كلبي الجديد (صور)

[alsahb]

السلام عليكم شباب

انا اليوم جاني كلب جديد وعندي بعض الاسالة

1 / كم عمر الكلب تقريبان

2 / هل هو بيور 100%

3 / وكم يسوة في السوق

بعض المعلومات عن الكلب

الكلب غير مدرب

الكلب الايف جدا

احس انه خواف جدا ولا ينبح على احد ويريت تعطوني

بعض الارشدات عشان يسير ينبح على الغريب

[olvar]

اخي هذه كلب راعي الماني حسب رايتي له انه اصليل والله اعلم

ومشاء الله علييه جميل جدا.

واقدر عمره سنه والله اعلم.

اما بالنسبه للسعر فهو عندنا بفلسطين ينباع الجرو الصغير 300$ دولار طبعا

اما الكبير وفي موصفات كلبك المعروطه 100$ او 150$

تحياتي

[dirty luck]

1 / كم عمر الكلب تقريبان

حوالي ال 10 الى 12 شهرا بس سؤالي لك هل يرفع الكلب رجله عندما يبول اذا كان الجواب نعم فهو فوق السنه والشهرين اذا كان لا فهو حوالي 10 اشهر الى 12

2 / هل هو بيور 100%
نعم كلبك بيور وجميل جدا بعد
3 / وكم يسوة في السوق
بالكويت والله هاذا تقريبا ومو مدرب 80 ,90 دينار
بعض المعلومات عن الكلب

عموما عموما ًً ً

كلبك خواف صح

احكر كلبك ولا توريه احد شهرين بس شهرين وراح تذكرني شلون بيصير شرس واتمنى انك تدعيلي حق الامتحانات :d
وكلبك الله يخليه لك حلو واعطه عيوش اكل واعطه قواطي لو انت حاب اشتر له دراي فود واشتر له بورتينات

[فايز]

بسم الله الرحمن الرحيم

مشااء الله تبارك الله كلب جميل عسى الله يهنيك فيه ...

1 / كم عمر الكلب تقريبان

اتوقع 8 شهور او 7 وإذا كلبك توه مبدل اسنانه اعرف انه عمره مابين الـ 6 الى الـ 7 شهور

2 / هل هو بيور 100%

والله من وجهت نظري اشوفه بيور

3 / وكم يسوة في السوق

على حسب السوق الي في دولتك

إذا الكلب يخاف من الناس عليك تعوده عليهم وتخليه يختلط معاهم عشان يعرف أن ماراح يضرونه وتغير شخصيته من الهدوء ألى النشاط يعني إذا الكلب صار اجتماعي خل واحد من اصحابك يلعب معاه

والي يقول لك احبس الكلب عشان يكون شرس 100% غلط لأن بـ هاذي الطريقه ماراح يشوف الناس وراح يخااف اكثر من قبل

[Ahmad Daily]

اخي الكلب جميل جدا
وان شاء الله يبارك لك فيه
بس نوعا ما فيه بياض غير مرغوب فيه واسالك هل كل الاظافر سوداء ام فيها بيضاء وسوداء
على العموم انه كلب جيد جدا حاول ان تعتني بالاكل والتدريب والعناية وسوف يتغير بشكل جذري
بالمناسبة قياسات جسمه متناسقة ولطيفة ولازال فيه مجال للتدريب ولكن طول بالك معه
وشكرا

[راعي اللولو]

سلام عليكم

1* كلبك عمره سنه وشهر او شهرين يمكن واذا كان يرفع ارجوله لمن يتبول فاهوه اكثر من سنه

2* على حسب رايي والصور اهو 85 %100

3* وعلى حسب الدوله الي انت فيها وبالكويت عندنا على 100 او 150 اذا كان بيووور 100 % 100 يوصل 800 الى 5000 دينار كويتي

وعن الالفه نفس ماقال اخوي ديرتي لك انك تحبس الكلب شهرين ومايشوف احد بس الي يعطيه اكل وماء وراعيه

والظاهر فايز صار من جماعه الجيرمن

والله يوفقك فيه

[body]

انا معى كلام dirty luck

[body]

بس نسيت شي عندنا في السعوديه اذا كان جرو يمكن 2500 او 3000 والمدرب 4000

[alsahb]

اخي الكلب مافية ولا نقطة بيضة

[فايز]

الله يهديكم شباب إذا تعرفون المعلومه رجائاً قولو لاكن تأليف مانبي إذا حبست كلبك اخوي راح يكون جبان كيف تبيه يكون شرس او اجتماعي وعنده عقده من الناس؟؟