كيف أتصرف مع هامسترة حملت بعد ولادتها بيوم واحد؟

[Mad Mood]

هامسترتي ولدت قبل أربع أيام.. أول إنتاج لها

في اليوم الثاني بعد الولادة أخطأت خطأ شنيع ودخلت الذكر عليها ولقحها تلقيح صحيح على ما أظن

ومن أمس بديت ألاحظ عليها تصرفات غريبة بعد ما كانت هادية و24 ساعة محضنة عيالها صارت تترك العش كثير وهي متوترة وحركاتها سريعة على غير العادة وتعض في الحديد وفي البلاستيك بشكل مجنون

جربت أحطها في قفص ثاني فيه ثنتين إناث غيرها عشان أشوف هل بتكون عدائية ولا عادي.. وصار مثل ما توقعت كانت جداً عدائية بشكل مخيف ومقلق على غير عادتها

جربت أحطها مع الذكر وبرضه مثل ما توقعت رفضت انه يقرب منها نهائياً وصارت تضربه وتعضه في بطنه مع إنها والفة عليه كثير وتوه ملقحها قبل يومين

وعلى فكرة هي أكثر هامستر أليف عندي لدرجة انها تسمح لي أشيل عيالها من اليوم الأول ولا تاكل ولا تشرب إلا من يدي رغم وجود المشربية وصحن الأكل قريب منها

توقعي من هالأعراض انها حامل

طيب وش العمل إذا ولدت بعد أسبوعين وعيالها الأولين توهم عمرهم اسبوعين وما انفصلوا عنها

أرجو من المختصين يساعدوني بحل عشان أحافظ على حياتها وسلامتها حتى لو ماتوا عيالها الله يعوض بس هي مابي يصير لها شي

[artos]

السلام عليكم

خطا كبير انكِ تدخلي الذكر

افصليهم الان(الام والاب لاتفصلي الصغار عن الام ) ودعيها بجو هادئ انشاء الله ترضعن على الاقل الى

ان يبلغو اسبوعان وتستلمين المهمه انتي

بارضاعهم لليوم 21 او 23 يوم وتفطمينهم

وفري الجو الهادئ للام

[Mad Mood]

وعليكم السلام

يسلمو ع الرد

وأنا أخوك مو أختك يالغالية

بالنسبة للأب بمجرد ما لقحها أنا عزلته على طول.. وللأسف ما عرفت انه خطأ إلا بعد ما صار اللي صار

طيب هذي بتكون مهمة سهلة بإذن الله إني أهتم بالصغار وأعرف ايش رح أسوي معهم بالضبط

لكن اللي مخوفني هو صحة الأم.. لما تجيب عيال وهي لسه ما ارتاحت من الولادة السابقة والحضانة والرضاعة

هل بيكونوا عيالها الجدد بصحة كويسة.. وصحتها هي أهم شي أنا خايف ما تتحمل كل هالضغوط والآلام بدون راحة ولا نقاهة خصوصاً وإنه ذي أول ولادة لها

[artos]

المشاركة الأصلية كتبت بواسطة Mad Mood

وعليكم السلام

يسلمو ع الرد

وأنا أخوك مو أختك يالغالية

بالنسبة للأب بمجرد ما لقحها أنا عزلته على طول.. وللأسف ما عرفت انه خطأ إلا بعد ما صار اللي صار

طيب هذي بتكون مهمة سهلة بإذن الله إني أهتم بالصغار وأعرف ايش رح أسوي معهم بالضبط

لكن اللي مخوفني هو صحة الأم.. لما تجيب عيال وهي لسه ما ارتاحت من الولادة السابقة والحضانة والرضاعة

هل بيكونوا عيالها الجدد بصحة كويسة.. وصحتها هي أهم شي أنا خايف ما تتحمل كل هالضغوط والآلام بدون راحة ولا نقاهة خصوصاً وإنه ذي أول ولادة لها

انشاء الله مراح يضهرها مره وحده بس المره الثانيا يضرها فانتبه/ي

الحين خليهم /خلهم مع الام وانشاء الله مو حامل اذا شفتيها/شفتها تركتهم

دورك للاهتمام بهم باستخدام حليب اطفال حديثي الولاده خالي من مادة الحديد واللكتوز

ويوجد عند البيطري حلمات صغير للارضاع او اشتر/ي ابره وشيل/ي ابرتها >الحاد

وتضع/ين بكاس او فنجال كبير نص ملعقة حليب وقليل من الماء الى ام يصير سائل

وتبدا/ين بارضاعهم

[بــيــدوؤو]

ما اظن الصغار راح يقدرون يشربون منك لانه امر صعب لصغر حجمهم

انااتوقع ان الام مراح تخلي صغارها وراح تكون معهم لين ما يفطمون

وممكن ما تكون حامل لان العدائيه سببها الولادة

اما اذا كانت حامل فممكن انها تدمج الصغار ويفطموا الصغار اول والصغار الثانيين تظل معهم

انشالله ما تكون مشكله باذن الله بس انت خلها مع الصغار ولا تلمسهم ولا تدخل على الانثى اي همستر وعطها جبن وبياض البيض عشان يكفي الحليب

موفق باذن الله

خبرنا بالتطورات

[Mad Mood]

