رحـلـة مـيزو وسـكر,, مع بعض المقاطع الطريفة,, لا يفوتك الراب,,

[سكر]

السلام عليكم ورحمة الله وبركاته


ومبارك عليكم العيد بعد الزحمة


في كل رحلة اوافيكم بأخبار ميزو وأخبار المكان اللي أروحه,,

العيد هذا رحت لمسقط رأسي محافظة بالجرشي,, التابعة لأمارة الباحة,,

وبعد ما عيدنا وصلينا العيد اتجهنا على فول مشهور عندنا اسمه (فول خلوفة) ,,

هذا خلوفة نشك فيه بصراحة,, لأن اللي يجرب فوله يدمن عليه,,

تخيلو من الزحمة ما تقدر تحصل على طلبك الا بعد ساعة ونص

لكن احنا كان عندنا واسطة جاب لنا الفول في خمس دقايق,, شوف المقطع







شوف السرى تقول (كهيل الضمان يستنون الراتب) <<< هذي الجملة خاصة لأهل 07

طبعاً انا اللي اصور الشباب بجوالي,, وما أحس اني نقلت الصورة الحقيقية زي ما شفتها بالضبط,,


المهم بعد ما فطرنا وانبسطنا قررنا نروح منطقة اسمها الجنابين,, هذي المنطقة مشهورة بجمال طبيعتها,,, وتبعد عن بالجرشي مسافة نصف ساعة فقط,,

وياما تمنيت يكون عندي طائرة شراعية وأحلق فوق جبالها الخضراء وطبيعتها الغناء,,

وهذي صور للجنابين,, والحمد لله ان أيادي الإستثمار ما عثت فيها كثير,,,
























المناظر السابقة على جانب الطريق,, وبصراحة ودك تعيش هناك طول عمرك من جمال الطبيعة,,


أما الصور التالية,, فهذي من الأماكن المفضلة عندي والغالية على قلبي,,,

تشوفون في الصور التالية,, ينبوع ينبع من رأس الجبل,,

وقام بعض فاعلين الخير بتمهيد درج للوصول اليه وقامو بترميم مخرج هذا الينبوع وتوصيل ماصورة بحيث أي شخص يقدر يعبي موية منه,,

أو يتوضى أو يشرب,, من هذي العين الصافية الباردة,,


















وهذا مقطع فيديو يوريك جمال هذا المشهد,,,









جلسنا في هذا الموقع فترة وبعدين قررنا نروح نبحث على عقارب للشباب عشان يخوفو فيها أصحابهم,,

وفعلاً اخترت مكان مناسب,, ومن خبرتي السابقة في صيد العقارب اعرف الأماكن المناسبة لها,, وأنواعها,,

وكانت هذي المنطقة فيها عقارب صفراء ذات ظهر داكن ممتد الى الذيل,, وشكلها جميل جداً

كأنها عقرب من الذهب,, ولها شوكة حادة جداً ودقيقة وقوية,, للأسف لم أقم بتصويرها من جوالي,,


ثم بعد هذي الرحلة القصيرة قررت العودة للمنزل,, للقيلولة,,,

وطبعاً عيال اختي وعيال أخوية متناثرين في البيت,, وقررو يعملو راب اسلامي برعاية ميزوو

كلمات بنت أختي وأداء ولد أخوي,, والإيقاع كان على كرتون القصدير أو على قولة أمي (القصطير)








والله يا فكيت كااااااااااااي عليهم



طبعاً ميزوو مبسووط مع الأجواء والوناسة,, ويموت في حمود (راعي الراب),,

وهذا مقطع لميزو بعد الرحلة الجميلة,, وهو في أوج توهجه,, أهديه لكم وصلو على النبي محمد عليه افضل الصلوات والتسليم,,











وهذا مقطع ثاني لميزوو بس قبل الرحلة وهو يفتح القفص لنفسه << صار مجرم











أتمنى انكم استمتعتم بالرحلة,, وأرجو المعذرة عن التقصير,,,


وهذا الموضوع أهديه للعزيز الغالي كاجو أبو كرش والمشرف المميز والغالي على قلبي أبو ريــــــــان,,


ولجميع الأعضاء المميزين أعضاء منتدى تو زوو الغالي على قلبي,,


تحياتي