ببغائي الكاسسكو إلى الاسوء

[صمتي حكايه]

المشاركة الأصلية كتبت بواسطة RedEye

السلام عليكم

إلي فهمته ان الببغاء من شريته كان اليف و متقبل للجو الي هو كان فيه

طبعا تم حبس الطائر بالقفص اسبوع ممكن يفهمها انها اهمال له او تعذيب فيبغاله شوية زمن علشان يرجع من مثل اول

على حسب ما فهمت انه ما صار له فتره طويلة معاك ؟؟

بخصوص العض ،،

هل في قط في البيت او طير دخيل وقت سفرك كان متواجد ؟؟

ممكن يكون في شي تغير بمحيطه و ازعجه!! أمام إذا ماكان في شي

فالكاسكو مزحه دفش بعض الاحيان

واللحين هو يفهم ان العض لعب و كل ما حرمتيه من شي يقوم يفهم انه لازم يلعب معاك علشان ياخذه فيقوم يعض ،، لا تخلينه يفرض شخصيته عليك و جوعيه و استمري بتجويعه و نبرة الصوة غيريها من تصيرين معصبه معاه و إن شاء الله بيتغير

أهم شي لا تضربينه او تبينيين له انه ممكن يكون في موضع تهديد

وبيني له انه غلط

ولازم تحزمين امر العض معاه م ناللحين ولا راح تستمر معاه عادة العض وقت اللعب

المشاركة الأصلية كتبت بواسطة RedEye

بخصوص اللعب مع الطير والعض

الطيور تستكشف المواد بمنقارها يعني العض موجود موجود ولاكن بدرجات

اللحين ممكن تحولين العض عن طريق اللعب لطريقة استكشافيه بالنسبه له

انا بالنسبة لي الكاسكو العبه باكثر من طريقة :

1- اجيب اشياء اخليه يعضها اقول اسمها مثلا اجيب له عصا خشب اخليه يعضها و اقول له خشب ،، خشب ،، خشب ،، بعدين اوخرها و اجيب له عصا حديد و اخليه يعضها و اقول له حديد ،، حديد ،، حديد

وقت الفراغ بين الكلمة و الاخرى ما يقارب 3 ثواني

بحيث ان الطائر يبدا يستوعب شوي و يركز

بعدين ارجع للخشب

ما اسمح له يعض بقوه لا اخليه يعضها بشويش واذا عض بقوه انهره و اوخر اطلع برى الغرفة فترة اخليه لحاله دقايق بعدين ارجع و اعيد الكره

الين يفهم انه لازم ما يعض بقوه ولازم يعض فقط للاستكشاف وليس للدفاع

2- الببغاء يكرر الأصوات إلي يسمعها وفيها نبرة صوة مرحة او غريبة او مزعجة يعني ممكن تاخذين الطير و تقولين له بنبرة صوة مملة جدا وثابته "" القطوة أكلت لسانك ،، ؛ بعدها تقلدين صوت القطوة باسلوب مرح !!

الحركة هاذي راح تخليه يقلد صوت القطوه من يسمع كلمة القطو أكل لسانك .

تقدرين تعلمية خدع مثلا اضرب كفي بكفك او سلم

بس هالأشياء أعتبرها متقدمة بوضعك الحالي أول شي حاولي أنه توخرين العضه إلي بالطير

وأفضل طريقة أنه توجهينها لطريق معين مثل ما ذكرت الي إنه يستكشف و إذا عض اتركيه و أطلعي برى الغرفة.

إن شاء الله أكون أفدتك

و الأخوان ما راح يقصرون

دمت بود

أولاً أحب أشكرك ع الرد الكافي الشافي

ماعندنا بالبيت لا حيوانات ولا طيور غير جوز بادجي
ولا هو عنده بالغرفه
هو عندي من شهر وشوي تقريباً من أول الايام مايبي القفص
لكن كان يدخل بهدوء الحين مايدخل الا بالغصب
اعتقد صاحبه الاول كان حاطه ع ستاند فقط

بالنسبه للعض ماكان يعضني ابد من اول يومين نزل راسه احكه
بس كان يعض أختي وأخوي اذا قربوا له الحين صار يعضني
اذا عضني ينزل راسه بالارض ويدور ع نفسه
والعض ماهو مزح او لعب لا يعض لين يدي تنزف دم او تتورم

العض يستخدمه دفاع عن الشي اللي معه او عشان ماادخله بالقفص
بعيد عن القفص يطلع ع يدي احط اصبعي داخل فمه مايعض

سافرت جلست اسبوع وكان لحاله بالبيت
بس اخوي يروح يحط له اكل ويمشي

اذا دخلته القفص بحيله يعض القفص ويحاول يعضني
من ورى الشبك بعدين شوي ويهدأ

انا ربطت باب القفص لانه عرف كيف يفتحه
الحين صار يحاول يفك الربطه اللي بالباب
اذا طلع من القفص مايبي الغرفه اللي فيها القفص ابد
ولا يروح لها ابد
حتى احيان ينام بالمطبخ او الصاله عادي مايخاف
اهم شي مايروح للقفص

** جربت معه طريقه وجابت نتيجه بس اخاف يكرهني
اذا جيت اخذ منه شي يقولي لا أرد عليه بصوت اعلى لا
يجي يصفر بصوت عالي أصفر بصوت اعلى
يضرب منقاره بالارض أضرب اصابعي بالارض
ينفش ريشه ويدور ويبعد عني واخذ الشي اللي كان معه
بس لاحظت انه يعصب بس اعطيه اكل او شي يلعب فيه ويهدأ
استمر ع الطريقه او لا

اعتذر ع الاطاله وألف شكر مره ثانيه
هذا أول ببغاء لي يعني توي مبتدئه
ردك جاوب ع استفسارات كثيره

ودي واحترامي لك