هل القطط تنثر الدود في الغرفه !؟

[Ameena]

السلام عليكم ورحمة الله وبركاته



في البدايه قبل مشكلتي انا من النوع اللي يخاف على اي حيوان اليف اربيه مثل خوفي على أطفال بيتنا ..


عندي قط تقريبا دخلت الشهر الرابع من ربيته وهو عمره سنه وشئ حسب ماقال الدكتور من النوع الشيرازي ..

سبحان الله هو تعلق فيني ويسمع كلامي ومطيع جدا رغم أني ربيته كبير ماكان جي اول مايابوه لي ما يفهم لي عكس الحين

تعلقه فيني اكثر من القطط اللي ربيتهم وهم صغار عمرهم شهر هذولا ماتوا شهر 1 لاني تأخرت في تطعيمهم وبعد تطعيمهم باسبوع مرضوا وماتوا وهذا مرض قبلهم لكن طاب


ولله الحمد ..

ومن شوي كنت جالسه ع السرير ماسكه التلفون شفت دود ع التلفون صغير ابيض اللي يكون في الخضروات والفواكه ..
استغربت فتشت فراشي شفت منهم كم دوده

خفت بس أكلم الأهل على طول اعرف جوابهم .. لان هم مستحملين القطه عشاني


اخذته جيكت عليه للعلم هو يطيح شعر بس لين يخاف يطيح كثيييييييير شعره
شفت اذنه أظافره قرضتهم ونظفت اذنه

ماكان ولا شي فيه اخذت حممته مع أني ما حممته غير مره اول ما جابوووه لان كان في حاله يرثى لها مهمل

وبعدها دخل البرد علينا ما قدرت احممه ..

اخذته لطبيب شهر 1 طعمته لان ما ادري اذا كان ملقح او لا


لكن قطي مع التنظيف والتمشيط و التفتيش ما لقيت اي دوده


هو مش دايم ينام على فراشي مرات اي عندي يشمني او يبني امسح ع راسه
او يسوي مساج ويقولون انه يبي انثى بس ما اشوفه يبالغ بتصرفاته


في شي كان يخوفني منه اول ما يبته انه يحب يشم وجهي ويحط راسه تحت حنجي

مع صوت غرغره غير عن غرغرتهم الثانيه في حالة الارتياح والاطمئنان .. اللي عندي قبل ما كانوا يسون مثله جي

اخاف يشوفني قطه



المهم انا جيكت على التر بوكس خالي من اي دود ونظفت لتأكد مافيه شي والأماكن اللي متعود يقعد فيها مافي شي ابد



بعدها في حالة شك بين الدود كان بالفراش مسبقا او اذا عندكم خبره عن القطط افيدوني


انا شفت حالة القطه اللي بالفديو اليوتيوب وحاولت ابحث عن اي موقف مشابه ما حصلت ..


سامحوني على القصه .. الطويله و طمنوا قلبي الله يطمنكم ويريح بالكم