ابغي رايكم لو ماعليكم امر

[اغلى الناس]

السلام عليكم ورحمة الله وبركاته

بصراحة نفسي اشتري كاسكو ....... بس انا نوعا ما اخاف من الحيوانات يعني يبالي وقت اتعود بس احب تربية الحيوانات ,,,

و بما انكم خبره بقولكم عن موقفي واتمنى تفيدوني برايكم ..

1- حصلت الكاسكو بمحلين مختلفين اولا حصلته بمحل ومعاه شهادة طبية ووصف عنه شو يحب شو يكره يعني دراسة دقيقة عنه... يعني جاهز ومجهز و معاه سيرته الذاتية وخاضع للفحص الطبي و اذا كنت اريد جواز بامكاني الحصول عليه , واذا كنت اريد ارجع افحصه قبل لا اشتريه عطاني كروت عيادات بيطرية اروح افحصه وارجع ادفعلهم , وطبعا سعره مرتفع 3800 درهم مع العلم بانه من اصل افريقي وعمره 4 شهور والمحل راقي وايد ويعتنون بالطيور وقفص الحيونات كبير ونظيف ومعتنين فيه عنايه دقيقة حتى يعني ارتحت نفسيا ,,,

2- وحصلت الكااسكو بمحل ثاني بس محل عادي لكن ما عندهم عناية دقيقة يعني الكاسكو محبوس بقفص وماعنده اية اوراق ثبوتية ولا شهادة صحية ولا شيء وسعره 1800 .... انتو شورايكم اي واحد تفضلون اخذ ؟؟


بعد عندي سؤال لاهل مدينة العين وامارة ابوظبي وين افضل عيادة بيطرية ؟ وشو اسمها ؟ ووين موقعها بالضبط ؟

[مجنون الامازون]

والله بصراحة ... الاول مبالغ في سعره جدا اذا كان اربعة شهور وما يتكلم .. والثاني سعره معقول بالنسبة للكاسكو المحجل .. وصغير .. لان هذه الاسعار تقريبا هي المتداولة عندنا في السعودية ..

الكاسكو العادي (بدون حجل) فرخ يبدأ من 800 الى 1200 ريال.
الكاسكو الهولندي (محجل) فرخ يبدأ من 1800 ويصل الى 2400 ريال.

تحياتي

[الكوت@]

أحوي حسب خبرتي بأسواق الأمرات وأخص منها سوق الطيور بالشارقة وكذا محل في دبي
أأكد لك بأن سعر الطير الأول مبالغ فيه كثير وأعتقد بأن هذا المحل للصفوه يعني ما يجيه الا الي دراهمه واجد

أنصحك تأخذ الثاني سعره طيب ولو تأخذ لك جولة وتطلع من أبوظبي وتروح الشارقه وتطلع أكثر على الأنواع والأسعار يكون أفضل

على العموم ول خيرة لأخترت الثاني

بالنسبه للعياده ما عندي خبر لأني من السعوديه وبالتحديد الأحساء

[اغلى الناس]

المشاركة الأصلية كتبت بواسطة مجنون الامازون

والله بصراحة ... الاول مبالغ في سعره جدا اذا كان اربعة شهور وما يتكلم .. والثاني سعره معقول بالنسبة للكاسكو المحجل .. وصغير .. لان هذه الاسعار تقريبا هي المتداولة عندنا في السعودية ..

الكاسكو العادي (بدون حجل) فرخ يبدأ من 800 الى 1200 ريال.
الكاسكو الهولندي (محجل) فرخ يبدأ من 1800 ويصل الى 2400 ريال.

تحياتي

مشكور ما تقصر .... وربي يجزيك خير ... بس عندي سؤال شو يعني محجل ؟

[اغلى الناس]

المشاركة الأصلية كتبت بواسطة الكوت@

أحوي حسب خبرتي بأسواق الأمرات وأخص منها سوق الطيور بالشارقة وكذا محل في دبي
أأكد لك بأن سعر الطير الأول مبالغ فيه كثير وأعتقد بأن هذا المحل للصفوه يعني ما يجيه الا الي دراهمه واجد

أنصحك تأخذ الثاني سعره طيب ولو تأخذ لك جولة وتطلع من أبوظبي وتروح الشارقه وتطلع أكثر على الأنواع والأسعار يكون أفضل

على العموم ول خيرة لأخترت الثاني

بالنسبه للعياده ما عندي خبر لأني من السعوديه وبالتحديد الأحساء

ربي يجزيك خير للرد الطيب ... وعساك على القوة ... بالنسبه للمحل الاول قريت اعلانه في الصحف اليومية وطلع المحل راقي جداااااااااا و اللي اعجبني فيه فعلا العناية الممتازة بالحيوانات .

[فتى الغربية]

ماشالله تبارك الله
الحين بتشترين ببغاء ولا لا
محجل يقصد به الحجل اللي على الرجل
يبان فيه عمر الطائر وبلده وهاتف لمنتجه او مربيه

تحياتي

[اغلى الناس]

المشاركة الأصلية كتبت بواسطة فتى الغربية

ماشالله تبارك الله
الحين بتشترين ببغاء ولا لا
محجل يقصد به الحجل اللي على الرجل
يبان فيه عمر الطائر وبلده وهاتف لمنتجه او مربيه

تحياتي

ان شاء الله ...
ومشكور ما قصرت على التوضيح .... فهل يشترط وجود الحجل مع العلم اني ما شفت برجل الطاير حجل ؟

[زياد محمد]

دآمك تخآف آخوي لاتشتري
الا طير اليف جدا هههههه

[soso2004837]

انا شريت من سوق الطيور للشارقه نظيف ومحجل كان 4 اشهر
شوفي الشارقه ارخص سعر الاولي غالي مبالغ فيه

ب1500 درهم

[كاسكو رمادي]

الغالي سير خذلك بو 1800 ترا اذا تكاسرت ويا راعي المحل عادي يطيع ب 1500 د........و اذا تبا اي مساعدة راسلني عالخاص وبالتوفيق