امازوني - مدري خايف ولا يلعب ولا وش سالفته ؟

[أبومنيرة]

السلام عليكم

عندي يلو دبل هيد فرخ سته شهور
اول يومين ما يقبل امسح صدره او راسه وبعدها بكم يوم ما شالله يعضني عض لعب خفيف وامسح راسه وصدره ويطلع على يدي بس ما يقبل احرك يدي وهو فوقها

المهم اليوم اذا ما شافني في الصاله مع المدام والبنوته يصارخ صراخ مجانين ويلف بالقفص ويطير داخله والله وكيلكم صراخه يصحي النايم تقولون احد خانقه ؟

واذا رجعت للصاله وشافني سكت ولا كنه مسوي شي !
واذا جيت ادخل يدي عنده يعض خفيف عض لعب بس ينحاش مني لا امسكه
اما يطلع فوق القفص او يتعلق في الجنب المهم لا امسك راسه نهائيا ؟ مدري يلعب ولا خايف

وما يمديني اطلع من الصاله الا وصراخه .؟

وش السواه عادي كذا ؟ وعادي حركته يهرب من مسكة يدي له يعني يلعب ؟

[تشآرلي]

وعليكم السلام ورحمة الله وبركاته

عندي يلو دبل هيد فرخ سته شهور
اول يومين ما يقبل امسح صدره او راسه وبعدها بكم يوم ما شالله يعضني عض لعب خفيف وامسح راسه وصدره ويطلع على يدي بس ما يقبل احرك يدي وهو فوقها

هوا بهذي الحاله يحب يتثبت ويبدا بعض يدك لانه خايف ويبي يتثبت .. شي طبيعي

المهم اليوم اذا ما شافني في الصاله مع المدام والبنوته يصارخ صراخ مجانين ويلف بالقفص ويطير داخله والله وكيلكم صراخه يصحي النايم تقولون احد خانقه ؟

الامزونيات بشكل عام ,, كان دبل يلوهيد او يلوناب او بلوفرنتد ... الخ

ماتحب تجلس لوحدها ابدا

ولما يصارخ مثل الي يقول ( وينكم ليه تركتوني لوحدي )

وهذي عيوبه والي خلاني ابيع الامزونيات الي مرت علي بسبب صراخه ,
في طرق تدريبيه تخفف من صراخه ,, اتمنى الاخوان اصحاب الخبره يفيدونك فيها ,

واذا جيت ادخل يدي عنده يعض خفيف عض لعب بس ينحاش مني لا امسكه
اما يطلع فوق القفص او يتعلق في الجنب المهم لا امسك راسه نهائيا ؟ مدري يلعب ولا خايف

انت تدخل يدك لقفصه وهوا يعتبر القفص ملاذه ومكان محشور فيه اكيد بيخاف ويحاول يتهررب منك

لو كان خارج القفص بيكون طبيعي , وانت حاول انك ماتضايقه دامه بقفصه .

يعني تقدر تقول خوف ويمكن شوية لعب ,, لكن انا اشوفها خوف ومتضايق من المسكه

الطير يبي له وقت زياده علشان يحس بالامان اكثر واكثر

انتظر اراء الاخوان ان شاء الله يفيدونك اكثر

بالتوفيق

[أبومنيرة]

تسلم اخوي تشآرلي

ما قصرت بارك الله فيك

هو ما يجلس بروحه الاهل معه
لكن اذا خرجت انا قلب البيت صراخ ؟
اول ما ادخل البيت ويسمع صوتي يصارخ صراخ مجانين ؟
مدري عشان انا الي اعطيه اكله وانظف قفصه ؟

ويقولون الاهل والله قبل تجي انه هادي وساكت <<<< من السحى ارسلت رساله لجاري اقوله ترى الصراخ ببغاء خفت يحسبني اتهاوش مع ام العيال

ولا يجلس بروحه الا اذا وقت نومه او خارجين من البيت والوقت الي نخرج من البيت اشغله مقاطع يوتيوب ببغاءات ولا اخلي التلفزيون شغال عنده

[أبومنيرة]

المشاركة الأصلية كتبت بواسطة تشآرلي

وهذي عيوبه والي خلاني ابيع الامزونيات الي مرت علي بسبب صراخه ,
في طرق تدريبيه تخفف من صراخه ,, اتمنى الاخوان اصحاب الخبره يفيدونك فيها ,

لو استمر الحال على ماهو عليه ولا لاقيت طريقة تخفف من صراخه والله شكلي ببيعه لانه بكل امانه مزعج صراخه

[همس الحروف]

هذي طبيعه بالامزونيات لان الطيور اجتماعيه خله غند التلفزيون وحط له طيور الجنه
وبنسبه الخوفه داخل القفص طبيعي وانا من وجهة نظري اشتر له استاند افضل لك
ونصيحه اذا تبي تخفف صراخه حط له بالقفص الالعاب وكثرها له

[أبومنيرة]

المشاركة الأصلية كتبت بواسطة همس الحروف

هذي طبيعه بالامزونيات لان الطيور اجتماعيه خله غند التلفزيون وحط له طيور الجنه
وبنسبه الخوفه داخل القفص طبيعي وانا من وجهة نظري اشتر له استاند افضل لك
ونصيحه اذا تبي تخفف صراخه حط له بالقفص الالعاب وكثرها له

تسلم اخوي

مسوي له نفس الي قلته بالضبط

بس الصراخ هذا مزعج بشكل كبيرررر

بانتظر فترة لو ما خف صراخه بعته وبرجع للكاسكو افضل

[همس الحروف]

ارسل لي حدك بالطير

[ابو منيرة]

إذا بتبيع كم حدك في الطير

[أبومنيرة]

المشاركة الأصلية كتبت بواسطة همس الحروف

ارسل لي حدك بالطير

المشاركة الأصلية كتبت بواسطة ابو منيرة

إذا بتبيع كم حدك في الطير

حياكم الله

وصلني رقمك وكلمتك امس اخوي همس الحروف واسعدني التحدث معك وشاكر لك على نصائحك

بالنسبة للطير انا شاريه ب 9500
فرخ يلو دبل هيد ماقنا مواليد 5-2012 محجل
يتكلم
الف الصلاة ( يلخبط فيها ) ويزغرط
بوسه بوسه
بابا
وله كم يوم بداء يقول تعال تعال
هذا غير صراخه ولعبه المستمر
وكلام يقوله مدري وش يقول ملخبط لاقطه عندي في البيت

كلمت احد الاخوان امس لانه صلح حركه وخفت انه مريض ؟
كان نافش ريشه كله حتى ريش راسه وصدره كل ريشه لوحدها ونافش ذيله ( فرش ) ويفتح عيونه ويقفلها <<<< حسبته غاص بالاكل ههههههههههههه
قال لي خويي هذا دليل ان الطير حار وجاهز للتلقين

والله اعلم