الفيروسات لدى الجراوة وعلاجها

[هاسكي مان]

مساء الخير للجميع يعطيكم الف عافيه ...

انا حاب استفسر عن علاج امراض الكلاب والفيروسات وخصوصا للجراوة عمر 2 الى 3 شهور بس استفساري هو

انا عندي جرو جيرمان شيبرد واشتريته من شخص وكانت صحته مرة ممتازة و فجاة تغير علي صار مايحب الاكل وصار يرجع اعزكم الله ويسهل بس سويت له تحاليل الحمدلله ماعنده بارفو ولله الحمد .

سويت له اشعه وتحاليل دم يقولون عنده Hepatitis او الكبد الوبائي وهو دااائم يجي في الجراوة الصغار ..

طبعا الحين في فترة علاج له يومين بالضبط ... يشرب موية بس ولا عاد يبي ياكل صرت ااكلة بالقوة على كلام الدكتور .. طبعا هو يوميا ياخذ له مغذيات في الصباح والمساء ومويته عنده ولا عاد يبي الحركة بس يبي ينام ...

انا استفسر هل مثل هذي الامراض تتعالج ان شالله ؟؟؟

للمعلومة انا طعمت الجرو وبعد ماطعمته نزل وزنة بسرعه وخلال 4 ايام تغير علي .. اللي اقصده انا الحين هل ي امل يتعالج انا الحين في الرياض عند عيادة الرياض البيطرية وشادين حيلهم معاي اتمنى تشخصون لي الحالة اذا ماعليكم امر لاني مبتديء جديد في عالم الكلاب ...


وفقكم الله جميعا ........

[ALSAYYAH]

الغالي اتمنى الشفاء العاجل حق كلبك وانصحك باعطاءة مغذي مع الماء وفيتامينات كبسول هذي الفترة وبالنسبة عن المرض انا ماعرف عنه لاطريقة علاجة ان شاءالله الاخوة مايقصرون

[pitbull terrier]

..



..

اخي الغالي هاسكي مان ..:

لكل داء دواؤ ..

وطبعا المرض الذي اصاب كلبك له دواء ..



اما وبخصوص المرض الذي اصاب كلبك ( Hepatitis ) فهذا هو مرض فيروسي

اسمه الكامل ..:

التهاب الكبد الفيروسي

( Viral Infectious Hepatitis)

وهو يصيب صغار و كبار الكلاب و من أهم أعراضه

يكون الكلب فاقد للشهية ويستفرغ أي

سائل يتناوله و يصبح غير قادر على الحركة

لذلك يجب تحصين الجراء عند عمر الشهر و نصف الى الشهرين

كجرعة اولى تعاد بعد شهر كجرعة ثانية منشطة ثم

بعد ذلك يحصن كل سنة كجرعة تنشيطية ..

وان اردت توضيحا اكثر وضوحا ..:

اول حقنة تكون في الاسبوع الثامن من تاريخ ولادة الكلب ..

الحقنة الثانية في الاسبوع الثاني عشر ..

التذكير يكون بحقنة بعد كل سنة كاملة ..

يعني الاعراض كانت طبيعية جدا وذلك لان كلبك اصابه هذا الفيروس ..

ومن الجيد بانك بدات في معالجة كلبك لان هذا الفيروس

خطر ويؤدي الى موت الكلب ..

كما انه نادرا ما يصيب الكلاب ..



*** اخي الغالي هذه صورة مجهرية للفايروس ***






اما وبخصوص انها تتعالح وهيك فطبعا الجواب نعم ..:

ولكن نوع الدواء وما الى ذلك فهذا جواب فقط البيطري

سيعطيك اياه لان كل بلد عندها نوع خاص بالتطعيمات ..

واتمنى ان تبقى على برنامج البيطري وان تخبره بكل جديد يحدث لكلبك ..

ولا تتوقف حتى تعرف ان كلبك تعافى واصبح 10\10 لان هذا

الفيروس خطير وممكن ان يسبب الموت لا سمح الله ..

وان شاء الله يتعافى باسرع وقت يا اخي العزيز ..



اما وبخصوص نقوص وزن الكلب ..:

اخي هذا شيء غير مفاجئ ..

فنقوص الوزن نتج بسبب الفيروس فتذكر نقص الشهية

و الاستفراغ وايضا و ان كلبك صغير لذلك نقص وزنه ..



على كل حال ..

ان شاء الله يرجع الكلب لحالته الطبيعية ..

تحياتي لك ..

اخوك ..

.. علي ..

[هاسكي مان]

مشكورين جميعا على ردودكم بس انا حاب اوضح لكم بأني طعمته وماني مهمله وبالعكس تغير علي الجرو بعد مادخلته العيادة وطعمته وانا اللي اتذكره انه كان فيه كلاب وقطاوة هل من الممكن أنه حمل الفايروس من العيادة ؟؟

والشي الثاني أنا في اعتقادي أن الدكتور زاد عليه الجرعه وغير كذا الدكتور ما وزن الجرو وهذا قدام عيني صار وانا رحت للعيادة اللي هي ( الحياة والطبيعه ) وقلت لهم وهم انكروا وقالوا مستحيل احنا نعقم ومن هالكلام بس الحمدلله اليوم اشوفه احسن عيونه افضل ويتحرك اكثر من الايام اللي راحت وانا لله الحمد من لاحظة عليه التغير على طول وديته للعيادة وسويت له اشعه وتحاليل دم وماشي على برنامج بيطري اودية للعيادة الصباح والمساء ياخذ مضادات حيوية ومغذيات وان شالله ان شالله انه يطيب لأن الدكتور مرررة يقول متحسن وصاير نبيه بزيادة ولله الحمد ومشكورين مرررة ثانية على ردودكم ..

[Musab Pro]

اتمنى لكلبك الشفاء العاجل ..وانشالله انها خيره قول بيباي للبيطري الاول واستمر مع البيطري اللي عالج كلبك.
الله الله بالاكل الصحي وراجع المواضيع المتعلقه بالتغذيه .

بعضنا من كثر حرصه يوكل كلبه اكل صحي للبشر لكنه مضر للكلاب وهو ما يدري

تقبل مروري

[al-barod]

يمكن علشانك تعطية حليب بقر