بديت اكره هواية تربية الببغاء

[بلاك بيري]

نصيحتي اخي الفاضل استشير اهل الخبره ولا تروح من نفسك واذا انت بالرياض انا مستعد اجي معاك واختارلك بنفسي
والحياه والموت بيد الله اولا وما احد يضمن نفسه والطير روح وان كان مات عليك 3 طيور انا مات علي 30 طير لكن ما اقدر اتركها لأني ادمت شيء اسمه ببغاء

موفق بكل خير

[عشقي البلوفرنتد]

المشاركة الأصلية كتبت بواسطة ســامر

والله يا اخوان محلات الطيور هم الي يكرهوا الواحد الهوايه

لان فيه محلات وتجار ما تخافون الله تخدع الناس

والله يا اخوان اني اتبعت كل الامور والنصائح الي قلتوا عليها بالمنتدى عند شراء طير جديد


بس تدروا ايش المصيبه

المصيبه ان راعي المحل يغير ارضية القفص باستمرار عشان مافي احد يلاحظ ان فيه معه اسهال


وتلقاه ياخذ قشر الحب الشمسي من قفص ثاني ويحطه للطير المريض عشان يبين للناس ان اكله تمام وشهيته مفتوحه وهو اصلا ما يأكل

طيب وين راحت الامانه والمصداقيه في البيع

ليش احنا ما نتبع رسولنا الكريم عليه الصلاة والسلام في امورنا

يعني معقوله يكونوا الغرب اصدق من المسلمين

انا رحت لامريكا وشفت التعامل والمصداقيه والثقه بين البائع والمشتري

ما اقول الا الله يهدي جميع المسلمين

حسبي الله ونعم الوكيل
اهم شئ عندهم الفلوووس

[Dr.A7mad123]

الله يساعدك

اذا بتاخذ اخذ فرخ عمره 7 شهور بالقليل عمر حلو للتربية وعشان مناعتة صارت احسن

ولا تسبحه ابد الا بعد ما يظل عندك شهر ويكون الجو دافي

واذا مانت مهتم بترويض الطير بس تبي الكلام أخذ طير عمرة سنة بس ما يصفر ولا يجعر

[محمد بن فهد]

الله يعينك
ويرزقك بالطير اللي يسرك
اترك الياس عنك وحاول راح تنبسط لوربيت لك واحد وخصوصا لاصار يلعب ويتكلم

[@ شقاوي @]

السلام عليكم ..

اخوي يمكن اهمال منك يالغلا والدليل انت مسافر وتعطي الطير لواحد اسمحلي غشيم
ومات الطير هذا اهمال ..

عموما يالغلا خليك على طيرك الحين اذا فعلا فرخ مثل ماتقول عليك بالتالي :

* غر الببغاء بـ السيرلاك وهذي الطريقة

http://www.youtube.com/watch?v=v-tscVvqDC4

اهم شي شوف لك ابره كبيره شوي وشيل راس الدبوس وغر الطير .

ولا تنسى تشربه مويه بعد الاكل في كذا طريقة ابحث في اليوتيوب ..

* ضع الفرخ في مكان دافي ولا يكون في تيار هواء قوي او حتى خفيف لان الفرخ حساس
والمناعه ضعيفة .

* ابتعد عن ترويش الطير لمدة شهرين .

* شوف في البقاله فيه خظار مشكلة ( فاصوليا .. جزر وغيره ) مشكل مجمده
اغليها لمدة 5 دقايق بـ ماء حار عشان تكون سهل في الاكل .

* اهرس له كوسه مع جزر بعد الطبخ بدون ملح واكله ..

في شي مهم ابعد الطير عن المكيف او اي شي بارد واصعب شي في الفرخ السته الشهور الاولى
هذي اذا عداها على خير بتعين خير يالغلا وبتذكر كلامي واهم شي الصبر في التعامل مع الطير ..

موفق خير يالغلا ..
تقديري ,,

[بو اروى]

شف باختصار اذا انت توك في بداية الهواية

خذ لك كبير واليف وفك عمرك

وحتى الكبير اياني واياك تروشه وانت ماتعرف شطريقة الترويش الصحيحة

شف هذا المحلات تجلس عندها الطيور بالشهور مايروشونها ولا تشوف عندها مشاكل

[no0La]

اخــوي سامر

خذلك طير من شخص ثقــه
مثلا من هنا من المنتدى ماشاء الله

في اعضاء كثار محل ثقــه تاخذ الطيور من عندهم
وانت مرتــاح ومضمونه بإإذن الله

انا مااثق ابدا بالمحـــلات لان فيها غش
لاتحبط وعاند حظك وحاول صدقني باإذن الله

راح تنحل مشكلتك

[dark evil]

لا تيأس اخوي وكل مربي لازم يصير له شيء

عندك انا خسرت 3 كروانات وكاسكو غيني ,,, واحد من الكروانات مات بسبب مرض الدمعه قبل شهرين تقريباً

والحمد لله اليوم شريت فرخ كروان البينو وربي وفقني فيه صحته عال العال ما شاء الله عليه

ونصيحتي اشتري من المنتجين في المنتديات افضل من المحلات وكلامي هذا ما اقطع رزق احد لكن الله يهديهم بعض المحلات تلاقي الغش عينك عينك وهم اللي يخربون سمعتهم وغير هذا الاسعار ناااااااار

[m7md1]

الله يعوض خييير ان شاء الله


لا تقول هالكلام والله تهبط همم غيرك مثلي انا مقبل عالببغاوات واخاف يصير لي مثل ما صار لك ولكن ان شاء الله اتشجع

[كاسكـــو]

خلاص خذ لك هولندي عيون رمادي يعني 7 شهور وطالع

مناعته قويه ان شاء الله