منتديات تو زوو متخصصون في عالم الحيوان وتربية
المخلوقات الجميلة ويضم منتدانا أكبر وأروع تجمع لهواة تربية الحيوانات والطيور
والأسماك والأحياء المائية والزواحف والبرمائيات ولمتابعي تحركات الحشرات
والمفصليات ولمحبي الزراعة والعناية بالنباتات كما نوفر لكم من خلال سوق تو زوو
الالكتروني الكبير عرض سلعكم بالمجان وبعد ذلك كله تستريحون في استراحة الهواة
متمنين لكم طيب الاقامة لدينا
أساليب ممتعة وطرق منزلية سهلة لصنع ألعاب وأدوات لببغائك.
بسم الله الرحمن الرحيم
أول شي وقبل ما نبدأ,,, اللي مستعجل أنصحه يروح, ولما يفضى يجي يقرا الموضوع لأنه طويل مرة
حبيت أوفر للأعضاء بعض الأساليب المنزلية اللي نحتاجها لتربية الببغاوات والعناية بها.
الأساليب قابلة للتطوير والابتكار, ويقدر أي أحد فيكم يعدل فيها على حسب ضروفه.
بعض الأساليب متعلقة بنظافة الأقفاص, وبها نبدأ بسم الله:
بدل ما نغطي أسفل القفص بجريدة يكون فيها ذكر الله عز وجل, نقدر نستغني عنها بالطريقة التالية
نشتري من أي مكتبه أوراق الوسائل الكبيرة (قيمتها ريال واحد سعودي), خذ كمية بعشرة ريال عشان توفر الوقت.
مثل اللي بالصورة:
نبدأ نقصها على مقاس حوض القفص السفلي كالتالي:
طبعاً نقص كمية حتى نلقاها جاهزة في الأيام القادمة وقت التغيير, ونغطي حوض القفص السفلي بالورقة كالتالي:
الحين خلاص راحح التعب, كل يومين شيل الورقة القديمة وحط بدالها الجديدة, ما يحتاج تغسيل ولا تنقيع في الموية.
نجي الحين لصنع ستاند لوقوف الببغاء.
كلنا نعاني من كبر حجم الاستناد ونعاني من نقله من مكان إلى مكان.
صار الحين اختراع جديد, نقدر ننقل الطير بسهولة وفي أي وقت بدون جهد ولا نعمل زحمة والشارع فاضي.
الحقيقة عندي كم فكرة بطرح لكم منها 3 أفكار سهلة:
الفكرة الأولى حق الكسلانين اللي يبغون شي جاهز:
نشتري سلة عادية مصنوعة من الخيزران والخشب من المحلات الرخيصة.
هذي قيمتها 14 ريال من محل أبو ريالين (اسم المحل ابو ريالين فأكثر <<< فأكثر يوصل لمية )
المهم ان السلة خفيفة وممكن يطيح الببغاء عشان كذا نحط فيها حجر أو أي شي ثقيل,
شوف الببغاء هذا أمازوني ويرفرف بأجنحته بقوة, والسلة ثابته
الفكرة الثانية: وهي بعد للكسلانين, بس هذي قيمتها 18 ريال من مراكز التسويق, تلاقيها في قسم الأدوات المنزلية
هذي مخصصة لتعليق الموز والفواكه في المطبخ.
تقدر تعلق فيها نص تفاحة مثلاً أو أي فاكهة وتخلي الأخ الكريم سيد ببغاء يمخمخ عليها وانت مرتاح .
الفكرة الثالثة واللي أحبها أكثر:
تعرفون الخشبة حق التيشو أو لفة المناديل الورقية الكبيرة؟
مثل اللي بالصورة
هذي قيمتها من محل ابو ريالين (فأكثر ) ب8 ريال سعودي فقط.
في السعوديه لول
نسمر فيها خشبة صغيرة حسب المقاس اللي نبغاه واللي يناسبنا, ويفضل انها تكون قصيرة عشان ما يروح للطرف وتميل الخشبة أو يوسخ الأرض.
ونقدر نتفنن ونسمر ملعقة خشب كبيرة عشان نقدر نوفر مكان للأكل السريع, مثل الصور التالية:
أو نقدر حتى نسوي شوي حركات كشخة, وتجيب غصن جميل ومتفرع مثل هذا الغصن وتسمره بحامل المناديل الورقية كالتالي:
رد: أساليب ممتعة وطرق منزلية سهلة لصنع ألعاب وأدوات لببغائك.
أختي الموضوع موجود في قسم البغبغاء على هذا الرابط http://www.2zoo.com/vb/showthread.php?t=94740
والأخ سكر الله يجزاه الخير هو الي كتب الموضوع وتعب عليه والمفروض تحفظي له حقوقه ولو بكلمة منقول
اقتباس:
خلاص والله تعبت من الساعة 9 وانا شغال على الموضوع للحين الساعة 1.30
وتسلمون على المتابعة (أحس انكم بعد ما تخلصو الموضوع بتقفلو الجهاز ونوووومة من التعب)
سامحوني على الإطالة وتقبلو تحياتي
وفي الأخير أحب أهدي هذا العمل المتواضع لمنتدى تو زوو الرائع, والموضوع مفتوح للمشاركة, أي اقتراحات أو اضافات نرحب فيها بكل صدر رحب في هذا الموضوع.
تقبلو تحياتي.
هذا كان أقتباس من نهاية الموضوع
والله حرام الرجال يتعب 4 ساعات ونص وتالي تنقلي الموضوع بدون حتى ماتكتبي في نهاية الموضوع كلمة منقول على الأقل.
تخيلي نفسك في مكنانه وتعبانه على الموضوع 4 ساعات ونص وتالي تشوفي الموضوع في منتدى ثاني بدون مراعاة حقوقك
على العموم مشكورة على النقل
أسمحي لي إذا غلطت في حقك بس والله انفعلت شوي بعد ماشفت الموضوع منقول بدون مراعاة أي من من حقوق الكاتب الأصلي
وأكرر أسفي إذا غلطت في حقك ولو بكلمة
رد: أساليب ممتعة وطرق منزلية سهلة لصنع ألعاب وأدوات لببغائك.
بالفعل هذا الموضوع نفسه ولا حاجه متغيره
للي في قسم اللببغاء
المتغير في الموضوع حدف الجزء الآخير للموضوع وهو الذي يدل على ان الموضوع من عمل شخص آخر
وهوو الأخ سكر الله يجزاه خير
و ابو التواريخ ماقصر جآب آخر مقطع
انا قرأت الموضوع هنالك لذا سأتنحى جانباً ولن أعلق سوى
أين حقوق النشر ..!
تحيهـ ..~