عدة استفسارات بخصوص تغذية الكاسكو وعمره ونوعه

[sultan_dj]

بسم الله الرحمن الرحيم

من اسبوعين او اكثر اشتريت كاسكو من محل بيع الطيور وهذه صوره











طبعا ما عندي اي خلفية الا قليلة جدا من ناحية النوع مادري هل هو جامبو او هولندي او محجل اصلا ما اعرف شو تعني هالمصطلخات
طبعا المحلات كلهم يقولوا جامبو

ثاني اتوقع عمره خمس شهور الى ستة شهور ؟؟ صح ؟؟

ومن ناحية التغذية لاحظته ما ياكل الا الحب الاسود انا جبت له حبوب مشكله لكن ما ينقي الا الحب الاسود حتى رحت لبيطري واستشرته طبعا هو يريد يبيع وباع لي هالنوع



ولكن مافي فايده ما قرب صوبه مزجته مع الحبوب نفس الشي مافي فايده يروح للحب الاسود حتى اني خذت حبه بايدي وحاولت اطعمه الحبه نفس الحال يتذوقها لكن يرميها

واخيرا بخصوص الاظافر زين ما تهورت وقصيت له بنفسي لاني بحثت في اليوتيوب ولقيت ان البعض يقص عادي نص الظفر فقلت ما بتهور ورحت لمحل قص لي فقط جزء بسيييييط من الامام قلت له ليش قال لي لانه صغير وبيطلع دم قال لي لما يكبر مافي مشكله زين هنا السؤال من الصح ومن اللي يبالغ ومتى اعرف مقاس الامان اللي اقدر اقص ظفره

واعذروني طولت عليكم انا ودي اكثر من الاساله لكن خلنا حبه حبه
وبانتظار ردود الخبراء وشكرا جزيلا لكم ووفقكم الله