قطتي تتبرز في الأرض :(

[Bayanoo]

السلام عليكم ورحمة الله وبركاته
طبعا زي ماهوا واضح انا لسا جديده على هذا المنتدى وأول موضوع ليا واتمنى تفيدوني
عندي قطه انثى عمرها تقريبا 3 شهور لها اسبوع عندي وأول ماجات البيت كانت تقضي حاجتها في البوكس تبعها ولا سوتها برا بس لها يومين لها تصرفات غريبه تسويها على الارض واجلس انظف من وراها والمشكله مااشوف فين حطتها عشان اعرف بس اجلس ادور من وراها والريحه شي فضييع .. والوالده تخاصم تهدد انها ترميها بالشارع >> ماالومها
وللمعلوميه انا غيرت مكان الليتر بوكس تبعها يمكن كل يوم احطو لها بمكان عشان لازم اخليها بالمكان اللي اجلس فيه انا لان اخواتي بيخافو منها ومااقدر اخليها طليقه في البيت كلوو لازم احطها في الغرفه اللي اجلس فيها فاضطر اغير مكانو
فهل هذا بيكون عقاب منها ؟؟ وسبب انها تسوي عملتها برا الليتر بوكس ؟؟
وكمان مرا اخدتها معايا مشوار صغير يمكن ربع ساعه في السياره بدون الليتربوكس تبعها لوحدها اخدتها بما انو المشوار بسيط ووقتها في السياره كانت تبغا تتبول وتدور تدور في السياره تدور الليتربوكس وصبرت كتير بس مااتحملت وسوتها في السياره ومن بعدها صارت تقضي حاجتها في الارض لها يومين زي ماقلتلكم
المهم صراحه شي مقرف ايش اسوي ?? افيدوني
اسفه طولت عليكم بس عشان اعطيكم معلومات اكتر

[disney]

الي اعرفه انه ابداً ما يصلح تغير مكان اللتر بوكس عشان ما تلخبطها
بس اصبر/ي عليها شوي هي لسا عمرها ٣ شهور تعتبر مررررررررره سعنونه (صغيره)
الله يفوقك ويصبرك معها

[MAMAMy]

لا غلط انك تغير مكان الليتر بوكس
دلوقتي لازم تعودها من الاول تفضل طريقتين
الطريقة الاولى
كل ما ترها تتبول في اي مكان غير البوكس قول لا لا لا و رش عليها بالرشاش ماء و عندما تنتهي احبسها في الليتر بوكس لمدة دقيقتين
هتتعود ان الليتر بوكس مكان التبول
الطريقة الثانية
احبسهم في غرفة ضيقة (الحمام) مع الطعام و الماء و الليتر بوكس
و لان الغرفة ضيقة لم تجد مكان تتبول فيه غير الليتر بوكس
احبسها كدة يوم كامل

و طالما اخواتك بيخافو منها
احسها في غرفتك مع الطعام و الماء و الليتر بوكس طول القت

[Loves animals]

انتي غلطانه انك غيرتي مكان الليتر بوكس

واحب ارد على اختي MAMAMY بأنو مسئلت تحبسها هذا عقاب

هو كل الي لازم تسويه انك تخلي الليتر بوكس في مكان معين

ثانيا / اذا شفتيه تسوي في اي مكان خليها تتبرز لين ماتخلص بعدين اذا خلصت امسكي المجرفه وخذي البراز حقها ووريه للبسه وخذي برازها وحطيه مكان الليتر بوكس طبعا والبسه تشوفك

بس

[شاهستا]

مينفعش تغيرى الليتر بوكس لازم يكون فى مكان محدد

لما تعمل بره الليتر بوكس تانى شيلى البراز وحطيه فى الليتر بوكس وهاتى القطه

وعرفيها ان دة المكان الصح وان شاء الله تتعلم

[عاشقة قطوتها]

كلام الاخوات كلهم صح ..وفيه طريقه ثانيه كل ماشفتيها تبي تتبول او تتبرز يعني تشم االارض وتتوتر وتسوي نفسها تحفررر شيليهااا وحطيها في الليتر بوكس ..وربي يخليها لك

[صديقة تاكي]

صح تغيير مكانه غلط.

قطتي بطة كانت لها نفس القصة.

عندنا و هي صغيرة و كان قطي الغالي أكبر منها

فكان مكانها هي و الليتر بوكس في غرفتي.

و عندما كبرت طلعتها تعتمد على نفسها و تتعرف على جارها قطي الغالي

لكن لاحظنا إنها كل ما كانت تبغي تقضي حاجتها تركض لتدخل غرفتي

مكان الليتر بوكس

[ميزنوا]

صحيح لاتغيرين مكان اليتر بوكس

وبرضوا رشي في الاماكن اللي تبولت وتبرزت فيها ليمون عشان ماتقرب لهاذا المكان