هل يوجد مكان لتمشي الكلاب

[Skippy]

بسم الله الرحمن الرحيم
لأهل الرياض
هل فيه مكان لمشي الكلاب ؟
يعني للتجول مع الكلب
لأن اللي اعرفة ان لو شافتك الشرطة راح تاخد الكلب منك !
انتظركم ..

[Abo_fahed]

تم نقل الموضوع الى قسم سؤال وجواب

ــــــ

تقدر تتمشى بالكلب في أي مكان تبيه

بس لابد من مراعاة شعور الناس خصوصاً في دولنا

أكثر الناس ماتحب وتخاف من الكلاب وكذلك الأطفال

طالما انك تقدر تتحكم بالكلب بالتمشي ماعليك أي مشكلة

والشرطة مالها أي حق تاخذ شي يخصك طالما كنت بالسليم

[nawaf-07]

^^^^^^^^^^^^^^^^^^^^^^^

ابو فهد فعلا الشرطه + الهيئه لو شافت احد معه كلب تسويله مشكله و٩٠ ٪ تاخذه منه ..
بالنسبه لسؤالك حبيبي تقدر تتمشى فيه بحديقة النهضه بالصباح ..
وللعلم اصحاب الكلاب يجتمعون بعد الفجر بصباح الخميس ويتبادلون الخبرات ..

[Abo_fahed]

ابو فهد فعلا الشرطه + الهيئه لو شافت احد معه كلب تسويله مشكله و90 ٪ تاخذه منه ..

غريــبة أول مره أسمع بهالشي

على كل حال أخوي Skippy اتبع نصيحة نواف

وربي يوفقكم ويعينكم

[ahmad radwan]

اكيد راح تسويلك مشاكل عند حي السفارات بس لازم نعرف احد علشان تدخل هناك في حدائق وساحات تمشى فيها زي ما تبي

واصلا اء يمشون كلابهم يعني ابد مو ممنوع

[Skippy]

يعطيكم العافية
انا عن نفسي الحين اطلع الصباح لأي حديقة تكون فاضية وامشي مع الكلب

[*الكاسكو*]

ليش ياخذون الكلب ؟؟!!

فيه حديقة النهضه بحي النهضه رح الصبح حديقه كبيره مره مره وشوارعها واسعه ...

[Nona999]

اخوي بالفعل ياخذونه منك بسبب انه قد حصل مشاكل من قبل بعض الاشخاص الي مقتنين كلاب للاسف

ونصيحه اخوي الشوارع مو نظيفه انا انصحك تخليه فالبيت او اذا طلعتو لاستراحه او شي عشان الامراض

ماتضمن بصراحه

بالنسبه للاماكن فيه بحي النهضه حديقه كبيره وفيه بالديره حديقة السلام

وبرضو بـ لبن وادي حنيفه ضبطو الجلسات هناك طلع يجنن وبعيد عن الناس

بالتوفيق

[Skippy]

يعطيكم العافية
طيب بحي النهضة الحديقة مسموح بالكلاب فيها ولا كيف ؟
وهل لها اوقات محددة ؟

[United states]

ماعندنا مكان مسموح ولكن انت روح في وقت مايكون فيه احد عشان لاتبلشك العوايل والشرطه والهيئه