الغر ؟

[عبووود أبو عيون سووود]

السلام عليكم و رحمة الله و بركاته
تحية طيبة و بعد ،،،
حبيت أستفسر عن غر فروخ الكروان
كم مره في اليوم أغرهم ؟ أو كل كم ساعة ؟
هل مرتين في اليوم تكفي وحدة صباح و وحدة مساء ؟
<<< هذا المستخدم بخيل جدا ً إلا أنه حنون على طيوره في نفس الوقت

[مجنون بدونك]

وعليكم السلام عساك بي خير ؟؟؟


اعتقد اخوي ان الغر تغر الفرخ لي تمتلي حوصلته بي الاكل بس ما تفجرها له خخخخخ

وكم مره كل ما تحس ان الحوصله بدة تفرغ من الطعام يعني باقي اشوي

واعتقد ان اربع تكفي وهاذي من وجهت نظري

[عبووود أبو عيون سووود]

شاكر لردك يا ( مجنون بدونك )
وين باقي الأعضاء نايمين ولا إييييه ؟
إجازة ما أحد يلومكم ، خذو راحتكم عادي
يا شباب ممكن صورة لإبرة الغر ، أو وصفها إن أمكن ؟ قد أيش سعتها ؟ كم ملليتر ؟ كيف شكل فمها أو بوزها البلاستيكي ؟
و هل فعلا ً زي ما تفضل أخونا ( مجنون بدونك ) أربع مرات غر في اليوم تكفي الفرخ و تشبعه ؟
طيب كم كمية السريلاك بالمليلتر في كل مرة غر ؟
<<< هذا المستخدم أسئلته كثيرة بس مسكين ورطان مع فروخه ، أسعفوه بسرعة تكفون !!

[جورجي]

هذي صور لابر الغر




من ابرة الى ابرة تختلف السعة .. عدد مرات الاطعام تختلف حسب عمر الفرخ وحسب حاجة الفرخ .. غره كلما فرغت الحوصلة .. املي الحوصلة 90% يعني ماتعبيها كاملة .. اترك له فراغ
تأكد ان الوجبة دافئة .. مو حارة او باردة
في اداة حلوة لغر الفروخ .. ماادري ويش يسمونها .. غرارة او مطارة او ... رضاعة على قولة احد الاشخاص هههه
مثل هذي اللي بالفيديو
http://www.youtube.com/watch?v=tC8VWFd7gBQ
سهلة الاستخدام انا استخدمها لغر فروخ الروز

[عبووود أبو عيون سووود]

تسلم يا جورجي ، بسم الله ما شاء الله تبارك الله عليك ، الله يعطيك العافية
من وين تجيبونها هالإبر ؟ ( تحديدا ً اللي في الصورة الثانية ) خطييييرة و مريحة مررره
طيب نفترض إن اللي في الصورة الثانية من محل خاص لبيع لوازم الطيور و نادر وجودها
طيب الإبر العادية اللي في باقي الصور وين ممكن ألقاها ؟
دلني و عسى أجري و أجرك واحد في الغر !!
ناطرك

[الهاشم]

اخوي الابرة تقدر تاخذها من اي صيدلية وتشيل الابرة منها وخلاص
روح لاي صيديلية قول تبي ابرة انسولين مثلا ويعطيك وشيل منها الجزء الحاد وخلاص
ويمكن تحصل في بيتكم ^_^ لان هذي الابر المستعملة لاعطاء الدواء للاطفال

[عاشق الكوكتيييل]

كمـ ـآآ قـآلـوآ لـك آلـآخـوآن آلــكرآم

لك
أجمل تحية

[الطائرر]

تلقاها في الصيدليات البشرية في ناس تطعم اولادهم الرضع بإبر خاصة
هي تنفع لطيور

[آبوعبدالمجيد]

آفـآدوكـ..الأخوان..

الإبر الي بالصور كلها إبر بشرية لاإعطاء الادوية..

إلآ الي بالفيديو فـ هي رضاعهــ..ههههههههههههه..

ومستحيل تلقى مثلهآ..بـ المملكة العربية السعوديهـ..

بالتوفيق عزيزي..

[جورجي]

العفو اخوي ..
جميع الابر بالصور تلقاها بالصيداليات البشرية .. وهذي بالصورة

شفتها من زمان بموقع اجنبي للطيور .. كانوا يستخدمونها للصغار حديثة الفقس
اي الرضاعة اللي بالفيديو عندي وحدة مثلها .. احد اقاربي اشتراها لطيوري قبل ستة شهور بـ 15 ريال .. الظاهر انها قليلة التواجد بمحلات الطيور .. لان الاغلبية يفضلون الغر بواسطة الابرة