المشاركة الأصلية كتبت بواسطة غيابك طويل علي ياسحر

انشاء الله مراح يضهرها مره وحده بس المره الثانيا يضرها فانتبه/ي

الحين خليهم /خلهم مع الام وانشاء الله مو حامل اذا شفتيها/شفتها تركتهم

دورك للاهتمام بهم باستخدام حليب اطفال حديثي الولاده خالي من مادة الحديد واللكتوز

ويوجد عند البيطري حلمات صغير للارضاع او اشتر/ي ابره وشيل/ي ابرتها >الحاد

وتضع/ين بكاس او فنجال كبير نص ملعقة حليب وقليل من الماء الى ام يصير سائل

وتبدا/ين بارضاعهم

ولو انك مصر/ة تكلمني/تكلميني وكأنه في احتمال أكون بنت مع إني أكدت العكس

لكن يسلمو ع الرد الوافي والمعلومات الحلوة

ما ننحرم هالطلة يارب

تستاهل/ين وردة (F)

=)

[Mad Mood]

المشاركة الأصلية كتبت بواسطة بــيــدوؤو

ما اظن الصغار راح يقدرون يشربون منك لانه امر صعب لصغر حجمهم

انااتوقع ان الام مراح تخلي صغارها وراح تكون معهم لين ما يفطمون

وممكن ما تكون حامل لان العدائيه سببها الولادة

اما اذا كانت حامل فممكن انها تدمج الصغار ويفطموا الصغار اول والصغار الثانيين تظل معهم

انشالله ما تكون مشكله باذن الله بس انت خلها مع الصغار ولا تلمسهم ولا تدخل على الانثى اي همستر وعطها جبن وبياض البيض عشان يكفي الحليب

موفق باذن الله

خبرنا بالتطورات

هلا بيدوؤو منور يالغالي

بالنسبة لرعاية الصغار فأنا أقصد اللي بيكون عمرهم أسبوعين.. هذا أتوقع سهل..

شوف هالفيديو ما أحلاه واحد يرضع بيبي روسي عمره حوالي 10 أيام
http://www.youtube.com/watch?v=otLi_0zmqOw

وهذا بيبي ثاني عمره 13 يوم
http://www.youtube.com/watch?v=iOqIqN5RlFI

لكن الله يعين ع الصغار الجدد ان شاء الله بس ما تتركهم ولو تركتهم ما تنلام من التعب

وبإذن الله بخبركم وش بيصير معي

ألف شكر ما قصرت =)

[عاشق الهاامستر]

(اخوي انت تقول تسمح لي امسك عيالها) و هاذا سبب من تركها لهم لان رائحة يدك انتقلت للعيال و خطا الذكر خطا فادح حطه مع الايناث البقية لا تكرر الاخطاء هاذي مرررة ثانية

[artos]

المشاركة الأصلية كتبت بواسطة عاشق الهاامستر

(اخوي انت تقول تسمح لي امسك عيالها) و هاذا سبب من تركها لهم لان رائحة يدك انتقلت للعيال و خطا الذكر خطا فادح حطه مع الايناث البقية لا تكرر الاخطاء هاذي مرررة ثانية

اذا كانت الهامستر متعودة على صاحبها

ويلمس عيالها بالتدريج فتحس انها واثقة ولن ياذيهم

[Mad Mood]

المشاركة الأصلية كتبت بواسطة عاشق الهاامستر

(اخوي انت تقول تسمح لي امسك عيالها) و هاذا سبب من تركها لهم لان رائحة يدك انتقلت للعيال و خطا الذكر خطا فادح حطه مع الايناث البقية لا تكرر الاخطاء هاذي مرررة ثانية

هلا فيك عاشق

يا عزيزي ممكن أكون مبتدئ في تربية الهامستر لكني مو جاهل بأصول التربية

لولا ثقتي بقوة العلاقة بيني وبين الأم ما تجرأت أمسك عيالها.. وعندي غيرها ثنتين إناث لو جابوا عيال مستحيل أفكر أمسك عيالهم لأن علاقتي فيهم عادية وممكن يخافون ويتوترون مني بعكس الأنثى ذي مستحيل تخاف مني أو تعضني بالعكس ما تاكل إلا من يدي وأحيان تنام في يدي وواضح إنها حاسة بالأمان بعكس البقية اللي لو حطيتهم في يدي دايم يحاولون يهربون!

وأنا متعود من اليوم الأول أشيل البيبيز عشان أرتب مكانهم وأزيل قطع المناديل الطويلة من حولهم عشان ما تلتف حولهم وتخنقهم أو تشوه قوائمهم.. وبعد كذا أمد يدي وفيها العيال وأخلي الأم تاخذهم من يدي وترجعهم في العش وتكمل هي ترتيب مركز العش بدون ما تبدي أي قلق أو تغير في المزاج

واللي أعرفه ان الكثير من المربين يمر في تاريخهم ع الأقل أنثى واحدة تكون علاقتهم معها قوية لدرجة إنه إذا سافر أو غاب عنها يومين تتوتر ويتغير مزاجها

يالنسبة لترك العش أنا ما ذكرت إنها تخلت عن العيال أنا أقصد إنها صارت متوترة وتركض في القفص كثير وتعض وتحاول تطلع وهذي أنا متأكد إنها من أعراض الحمل.. كمان بسبب انتشار القذارة والفضلات في القفص لدرجة ان الحشرات بدأ تتجمع حولها .. وأبشرك أمس بالليل غيرت القفص كله وحطيتهم في قفص أوسع شوي بدون كوخ والنشارة جديدة وأكل جديد مع قليل من مناديل العش الأول.. والحمدلله رجعت لها حالة الاطمئنان =)

وشكراً ع النصيحة أكيد ما رح أكرر غلطة إدخال الذكر ع أنثى توها والدة