قصتي مع الكنار

[mustaf]

السلام عليكم

اليوم بدي احكيلكم قصتي مع الكنار الفاشلة واللي انا مصمم انها تنجح

المهم انا يا اخوان قمت بشراء جوز كنار مع فرخهم حتى ما قمت بشراءهم قمت بتبديلهم بجوز حمام المهم لحد الان ما انتجولي ولا انتاج ومو عارف شو المشكلة هم يعني ببيضوا ولكن ما بفقس وهم قامو بالتبيض 3 مرات المرة الاولى باضت اربع بيضات ما كنت اعرف للكنار وقمت بابعاد الذكر من عند الانثى فقامت الانثى عن البيض وخرب
المرة الثانية باضت ثلاث بيضات وقمت بالعناية فيهم ولكن ما فقس ولا واحد بعد 24 يوم لما شفتها قامت توكل لقيت في العش بيضة مكسورة ولكن الزغلول ما خرج منها وميت والبيضتين الثانيات ما فيهم فراخ بس صفار

المرة الثالثة وهي قبل البارحة قامت بوضع بيضة واحدة ولليوم على نفس البيضة

ارجوا اعطائي النصائح واي شي بساعدني على الانتاج بشكل افضل وليش هاي المشاكل بتصير معي

[mustaf]

اها وكمان نسيت اذكر الذكر حولين اعينه مافي ريش رحت تبع العصافير حكالي معاه التهاب واعطاني دواء (سلفامايسين) كيف طريقة استخدامه؟؟؟وهل هو مفيد

[alixxz]

ااخي مصطفى اترك البيضة واذا كملت الاسبوع وما باضت ارمي البيضة وانشالله بيرجع كلو تمام
وخبرني شو بسير اول باول وانشالله من هان لاخر الشهر بيطلع عندك فراخ
توكل على الله وبعدها علي وما عليك انت
الحمدلله خبرتي بالعصافير كافية ورح تتنتج باذن الله

[عبدالله محمود مراد]

اخي افادك الاخ علي مشكور , وسافامايسن سعر علبة الدواء دينار واحد فماذا تتوقع ان تفعل مقابل الاسباني الذي سعره 7 دنانير !

[mustaf]

المشاركة الأصلية كتبت بواسطة alixxz

ااخي مصطفى اترك البيضة واذا كملت الاسبوع وما باضت ارمي البيضة وانشالله بيرجع كلو تمام
وخبرني شو بسير اول باول وانشالله من هان لاخر الشهر بيطلع عندك فراخ
توكل على الله وبعدها علي وما عليك انت
الحمدلله خبرتي بالعصافير كافية ورح تتنتج باذن الله

انا هاي البيضة بدي اصبر عليها لحتى تفقس واذا ما فقست بدي اعزل الذكر واخليهم يريحوا بكون احسن وان شاء الله اي شي راح اخبرك

[mustaf]

المشاركة الأصلية كتبت بواسطة عبدالله محمود مراد

اخي افادك الاخ علي مشكور , وسافامايسن سعر علبة الدواء دينار واحد فماذا تتوقع ان تفعل مقابل الاسباني الذي سعره 7 دنانير !

ما فهمت اخي يعني الدواء غير فعالّ!ّ!!!!!ّّّّّ

[عبدالله محمود مراد]

بالضبط !!!! السلفامايسن دواء للالتهابات المعوية فعال بنسبة 25%فقط لا غير فما بالك بحالة الطاائر الذي عندك بدوا دواء اسباني او مضاد حيوي بشري ....

[mustaf]

بالمناسبة .... اليوم قامت توكل طلعت وطليت على القفص لقيتهم ثلاث بيضات


وبالنسبة للذكر اخي عبدالله انت عارف شو مرض الكنار اللي عندي !!! حتى ما اعطيه ادوية لشئ ثاني
انا مو عارف شو هو مرض ولا لا انا سألت اكثر من واحد وواحد بحكيلي معاه التهاب وواحد بحكيلي انه عادي بكون جيناته انه حول عينيه ما في ريش>
انا كيف بدي اعرف انو اللي معاه مرض ولا شي طبيعي

[عبدالله محمود مراد]

اخي انا عارف شو الالتهاب -ان شاء الله- , واخي معظم التجار واصحاب المحلات في الاردن يقول عن كل شيء عادي -الا من رحم ربي - ليخفف الاسئلة عن نفسه او عدم علمه , اخي اذا ما في ريش حول العينين او ريش تحت الرقبة بقليل يكون طبيعي , اما اذا ما في ريش حول الاعين وكل ريش الجسم سليم وكامل يكون مرض , وهذا المرض في اغلب الكنارات السورية التي هربت من سوريا اثناء الاوضاع , دق فيها هذا المرض لاختلاف الجو والتلوث الاشعاعي , وتحتاج بودرة من محلات (على سبيل المثال كناري هبة 2 في طبربور عند كشك الشرطة)يبيع دواء مش حاضرني اسمه ولكن اساله اذا عندوا دواء للالتهابات العيون ويعطيك مرهم او بخاخ , بس اخي لو ممكن شو لون الطائر وتنزل صوره الله لا يهينك ......

[عبدالله محمود مراد]

ومبارك على الثلاث بيضات ان شاء الله يفرخوا ....