تعودنا من اعظاء المنتدى الكرام سرعة الفزعه لا تخلوني

[طماطه]

السلام عليكم
اخواني اعظاء اجمل منتدى الله يخليكم انا بحاجه لمساعدتكم يشكل سريع قبل ان يروح الطير من بين يديني لان قبل سنه راح مني طيرين في نفس العمر وبنفس الشكل
عندي ببغاء دره عمره تقريبا سنه قبل اسبوع لاحظت عليه اعراض الكسل والخمول ونفش الريش وقلة الشهيه ودائما رافع راسه لاعلى كأنه يريد ان يتنفس اخذته لاقرب صيدلي واعطاني تيلان وقال لي استخدمه يطريقة 5 نقط صغيره في (بيالة شاي) ماء لمدة 6 ايام وان اخلط الدواء مع الخبز واحاول اغره لانه ما ياكل ابدا
بديت معاه العلاج وتحسن الطير الحمد لله ولكن عينه ماكان يفتحه كويس وكانه تعبانه واعطاني له مرهم للعين (اويتي كلوكس مرهم عين ) الحمد لله الطير استجاب
بعد ان انهى الطير كورس العلاج اعطيته فيتامين 3 نقط في المشربيه واخلط من هذا الماء مع الخبز ( علشان يستفاد منه اكثر )
اول يوم لطير كان جيد ثاني يوم ( امس ) لاحظت بعض الخمول والطير رائحة فمه مثل السمك
واليوم الطير رجع خامل وما ياكل وتعبان
الله يخليكم انصحوني بسرعه ايش اسوي قبل لا يروح طيري مني

[tozo]

وعليكم السلام ورحمة الله

التايلان جيد للمشاكل التنفسيه والالتهابات وهو الان شبه مقطوع من السوق بالرياض تحديداً
او موجود لكن بتاريخ شبه منتهي او مقارب على الانتهاء

المهم

الطير خامل وما ياكل !!
طيب كيف برازه اكرمك الله

المفروض البيطري يصرف لك مضاد حيوي

ورائحة الفم اعتقد من الفيتامينات لا تشيل همها

المفروض يعالج الطير من المرض أولا
وبعد ما يتعالج تماماً تريح الطير كم يوم وتعطيه الفيتامينات

راجع البيطري مره ثانيه وخله يكشف عليه
وللأسف اغلب البيطريين اللي عندنا ما عندهم سالفه
مجرد تخمين و همه الوحيد المال فقط ما تطلع من الصيدلية الا بعلاجات وتنفع او لا هذا ما يهمه
اهم شي ما تطلع من عنده الا وهو مستفيد
للأسف
لكن في عيادات سمعتها افضل والله اعلم اعرف ثنتين
وحده بالملز
والثانية مخرج 6

والله اعلم

[طماطه]

اعتقد ان الطير كانت مشكلته كانت في الجهاز التنفسي علشان كذا كان الطير يرفع راسه لما يحاول يتنفس هذا اللي خلا الطبيب يكتب له التيلان
الطير تحسن كثير بعد العلاج بس تعب لما اعطيته الفيتامين
حاليا الطير ماياكل ابدا انا اغره
رجعته للطبيب ونصحني اعطيه شاي اخضر حتى يشد معدته وبعدين اعطيه avitrayl
قال لي خلال يومين اذا ماتحسن وقفو العلاج
اكرمكم الله شكل البراز ( اذا ما اكل ) مثل الماي
( اذا اكل ) يصير مثل الماي فيه خط اخظر

[tozo]

انا كنت متوقع ان برازه سائل
انا ما ودي افتي لك لكن بحكم تجارب كثيره جداً
الطير اذا قلت شهيته وتغير برازه اكرمك الله صار مسهل
المفروض يعطى مضاد حيوي و في أنواع كثيره في منها المعروف والمجرب وايان ينفع واحيان تضطر تجربة نوع اخر
في عندك مثل هذا النوع جيد ومعروف ورخيص الشريط بعشرة ريالات فقط وفي منه أنواع من نفس الشركه




هذا اسم الشركه وهي اشهر من نار على علم





اذا ما فاد وان شاء الله يفيده

استخدم علاج مضاد حيوي اسمه

-فارما فلورفينيكول

و

سائل حجمه 1 لتر اسمه
- كيدي لايت

ان احتجت صور لهم ارفقتها لك برد اخر

والأفضل تسأل عن بيطري جيد تخليه يكشف على الطير

ان كنت بالرياض روح للي ذكرت لك بردي السابق

حاول تغره اكل معين عن طريق الابره

مثل رز مسلوق مهروس جيداً
او بطاطس مسلوقه مهروسه
او حمص .. الخ

والله اعلم

[طماطه]

