معالجة صراخ المكاو

[تفاحه حمرا]

شفت موضوع يتكلم عن الكوكاتو

وقلت افا ليش يكتبون عن الكوكاتو والمكاو وين راح << تحب تغايض

بذكر هالنقاط وان شاء الله لي رجعه في موضوع منفصل عن تدريب البغبغاء ^^

• جرب ان تشغله بالألعاب عند بدأ الصارخ
• حاول تغطية القفص فوق عندما يبدأ بتشغيل صوته العذب "يوم يصرخ"
• لاترجع تصرخ عليه عندما يبدأ هو في الصراخ
• عندما تصرخ عليه .. هذه يجعله يتمادى اكثر
• بدلاً من ذلك اهمله وضعه في القفص واترك المكان
• حاول تشغيل له موسيقى هادية
• عامله مثل طفل في عمر ال5 يبحث عن اهتمام ورعاية ولعب
• الببغاوات ذكية جداً جدا يعرفون كيف يدفعوونك للجنون

هذا كل الي عندي الحين

نراكم في حلقة قادمة

[كاسكو البحرين]

شكراً على النصائح دائماً مبدع يا تفاحه حمرا

تحياتي

[بـــدر]

شكراً تفاحه حمرا على الموضوع المفيد

[مــراح]

موضوع جميل بس فيه نقطه خااااااااطئة جداااا وهي

المشاركة الأصلية كتبت بواسطة تفاحة حمراء

حاول تغطية القفص فوق عندما يبدأ بتشغيل صوته العذب "يوم يصرخ"

هذي مشكله تعذب الكوكاتو او المكاو ولن تنفع
بتقولون بعد التغطية انه لن يصارخ
بل سوف يزيد من الصراااخ مع الاياااااام والالفه اللي بينك وبين الببغاء سوف تقل

وافضل حل ان الكوكاتو او المكاو يكونو في مكان مناسب يشوف جميع العائلة يعني في الصاله في مكان جلوس العائلة وهذا الحل المناسب او وضع له العاب ليتسلى


تحياتي

[تفاحه حمرا]

مشكورين على الردود الحلوه

كاسكو البحرين
نوورت موضووعي بس تفاحه حمرا ومبدع ؟؟ ماتركب لووول

بـــدر
العفوو اخوي وان شاء الله اقدر افيدكم دوم ^^

مــراح
اخوي انا وياك بهالنقطه انا ضد اسلوب العنف في التربية بس هاي النقطه تنطبق على المكاو بس مب على الكوكاتو .. لانه كل مابيتم يصرخ وانت تغطي القفص من فووق بيفهم انه هذا اسلوب عقاب يعني بتكون معادله عادله
بيصرخ = بيتغطى القفص
بمعناته اذا تم يصرخ بيشوف جزء من القفص مظلم
لووول .. فبيبدأ يقل الصراخ عشان ماتغطي القفص عنه .. بس ممكن نستغنى عن هالنقطه ونكمل باقي النقاط يعني كل واحد ورايه !! اتمنى اني اكون افدتكم بشي بسيط

[المميز1000000]

مشكوره وبارك الله فيك
واحب اضيف السبب الرئيسي في صراخ المكاو وهو القفص

[تفاحه حمرا]

مشكور اخوي على الرد وبنسبه لإضافتك ..احب اضيف شي عليها إنه المكاو بعد يصارخ اذا كان في مكان غريب ومب متعود على الناس

[توتي]

يسلمووو تفاحه حمرا على الموضوع والنقاط الجهنميه... الله لا يحرمنا من مواضيعج الحلوه يا حلوه..

وانا بعد ضد تغطيه القفص.. الانه بيعاند أكثر.. مثل يوم تقولين لا تصارخون عليه يوم بيصارخ الانه بيعاند.. يمكن ان يعاند يوم تغطينه بشي.. هذا رأي الانه الببغاوت ذكيه جدا وتفهم.. والاسلوب الامثل هو مسايرته وتهدأته بأشياء ثانيه مثل الموسيقى او الالعاب.. او انكم تقعدون وياه وتكلمونه بهدوء.. ومرات طريقه العقاب تمشي بس اذا كان الطير ماخذ ومعطي وياك يعني مدرب و مروض عدل ويعرف صاحبه ويفهمه.. مثل انك تحرمه من الشي اللي يحبه وتكلمه بهدوء وتقول له انه غلطان.. لوووووووووول
بس تراهم مزعجين وصعب انهم يسكتون بسهوله الانه الله خلقهم جي.. << معاناه مع طيوري

وفي رأي بعد الببغاوات كبيرة الحجم يفضل ان توضع على ستاند..

وشكرا يا تفاحه حلوه..

[تفاحه حمرا]

لامب تغطونه كاامل انا الي اقصده انه تغطون جزء من القفص عرفتي ؟؟
عشان يفهم انه هذا اسلووب عقااب .. وانا ماعتبر هذا عنف يمكن يكون اسلوب تخويف
عشان يصطلب ويمشي صح الصح ... وشرات ماقلت فووق انه هالطريقه مش ضروريه
بس وحده من الطرق الي ممكن تفيد .. لانه الطيور والبغبغاوات خاصه تختلف في تصرفاتها وردت فعلها

تسلمين على الرد
ونورتي موضووعي

[عاشق الهامستر]

شكراً تفاحه حمرا على الموضوع