هامسترتي الروسي ولدت =) وعندي شوية أسئلة

[Mad Mood]

مساء الخيرات يا حلوين

اليوم 07-02-2012 ولدت هامسترتي.. أول إنتاج لها.. وأول ولادة هامستر أحضرها =)

طبعا أنا قريت كثير عن الهامستر لين صار عندي خلفية كافية

لكن اللي أقراه في الغالب يكون عن الهامستر السوري.. وانا اللي عندي روسي وطبعا الفرق بينهم واضح

مثل الموضوع اللي في الرابط:
كل ما يتعلق بحمل و ولادة الهامستر

سؤالي هل في اختلاف بين طريقة تربية البيبيز الروسي ورعاية أمهم وبين الطريقة مع السوري؟

سؤال ثاني.. الأم ولدت ثلاث بيبيز بس.. هل هذا طبيعي؟ لأني اشوف السوري في المحلات يجيب 8 و9 واكثر ماشاء الله

سؤال ثالث.. الحليب اللي اقدمه لها حليب بقري مجفف وخالي الدسم طبعا مخلوط مع مويه وعسل.. هل أستمر بتقديمه لها؟ لأني قريت ان حليب البقر مضر بمعدة الهامستر
وإذا بتنصحوني أغيره ايش أفضل نوع حليب يناسب معدة الهامستر (غير حليب القطط الصغيرة لأني حست الدنيا عليه ما لقيته)

وإذا في أي نصيحة تخص الهامستر الروسي بالذات بكون ممنونكم كثير =)

[Octopus]

يفضل ان يكون حليب الام افضل لهم و بعدين لين يفطمو

و المهم اعتقد ان الروسي يعيش في مجموعات بخلاف الهمستر السوري حيث يحب العزلة
و في ملاحظة لا تعزل الاب لان له دور في الرعاية بخلاف الهامستر السوري

و بالنسبة ل الحليب ما ادري

[Mad Mood]

طبعا البيبيز ما رح يشربوا حليب إلا من أمهم.. لكن الحليب اللي يتقدم للأم سمعت انه يساعدها كثير في إنتاج الحليب.. طبعا مع الجبن وبياض البيض

بالنسبة للأب الروسي أنا كنت عازله بس برجعه بعد كلامك

شكرا اخوي Octopus ممنونك =)

[marshmallow]

بآلنسبة للموضوع .. فـ هو يتكلم عن ولـآدة آلهآمسستر بـ شكل عآم .. ومو محدد نوع معين ..

وعدد آلموآليد طبيعي .. ويكون قليل آذآ كآنت آول ولـآدة لهآ ..

وبآلنسبة للحليب .. مو شرط تقدمه لهآ ..

آهم شي آلتغذية آلسليمه المتنوعه ..

وآلحليب مو مضر له .. آلـآ آذآ كآن جديد عليه ومآ تعود عليه ..

وآلعسل لـآتكثر منه .. لـآن كثرته مضره ..

وبآلنسبة لـ عزل آلذكر .. فـ آنآ آنصحك مآ ترجع آلذكر لهآ بمآ آنك فصلته من آلبدآيه ..

ويآ آخ آوكتبوس .. صحيح آلذكر له دور ..

لكنه مو مهم .. وآلـآفضل تجنباً لـآي مشكلة خصوصاً للمبتدئين آن يفصل آلذكر عنهآ ..

[Mad Mood]

أخذت بنصيحتك قبل ما أقراها =)

لما رجعت الذكر لاحظت ان المسكين كان مشتاق لها وما كذب خبر.. في البداية رفضته لكنها ولفت عليه بسرعة ولقحها أكثر من مرة

منظرهم وهم مع بعض كان مرة حلو.. خصوصا منظر الذكر وهو يتعرف ع البيبيز حسيته مرة حنين أول مرة أحس ان هالفحل حنين

بس الشي اللي زعجني انه داسهم بالغلط اكثر من مرة وهو يحاول يلقحها.. فرجعت فصلته وهي رجعت ترضع عيالها طبيعي.. والحمدلله عدت على خير وانا مبسوط فيهم اخر انبساط

بس سؤال.. طبيعي تتلقح وهي توها والدة؟

وشكرا كثير ع النصايح ما قصرتي =)

[محبه الحيوانات]

اذا تزوجها بشكل صحيح تحمل هاذا غالب مضر لهاا وصحتهااا

[Mad Mood]

طيب متى يكون الوقت مناسب لتلقيح الأم؟

وألف شكر يا أعضاء تو زوو الله لا يحرمني منكم =)

[البراق السجاد]

فى جميع الثدييات لا يحبذ التلقيح للأنثى المرضع حتى الفطام
لأنها إذا حملت سيقلل هذا من اللبن لديها ، و سيشكل مجهودا زائدا عليها !
فيضرهاو يضر صغارها أيضا

[حي ومانسيت]

المشاركة الأصلية كتبت بواسطة Mad Mood

طيب متى يكون الوقت مناسب لتلقيح الأم؟


يكون بعد فطم الصغار تنتضر اسبوع او اسبوع ونص لين ترتاح الانثى بعد الحمل والولاده بعدين تدخل الذكر

ارجو اني افدتك

[Mad Mood]

المشاركة الأصلية كتبت بواسطة البراق السجاد

فى جميع الثدييات لا يحبذ التلقيح للأنثى المرضع حتى الفطام
لأنها إذا حملت سيقلل هذا من اللبن لديها ، و سيشكل مجهودا زائدا عليها !
فيضرهاو يضر صغارها أيضا

شكرا ع المعلومة الرائعة

كله من أصحاب المحلات بعيني شفتهم ينقلون الانثى للذكر يلقحها ثم يرجعونها لعيالها وهي توها والدة قال ايش قال ما ينفع نستنى لازم على طول تتلقح!

الله يخرب بيتهم كل ذا عشان تجيب عيال كثير وهم ربحانين طبعا حتى لو راحت فيها الأم

الحين بجلس قلقان على (لي لي) لين تولد مرة ثانية الله يستر بس