تقرير مصور عن رحلتي الأستكشافية في الغابات الأسيوية (تم التعديل )

[أبو ريـــــــــــــان]

أعزائي أعضاء منتديات تو زوو وبالأخص قسم هواة الببغاوات

أنا من يوم حبيت الببغاوات والطيور عموماً قرأت عنها كثير وبالذات الببغاوات واللذي شدني كثيراً اماكن تعايش تلك الطيور وكنت دائماً أحلم أن أراها وهي في موطنها الاصلي وطبعاً انا اكثر حاجة حبيتها من انواع الببغاوات هي الكاسيكو الافريقي والكوكاتو والامزون قرآت ان الكوكاتو يتعايش ويتواجد بكثرة في استراليا وشرق اسيا ويكثر في اندونيسيا والفلبين وجاتني فكرة استكشاف غابات البلدان الاندومية ( الاسيوية ) فقررت ابداء بغابات اندونيسيا وبصراحة على كثر ما كنت متحمس الا اني كنت قامط العافية واقول في خاطري لو يطلع لي اسد ولا نمر ولا ثعبان اناكوندا وش بسوي ساعتها ياولد خل عنك واقعد مكانك لاكن حبي للمغامرة وحب الاستطلاع وجهني إلى تلك الرحلة الرائعة مابي اطولها عليكم تعالوا معاي نشوف الصور



طبعاً هذي الصورة وانا بالطيارة متحمس مو قادر امسك نفسي عن التصوير




هذي الصورة بعد الوصول متجه إلى العاصمة جاكرتا ومنها تبداء رحلة المغامرة


طبعاً الرحلة مرت بصعوبات كثيرة احب اختصرها عليكم منها طول المسافات بين القرى والمدن لحد ماوصلنا للغابات وصعوبة الكلام معاهم طبعاً لأنهم مايتكلمون انجليزي ولا عربي والحاجة اللي بتستغربون منها اني رايح لحالي يعني بروحي مامعاي احد ( صج مينون ) والحاجة الغريبة هناك اني مالقيت اماكن متخصصة ومعترف فيها لرحلات القنص و السفاري الاستكشافية وكلهم مستغربين اني جاي بروحي وابي اروح رحلة استكشافية للغابات ( قايل لكم مينون ) المهم لقيت لي واحد سواق مينون ومطاوعني على اللي ابي وقالي مشينا تعالوا نشوف الصور



هذي الصورة للطريق المؤدي للغابات وتظهر فيها اشجار المطاط الكثيفة



وهذي الصورة لنقاط التفتيش طبعاً غثوني دايم يسئلون وين رايحين وين الجواز عندكم سلاح صيد ولا لا ما افتكيت منهم الا بالبخشيش فلوسك تخدمك




هذا وهو طريق حلو وشلون الغابات والله اثاري طيورنا عايشين بنعيم قبل ماتجينا وحبسناها بقفص حديد علشان كذا الكوكاتو ينتف ريشه اثارية يتذكر وين كان وين صار




هنا قرب الجد وصلنا والشيطان بدا يلعب بالراس هاااا ترا بيطلع لك اسد هاااا نمر هاااااا حية كبيرة تبلعك وماتدري شيصير يجي عليك الليل بوسط الغابات وهي مسكونة ياولد انحش اطلب العافية بصراحة والله انا قامط العافية لاكن متحمس قدام




وقفنا السيارة واخذت انفاسي للمغامرة وبالصدفة لقينا كوخ صغير جنب الطريق فية واحد استغربت انة يتكلم انجليزي بطلاقة وفرحت فية وعرضت علية انة يكون مرشد لنا داخل الغابة ووافق يعني كذا يابوحميد احلووووت السالفة وتوكلنا على الله قدام

طبعاً مشينا مسافات طويلة مرررررة هلكنا يا طالعين يا نازلين وانا عيوني تدور بين الشجر على الببغانات ابي احقق امنيتي وكل اشوي اشدخ على وجهي لأني ما اطالع تحت مابي اطولها شوفو الصور



