ولما قررت بيع الكاسكو قعد ينتف ريشه...والعمل؟ :\

[Arashi]

السلام عليكم ورحمة الله وبركاته

لي كاسكو عمره 9 شهور...من 3 أسابيع عرضت عليكم مشكلة تساقط الريش وكانت هاذي الصور اللي وضعتها





وقالوا لي انه تبديل ريش لا أكثر


الاسبوع اللي طاف سافرت 3 ايام وتركت اخواني يهتمون ببغائي...كل يوم يخلون القفص معاهم في الصاله ووقت النوم فقط يرحعونه المطبخ (نفس ما اعمل معاه بوجودي لكني انا اطلعه عالستاند وهم لا لأنهم مايقدرون عليه)
ولما رجعت من السفر قالوا لي كان يونّس ويصفر ويلعب وياكل وكل شي تمام (وحصلت منه على استقبال ساخن XD)

لكني أتفاجأ ان ريشتين من الذيل طاحوا...قلت مب مشكله يمكن تبديل ريش ايضا


بعدها بيوم أتفاجأ فيه صاير ينتف ريشه (هذي حالته في خلال اسبوع)




الذيل معدوم والجناح الايمن حالته حاله والظهر منتف


كمية الريش عالارض بعد تنظيفه بنصف ساعه


الصراحه كنت ناويه أبيعه بسعر زين بعد ما أرجع من السفر لكني أتفاجأ بالحاله...صاير مزعج ويصرخ لما أتركه...ولما يسمع صوتي من بعيد يصرخ زياده يزعج أهل البيت ويقعد ينتف ريشه...يعني يبغيني 24 ساعه جنبه...وصاير يبغي يقعد في حضني طول اليوم يتدلع علي وينام علي ولازم اقعد امسح على راسه (طبعا هالشي مستحيل اوفره له طول اليوم >_>) وانا اصلا مب معودته عالدلع جذي..مب لهالدرجه يعني

بالنسبه للأكل فياكل طبيعي ويشرب طبيعي والبراز الله يعزكم طبيعي...ألعاب أعطيه واااااااااااايد ألعاب داخل وخارج القفص واجدد له الالعاب (يعني ما يزهق) واجوفه يلعب داخل القفص
النتف يحصل خارج او داخل القفص ما تفرق عنده...لكنه يحصل في غيابي فقط! اما في حضوري فيكون تنظيف ريش عادي واللي يسقط منه الوبر طبيعي
استجابته للعب ممتازه ويصفر لي عادي ويقلدني في بعض التصفيرات ومافيه خمول الحمدلله..ويكون هادي طول ما أنا موجوده
بالنسبه للنظافه...القفص أنظفه أول بأول...لكن ألاحظ شوية قشور على ريشه (الصراحه ما روشته ولا مره لأني اشتريته في الشتا...وقالوا لي ما أروشه الحين بما انه في مرحلة تجديد الريش -..-)


الحين ايش مشكلته بالضبط؟ وايش الحل؟