استفسار عن حادثه قديمة حصلت معاي

[كويتي777]

السلام عليكم

اخواني انا استفدت جدا من موقعكم الطيب وفتحتو عيني علي موضوع قديم حصل معاي وحاب اسمع رايكم فيه


قبل تقريبا سنه او اكثر شوي كان عندي كاسكو افريقي قعد عندي تقريبا سنه علمته ودربته وولفته وبعدها كان يحبني حب بجنون لدرجة كل مايشوفني يصفر ويتكلم ويطق علي القفص يبيني اقرب له والعب وياع وكان يتكلم بصراحه كان جدا جدا ذكي وحلو ويحبني بجنون

بعدها بفتره سافرت ما يقارب شهر خارج البلد وطبعا كنت مظطر اخليه عند قريب لي امانه علي ما ارجع

المهن بعد مارجعت بعد تقريبا شهر ول الطير كان ناتف كل ريشه ولم شفته ضاق خافي وحسيته مريض ورحت بعته وبسعر زهيد بعد طبعا اول ما رجعت وشافني صار مجنون قام يناقز ويصرخ والي درجة قريبي الي كان يهتم فيه مصدوم ويقول كان شبه خامل ومايتحرك بس لم شافك تغيرت حالته المهم اخذت الطير وبعته باسرع وقت

وبعد مشاركتي بالمنتدي عرفت انه الطيور نفسيتها تتعب وتنتف ريشها لفقدان صاحبها

فهل هذا الي كان حاصل مع الكاسكو مالي وانا ظلمته مع العلم. انه كان يطلع منه نفس البودر الابيض

وشكراا

[فيوزي]

حرام عليك الطير يموت فيك وتبيعه
الله يعوضك بغيره يارب
من ناحيه البودره فهي طبيعيه ما عليها ضرر لي الطير

[المقبل]

نعم يا اخي هذا حصل معه صدمه نفسيه وفقدان لمربيه ولذلك دخل في
حاله نفسيه اثرت على سلوكه العام
وهذي الحاله تختلف بالسلوك من طير الى اخر من حيث تحمل الطائر

[كويتي777]

لاحول ولا قوة إلا بالله

والله ضاق خلقي من هالخبر

كنت اظنه مريض مادريت انه يحبني لي هالدرجه


شكرا لكم اخواني علي هالمعلومة

[بلاك بيري]

للأسف الطير تعبت نفسيته بفراقك
وعبر عنها بنتف ريشه
البودرة البيضاء او الريش الأبيض يعد طبيعي في الكاسكو ولا يدل على وجود مرض مسبق فيه قبل سفرك

ربي يعوضك بأحسن منه

موفق بكل خير