*البادجي*. مطلوب خبراء انتاج ..

[*الكاسكو*]

بسم الله الرحمن الرحيم



البادجي شعاع3> من اقوى الاناث - ماشاءالله - قصه مأساويه حصلت لها ..



شعاع تلك البادجي المجنونه توها مخلصه من نفاسها الثالث الفاااااشل للأسف ..

حصل لها ثلاث مرات تنتج واذا جاء موعد التفقيس القى البيض برا ومكسر

انا متأكد ان البيض مخصب 100% بس اشك بالذكر انه وراء هالشغلات الفضيعه


المهم الان ولظروف السفر شلت البياضه عنهم عشان ترتاح الانثى ..

رحت اشيك عليهم ووجدت انه .....


شعاع رجلها مكسوره من ايش ؟ ! مدري !

فصلتها عن الذكر واكتشفت بنفس اللحظه انها حااااااااامل ..

ايش اعمل لها مااخذت البياضه ..

تلهث بقوه مع ان المكان براد ..


بس اخذت فيتامين ممتاز يعطي قوه ويرد الصحه بالتدريج عطيتها منه ..

هي الان موجوده بعلبه بلاستيكيه بحجم البياضه معها الاكل والماء وغطيتها ووفرت الهدوء والظلام ..فل كامل 100\100


شعاع ماتخاف مني ابدا حبوبه شلتها بيدي عشان اعاين الكسر ...هل فيه ضرر على اللي ببطنها اذا شلتها؟

شلتها وغطيتها بيدي حسيت ارتاااااحت ووقف اللهث ونامت


هل استطيع رعاية شعاع والبيض بدون الذكر وبهذا المكان البلاستيكي ؟


...

لاتبخلون علينا بخبرتكم ..

[لمســة خيـــال]

وعليكم السلام ورحمة الله وبركاته
اختي الفاضله
بخصوص البيض اذا المكان هادى ومافيه ازعاج
والطيور ماتخاف من شيء ومتعودين على المكان
والبيض مخصب وما عند الطيور نقص فيتامينات او كالسيوم
اكيد الذكر كسر البيض عشان يجبر الانثى على التزاوج وشكل
الذكر ماشاء الله حار
ـ بخصوص الانثى ماتشوف شر وان شاء الله بسيطه
اذا فيه تورم ولون على الرجل يبقى كسر
عالجي الكسر وعقمي الرجل واعملي جبيره بااعواد الكبريت
وضعي مرهم للاتهاب وثبتي الاعواد ولفيها بشاش
ووفري الهدواء وعدم الازعاج وضعيها بقفص بدون مجاثم والاكل في الارضيه
العلبه البلاستك ماانصح فيها لانها ضعيها بكرتون
اذا مافيه قدره على القفص
المشكله كيف ترجن على البيض ورجلها مكسوره
اما لو مافيه تورم يبقى التواء او كدمه
تضعين كريم ضد التهاب وكمادات ماء على الرجل
وعرضيها لاشعة الشمس
ونوعي لها الغذاء وعظمت الحبار حتى تتحسن
ـ ان شاء الله انه ماهو كسر
وانت ساعديها بغر الفراخ بعد الفقس ان شاء الله
وفترة العلاج بشويش ولاتخلينها تسوي حركه فجائيه او تخاف
عشان ماتؤي نفسها
موفقه ـ وما تشوف شر

[*الكاسكو*]

الله يعطيك العااااااافيه ماقصرتي

واخر مره احط لها الذكر ابرجعه ان شاءالله بعد العيد
اخليها ترتاح

واليوم ان شاءالله بندور بيطره وابشتري لها بياضه ان شاءالله القى ..

[*الكاسكو*]

طيب مااعرف اسوي شي برجلها بتفكه

ومدري ليش تبي تجلس على يدي بس اخاف تبيض عليها

تجلس وتفرد اجنحتها .. شكله يكسر القلب