هذي الصورة لي بعد التشفير وانا على الدرج هذا صارلنا ننزل فية ساعة مو راضي يخلص احس اني ورطت عمري



هذي الشجرة عمرها اكثر من مية سنة وهي منوكلة من الداخل واغصانها خضرا عايشة ماعندها مشاكل سبحان الله



هذي استراحة محارب



هذا الجسر للجزء الاخر من الغابة وقالي اللي معانا هينا بيبدا الجد وانا جاتني ام الركب بعدها وقدام




شوفو ياشباب وين طيورنا عايشين وحنا حابسينهم بقفص حديد والله وربي انها جنة الله في ارضة المهم بعد ماصورت هالصورة الا ونسمع صوت شي يمشي جاي لنا والله انا قلبي طاح في ارجولي واللي خوفني زيادة الاندنوسي الكمخة اللي جايبينه يدلينا يبو زعم قام يتشهد ويدعو الله انا طبعاً مابقا شي من القرآن انا حافضة الا وقريتة وقمت اسئلة وشفيك بالعربي من الخبصة نسيت اتكلم معة انجليزي وهو يقول اششش اششش يبيني اسكت ويقولي تخبا تخبا انا خلاص سلمت امري لله بعدها قلت جات منيتي شكلة اسد ولا نمر ولا داب بمزز علينا الا ويطلع شنو تتوقعون شوفو الصورة




طلعوا عبباد الاوثان الصينين يمشون ويتعبدون في الغابات ولا ياكلون اللحوم ولا يتروشون وعليهم ريحه مقرفة الله يلعنهم خلونا نقمط العافية وتكلمنا معاهم سالتهم عن اماكن تجمع الببغاوات قالوا بعيد والطريق خطر فية دواب كثير قلت قدام بس السواق اللي معاي غثني كل اشوي يبي ياكل ويبي يرتاح ويبي يدخن لحد ما وصلنا مكان قريب شوي وشفت اللي ابي ياشباب باركوا لي

















طبعاً لما شفت هالمناظر والطيور في مكان تعايشها الطبيعي والله دمعت عيني لجمالها وصوتها الجميل الشجي اللي يطرب اي احد يسمعة والسواق لما شافني قاللي انت قطعت كل هالمسافة علشان تشوف هالمنظر طبعاً بالموت قدر يوصل لي المعلومه مرة بالاشارة ومرة تخبيص كلام لحد مافهمنا على بعض المهم استغرب مني وقالي انت مجنون او انك عالم في علم الطيور بس ماتبي تقولي ( حلوة عالم ) بصراحة الحياه خيالية في طبيعة تعايش هذة الطيور بعدها انا عرفت لية الببغاء يكون حقود لما يعض بعنف ولما يخاف ولما يجعر ولما يبطل ياكل ولما يمرض لأننا حرمناه من حياتة الطبيعية الحرة الجميلة خلوني اوريكم منظر لمكان وصلت له بعد التعب هذا كله وسط الغابات ومكان تعايش الببغاوات اللي عندنا كلنا وشدني كثيراً وجلست مذهول لجمال هذا المنظر وجلست اتفكر في خلق الله واقول في خاطري اذا كان هذا بالدنيا كيف جنة الاخره





بعدها قرب وقت المغرب واسرعنا في طريق العودة للخروج من كل هذة الغابات والمشكلة ماعملت في حسباني اني اخيم في وسط الغابة علشان كذا مشينا بسرعة ولساعات طويلة الحمدلله اني جبت معي مصابيح تعمل بالبطاريات واكل يكفي ليوم ونصف والحمدلله ان اللي معنا يدل الطريق زين ولا كان راحت علينا انا مع السواق الدلخ اللي معي والحمدلله ماشفنا لاحية ولا نمر ولا اسد سبحان الله كلهم يقولون غريبة ماطلع لك شي داخل حتى اللي يدلينا مستغرب انه ماطلع لنا شي وبعدها باليوم الثاني حسيت بتعب غير طبيعي من المشي ومن التخريعات اللي ورى بعض فقررت اروح منتزة سفاري ويوجد فية كل انواع الحيوانات حره ليس في اقفاص واكبر محمية للطيور ونضام المنتزة ان تتنزة بالسيارة مقفل الشبابيك وتشوف الحيوانات تمشي حولك خلونا نشوف الصور







