الف شكر لك اخوي ماقصرت
ياريت لو ترفق لي الصور لو سمحت والجرعات وطريقة الاستعمال لكل نوع ان امكن وانشاء الله الشفاء على يدك
انا من الشرقيه والدكتور اللي وديت الطير له يعتبر من الدكاتره الشاطرين واهو دارس صيدله مو مثل غيره كثار بياعين وبس
حتى ال avitrayl سألنب اذا موجود عندنا في البيت علشان ما اشتريه

[tozo]

ابشر اخوي صورت لك العلاجين ولا تعتمد اعتماد كلي على كلامي
اسأل البيطري لانه هو اللي كشف على الطير

هذا الفارما فلورفينيكول

وهو مضاد حيوي علاج فعال لحالات الاسهال (انا قرأت نشرته)
وجربته بإذن الله يفيد وكما ذكرت لك بالسابق تأكد من البيطري




وهذا الكيدي لايت
يستخدم لحالات الاسهال و يعتبر معوض ومكمل غذائي
وفي منه بشري يباع بالصيدليات ينفع لحالات الاسهال عند الأطفال
وكما ذكرت لك تأكد من البيطري أولا

هذي صورته




وفي مضادات كثيره جداً بعضها ينفع وبعضها ما ينفع وكل شيء بإرادة الله أولا
منها/
مضاد اسمه : دوكسين
وفي نوع اسمه : فيم راتين
وغيره الكثير

لكن بحكم تجارب انا مريت بها
اللي ذكرته لك بأول رد لي و النوعين اللي ارفقت صورهم الان
يعتبوا جيدات وبإذن الله تنفع
،،،،،،،،،،،،

الجرعات وطريقة الاستخدام يحددها لك البيطري اللي تشتري منه

و الطريقه :

إضافة خمس نقاط من المضاد في 100 مل تقريباً ماء عادي
لمدة خمسة - سبعة أيام
و يغير الماء والعلاج كل يوم مع الحرص على نظافة القفص بشكل مستمر
وغسل مشربية الطير جيداً بالماء

وبعد الانتهاء من المضاد تستخدم الكيدي لايت بديل للماء العادي لمدة خمسة أيام

وبالنسبة للكبسولات اللي ارفقتها لك بأول رد
افرغ الكبسوله في 100 مل من الماء العادي النظيف
خمس كبسولات لمدة خمسة أيام كل يوم كبسوله مع مراعات تغيير الماء والعلاج يومياً

والله اعلم

اسف على الاطاله ، واسأل الله ان يشفي طيرك

اسأل الله لنا ولكم التوفيق..

[tozo]

اضافه نسيت ذكرها //

سعر الفارما فلورفينيكول 25 ريال
سعر الكيدي لايت من 25 - 30 ريال

واذا طيرك اليف ينغر ممكن تنقط له مباشره في فمه من المضاد و الكيدي لايت
اسأل البيطري عن الطريقه ، ممكن تنقط نقطع واحدة يوميا
وهذي الطريقة اسرع واضمن بإذن الله
ولا تعتمد اعتماد كلي على كلامي تأكد من الطبيب

والله اعلم ..

[طماطه]

الف الف الف شكر لك اخوي ماقصرت رحم الله والديك بالعكس مافي اي اطاله شرحك كان جدا واظح جدا ومفيد وانشاء الله الفايده على يدك

[tozo]

بارك الله فيك وجزاك الله خير وهذا ما ارجوه منك الدعاء بظهر الغيب
اسأل الله لك التوفيق

ومر على الموضوع هذا للاخ أبو ساري جزاه الله خير بيفيدك بإذن الله بعد علاج الطير او ما يحتاجه الطير بعد العلاج

http://www.2zoo.com/vb/showpost.php?...58&postcount=1

[طماطه]

انا كنت بدأت امس مع الطير بعلاج الدكتور البيطري الى ان اشتري الدواء اليوم للطير اعطيته قليل شاي اخضر مع خبز وغريته( لانه ما ياكل ابدا)
بعد ساعتين حطيت له الدواء avitrayl مع الماي وحطيت لع خبز وغريته وبقيت على هالحاله كل كم ساعه اغره قليل
الحمد لله اليوم الفجر الطير تحسن وصار ياكل لوحده (قليل فقط ) ولكنه يحاول ياكل حركته احسن من قبل لكنه مازال حركته ثقيله ظهره كأنه منحني وذيله لاسفل وشعر رأسه منفوش وخروج الطائر اكرمكم الله صار متماسك
الآن العصر صار خروج الطائر كأنه كمية السوائل فيه اكثر من الفجر هل بسبب الخبز اللي اغره ؟
عندي ملاحظه : قبل سنه راح علي طيرين في نفس العمر وتقريبا بنفس الاعراض والغريب انهم كانو يتحسنون و يرجعون يتعبون مره ثانيه فجأه