كان مالي علينا البيت

[راعي الطرفية]

اليوم بعد صلاة الجمعة رجعت البيت وعلى طول رحت القفص

وفتحته وناديت على (شليويح) الفرخ حقي (روز)

ولما سمع صوتي طلع وهو يغرد وعلى ايدي على طول

ورحت الصاله وانا اللعب معاه انتظر القهوة تجي

وكان يلعب وينط على كتفي وانزله ماابغا يوسخ على ثوبي

وما تخلصت منه لحد ماحطيت له بسكوت بالسمسم

وجلست اتقهوى وانا اطالعه وهو ياكل

لما خلصت رحت الغرفة وجلست على النت لحد موعد الغداء

وتفاجأت فيهم ينادوني يقولون شليويح نايم على الفرشة

وطلعت أقلبه يمين يسار ولا حركة انتظرت شوي مافيه فايدة

وبالاخير تاكدت انه مات ايه مات من غير اي سبب

إلا سبب واحد انه ربي كاتب يموت بذي الساعه

انقلب البيت حزن في حزن قدر الله وماشاء فعل

الي مريحني ومريح ضميري اني ماقصرت عليه بشي

كل شي اجيبه له واوكله احلى اكل

بس الحمد لله على كل شي

ولازم عشان جو البيت الحزين اجيب واحد ثاني يكون اليف مره

على الرغم ان عندي جوز على بداية التبييض

وجوز ثاني معاه فرخ لسا صغير يبي له فتره


اذا تخبرون لي شي جاهز اكون ممنون لكم


وآسف على الاطالة

بس حبيت افضفض لكم

إحترامي لجميع الاعضاء