هذي ملكة جمال الحمام وتلقب بالملكة فكتوريا يمكن راعين الحمام يعرفونها انا بصرحة اول مرة اشوفها



























هذة الصورة للواجهة الامامية لمحمية الطيور صورتها من التلفريك





وفي الختام اتمنى اني ماكنت ثقيل الدم عليكم واتمنى ايضاً اني افدتكم ولو باليسير كما ارجوا من مشرفنا القدير ان يأذن لي بهذا حيث ان التقرير يحتوي على صور حيوانات لغير الطيور ووضعتها للفائدة ولزيادة العلم بالشيئ .

[Alm7tref]

ما شاء الله تبارك الله

والله يا اخوي استمتعت بالنظر والله

ان شاء الله اتهنيت برحلتك واقلك الحمدلله على السلامة

والله تمام ما طلعلك شيء وانت بالغابة ولا كان زمانك رحت فيها


تقبل مروري اخوي(المحترفـ)

[أبو الببغاوات]

الله يعطيك الف عافية دخلتني في فلم مرعب شوي مدري كيف استحملت هناك وليش ما قلتلنا
كنا نروح معاك خخخخ اروح فيها انا تلاقيني في بطن النمر
صراحة مناظر خلابة وأماكن رائعة صراحة اخوي انا استمتعت في هذا الموضوع اجل كيف انت
مرة ثانية حط موضوع مين يبغى يروح معاي إلى ........................
ما قصرت أخوي وكمان الصور رائعة جداً جداً والله يعطيك ألف ألف عافية أخوي
بس ليش ما صورت صور كثيرة للكوكاتو توريه لكركر يمكن تطلع قريبته خخخخخخخخخخخخ
الله يوفقك ويعطيك ألف ألف عافية <<<<<<<<< كم مرة قلتها

[راعي الكاسيكو]

ماشاء الله ماشاء الله ......
يعطيك العافية أبو ريان على النقل المباشر للرحلة ويسلمو الايداي الي كتبت الموضوع بالتفصيل ومجهوود روووعة من احلى عضو ....سبحان الله طبيعة خلابة وطيور وحيوانات ولا أروع ...
تسلم ابور ريان ع الموضووووع وتقبل مروري ((راعي الكاسيكو))..

[الكروان الاسود]

رحلة العمر صور جميله رووووووووعه .

تقابل مروري.

[killer]

توني باطلع من الموضوع ياخوي بس طقيت باك

قلت حرام موضوع مثل هذا يضيع علينا والله

الصراحة اخوي رحلة ممتازة وياريت المرة الياية تاخذ احد معاك

على الأقل يعني أنا

وننتظر بقية رحلاتك اذا تواجدت

وبصراحة اخوي حقا مناظر جذابة مانجوفها الا بالنت حق خلفيات الكمبيوتر وهالمرة انت صورتها

[افريكانو]

هلا اخوي ابو ريان

الحمد الله على السلامة و سلامة الاسفار و يعطيك الف عافيه على هذا التفرير الاكثر من رائع

تقبل مروري و تعقيبي افريكانو

["""الافريقي"""]

موضوع حلووووووووووووووووووووووووووووووووووووووووووووووووووووووووووووووووووووووووووووووو
مره مره مره
كان تلقلنا نروح معاك >>>>>>>>>>>>>ترا ترجع لحالك

اهم شي الوناسه
صح

انا من الصور كاني معاك
مشكور

[عازف الكيبورد]

مشاء الله أخو أبو ريان

والله ونستنا بهصور الحلوه

الله يعطيك العافيه

[al3nabia]

نااااااااااااااااااااااااااااااااااايس


مـــــــــــــــــره ثانيه انا برووووح وياك....

لا تنساني...

يسلمووووو ع المووضوع