل .. مآ تجي ورآي و لآ حتى تطآلعني ( و كأني آنآ آلسبب ) .. مآ تلعب معآي .. وجههآ دآيمآ حزين و كئيب

يآ جمآعة هذي روح .. و آلقطوة كيووت و مرحه و حبوووبه كثيير
و آنآ لآزم آجوف حل ..
آبيكم تسآعدوني آلله يجزيكم خير

و مشكوريين مآ تقصرون ..
في آنتظآر ردودكم .. !

الخبيرة ناديا · 30-09-2011, 07:24 AM

اهلا وسهلا فيك معانا اخي الغالي

بخصوص قطتك >>> الله يهديك ..لاتترك اي قطه مع الاطفال مهما كانو هادين ومهما وعدوك بانهم بيحافضو

عليها .

لان الاطفال بطبعهم يحبون المرح واللعب ..فيستغلون القطط ويكون لعبهم طبعا خشن من ظغط على القطه

ورميها بالارض بقوه .

قطتك الان محتاجه الى رعايتك انت حاليا ولاتحتاج الى بيطري باذن الله.

اولا : كم عمر القطه؟

وهل العرج برجل واحده ام يد واحده؟

حاول مسك مكان الكسر وتحريكها او الضغط عليها >> اذا لاحضت ان القطه تتالم او تصرخ وتبعد يدك عنها

او تبخ عليك ..

فاعلم انها تتالم بشده .

والكسر عاده يسبب انتفاخ في نفس المنطقه على درجات وعلى حسب شده الكسر ..

اما لو كانت مجرد رضه وهاذا اعتقادي بخصوص قطتك

فتكون القطه عرجاء ولاتستطيع المشي بصوره طبيعيه وتتالم منها ولاكن بدرجه بسيطه

حاليا اعطيها وجبات دافئه من دجاج مسلوق وبطاطس وزبادي ودراي فود

واعطيها مكافئات ::: تريت :: موجوده في محلات الحيوانات .

بتخفف عنها كثير.

واعطيها فيتامينات مده اسبوعين .

لاكن اذا لاحضت انعزال القطه وعدم رغبتها بالاكل او اللعب ..ضروري يفحصها بيطري للتاكد من سلامتها

وحاليا القطه تتالم فلا تستطيع التعبير الا برفضك والبعد عنك .

لانك تحملها وهي تتالم . الافضل تركها في بيتها او داخل ليتر بوكس حتى تخف .

وطمنا عليها

Octopus · 30-09-2011, 08:52 AM

ناديا هو يقول عمرها شهرين

الخبيرة ناديا · 30-09-2011, 09:00 AM

يالله صغيره جدا ..

ان شاء الله تكون تحسنت

اعمل مثل ماقلتلك وطمنا عنها اول باول

Boom md · 30-09-2011, 12:50 PM

لازم تأخدها البيطري بليز