استفسار عن الكاسكو الله لايهينكم

[الجنتل مون]

السلام عليكم ...
انا عندي كاسكو توه عمر يمكن من الخمس شهور الى الستة شهور يصعد على اليد عادي بس فيه خوف شوي سؤالي متى يبدا يتكلم الطير؟ واليوم وانا اتفرج على اليوتيوب مشغل كاسكو يصفر ومسكت مع الي عندي تصفير ويدور في القفص يبي يطلع عادي لو اسمعه المقطع مره ثانيه والطير توه عندي من يومين بس

[طلع لي قرون]

توه يومين ..

ما شاء الله ربي يبارك لك فيه ..

وعمره مناسب جدآ ما شاء الله ..


اول شي تسويه اخوي

انك تحط القفص بمكان مرتفع متر ونص حلو ..


ويكون هالمكان بين اهل البيت يعني كل شخص يمر يشوفه ..


وانت الي عليك انك تخليه بهالمكان اسبوع ..

والشي الي تسويه انك تغير الماء الاكل والتنظيف ..

وبعد اسبوع ابدآء لاعب الطير وطلعه ..

ولو تسوي له حصه صباحيه في الشمس ولا احلى ..

وبنكون معاك ان شاء الله وقت تبي تدرب ..

بس اهم شي عط الطير فرصه يتعرف على اهل البيت ويشوف الامان عندك ..

اتمنى اني افدتك

[الجنتل مون]

الله يعافيك وانا انشالله معكم على طول

[O.habeeb]

1000 مبروك يتربى في عزك
اولا خليه اسبوع عشان يتعود على البيت والسن مناسب جدا ما شاء الله لكل شي الكلام الصفير تقليد الاصوات الحركات يوقف فوق يدك
وليا سؤال هل و اليف ؟ عشان اقدر افيدك اكثر

[الجنتل مون]

المشاركة الأصلية كتبت بواسطة O.habeeb

1000 مبروك يتربى في عزك
اولا خليه اسبوع عشان يتعود على البيت والسن مناسب جدا ما شاء الله لكل شي الكلام الصفير تقليد الاصوات الحركات يوقف فوق يدك
وليا سؤال هل و اليف ؟ عشان اقدر افيدك اكثر

الطير اليف ويوقف على اليد بس فيه خوف خفيف وقريت في المنتديات اني اخلي الطير في القفص على طول عشان يبدا يتكلم وهو توه ماعنده ولا كلمه وما يصفر الا اذا شغلتله مقطع تصفير كاسكو

ومشكور على مرورك

[يوفاوي الكويت]

مبروك الطير الجديد

انا انصحك انك تبداء بتلقين الطير من الحين

ويفضل بكلمات صغيره من حرفين

مثل بابا او ماما او الو

وافضل وقت للتلقين المغرب او الصبح

[الجنتل مون]

المشاركة الأصلية كتبت بواسطة يوفاوي الكويت

مبروك الطير الجديد

انا انصحك انك تبداء بتلقين الطير من الحين

ويفضل بكلمات صغيره من حرفين

مثل بابا او ماما او الو

وافضل وقت للتلقين المغرب او الصبح

الله يبارك فيك ...

ومشكور على المشاركه