؟س سؤال؟

[westlife]

انا قطوتي اليوم ولد ويابت ثلاثه وكلهم ميتين
السؤال اهو متى بتييلها فترة الشبق او متى اقدر ازوجها مره ثانيه؟
لانه قهرتني لمن شفت عيالها ميتين

[*عاشقة القطط*]

هي كم عمرها

[westlife]

تقريبا سنه ونص

[صاحبة وفا]

أصبر عليها شوي لانها توها والده يعني بعده فيها دم بسبب الولادة والمنطقه اكيد تعورها
أصبر تقريبا شهر ويبلها ذكر تتوالف معاه وبتزوج على طول خاصة القطة يوم يموتون عيالها من تصير بخير تتزوج على طول

وتأكد انك مب حاطنها فماكن ضيق يوم بتولد لانها بتقعد عليهم وبتذبحهم

[سـارة]

لاحول ولا قوة إلا بالله ..
آجرك الله في مصيبتك وخلفك خيرا منهم..

بالنسبة للقطط إلي يعيش عيالها فـ ..بعد شهرين..
و أتوقع حتي إلي مايعيشون عيالهم كذا..

عوضك الله خيرا منهم عاجلا غير آجل

[قطقوطه]

يوم ولدتهم ماتو على طول ولا قعدو بالكيس الغشائي يتلون فتره ثم ماتو؟؟
عموما تقدر بعد شهر تزوجها بس عني انصح بعد سنه لان القطوه راح تتعب لو تزوجها على طول وهالشي بتلاحظه على المدى البعيد واحب اذكرك ان فتره الطلق او الولاده 39 ساعه اصبر لبكره يمكن تولد لك بعد اذا نزل البيبي وامه ما قربته البس قلفز وشيل الغشاء عنه واقطع الحبل السري من النص احيانا القطط لما تولد تكون غشيمه ما تعرف وش تسوي فتترك البيبي بالغشاء فيموت

[westlife]

لا اول ما انولدو طلعو كلهم ميتين يعني ميتين واهم في بطن الام قبل ما يطلعون

[صاحبة وفا]

هل أنت شفتهم خلال خروجهم عدم تحركهم؟

عندك حد فالبيت مثل الاطفال يظربونها وله شي ثقيل سقط عليها أو في شي ظربها في بطنها؟
يجب مراعاة عدم ظرب القطه خلال حملها ويجب توفير الطعام والفيتامينات

كانت عندنا قطوة من النوع العادي ومش الشيرازي وخلال كل ولادة لها أطفالها يكونون بخير

وفي فترة حمل جى ولد أختي وشاتها ( رفسها ) فمنطقة البطن وعند ولادتها واحد من أطفالها
صار عنده مثل تشوة ( عدم الأتزان خلال المشي او الوقوف او الجلوس ) ولحد الحين
يستحن عدم تعرضها لشي يخوفها او الظرب خلال حملها

[اميرالظلام]

الله يعينك ولله بس نصيحتي لك لا تشيلها وهي حامل لا نو ايذا شلتها راح تضغط على البطن وتتضرر عيالها وخلها اكثر من شهر بعدين زوجها لانها بتكون تعبا نه الحين ونصيحتي انك تخليها شوي

[قطقوطه]

كم قعدت حامل بالضبط؟؟؟ كم يوم؟؟ عطيتها ادويه او ابر وهي حامل؟؟