سيكلد أبيض بعنون حمر ,,

[Mo0oMo0o]

السلام عليكم ورحمة الله وبركاته

وأنا بمحل الحيوانات شفت أسماك > طبعا انا قررت أغير أسماكي وأترك وحده بس لأنها مره مره مره شرسه ماتتصورو قد إيش نوعها قولدن قورامي حتقولو مايجي منها الشراسه أقولكم إني دحين بعاني معاها جبتلها من زمان من شهور ثيكليبد قورامي ودحين اكلت زعانفها وديلها مابقي شي فيها وبهدلتها المسكينه ما اكتشفت الموضوع والله إلا من امس ماتتصورو من بعد مامات الاوبلاين قورامي الذكر وهيا شرسه مره بزياده < لا حول ولا قوة إلا بالله
المصيبه إني أحبها مره لأنو ربيتها من وهيا صغيره سنه واكتر دحين وكبرت ماشاءالله مره
قلت مافي إلا أجيب أسماك شرسه زي السيكلد بنفس حجمها ولو لقيت أكبر بشويه مافي مشكله لأنها منجد مره شرسه ماتنطاق

المهم رحت وشفت السيكلدز الموجودين ولقيت انواع لكن لفت نظري لسيكلد أبيض ناصع البياض عيون حمراء ومميزين جدا
برضو المشكله حبيتهم من أول نظره لكن أسعارهم غاليه على الوحده لما سألت يعني على السمكه الوحده بي 75 الصغير والكبير ممكن من 100 وفوق
يعني استغربت انا كنت حاسبه حسابي اخد اكتر من 4 أو 5 سمكات وصراحه فوق ميزانيتي

سؤالي هوا هادا سيكلد ؟ < لأني شفت مواضيع عن السيكلد لكن ماشفت دا النوع معاهم
وهل كل اسعار السكلد نفس الشي ؟ من 70 وفوق للوحده ؟

وحابه اسأل إيش اللي يلائم مع القولدن قورامي > بإعتبار إنها سمكه قويه وتعتبر نفسها سيدة الحوض وأي جديد مستعده تقتله من وقتو

انصحوني بنوع يعيش معاها مو شرط سيكلد وبنفس الوقت يكون سعرو مناسب مو غالي لأن لسا والله عندي مية شغله أبغى أغيرها بالحوض من تراب وزرع وكهوف

هادي الصوره قديمه لها هيا والثيكليبد :
دحين حجمها أضعاف كبيره ,,



وسامحوني كلامي ملخبط لكن حبيت السكليد وحابه بنوع مناسب يتعايش معاها ,,
وجزاكم الله خير يارب ,,

[د طارق]

وعليكم السلام ورحمة الله وبركاته
الجورامي الشرس متل اللي عندك
ممكن تحطي معه اي نوع سيكلد افريقي (الأزرق او الأصفر...الخ)
ممكن حتى تحطي معه سيكلد امريكي
كالأوسكار او الغرين تيرور او السيفروم ...الخ بس يكونوا اصغر
من الجورامي لأنهم راح يكبروا بسرعة
ويصيروا في المستقبل اكبر من الجورامي

[انجل مان]

مثل ما قالك د طارق .؟؟

وبعدين 70 ريال الى 100 .. لسيكلد ابيض .؟؟ اعتقد انه نوع الكونفيكت الابيض . .بس مرة غالي

اذا اهو تراه ارخص ممكن الجوز بـ 35 او 40 اذا كثر .. بس ما ادري عن محلات جده ..

[Mo0oMo0o]

شكرا دكتور كان الدكتور البيطري بيقولي ممكن تحطي معاها مولي بحجمها
مابعرف محتاره أي نوع أفضل لآنو في كتير أنواع حلوه ..

[Mo0oMo0o]

انجل حتى انا توقعت الاقي بي 35 وإذا بالكتير مره 40 لكن تفاجأت سارت عندي فكرة مو حلوه بموضوع الاسعار لآنو جدا مهم وبطلت لآني فكرت بميزانيتي كمان ,,
حروح اليوم وأشوف اسماك غير وإذا تنفع مع اللي عندي وأقولكم إيش يسير إن شاء الله ,,

[د طارق]

نعم ممكن تحطي مولي حجم كبير