علاج الفطريات عند القطط

[هانم4]

القطه كان عندها فطريات والحمد لله تم علاجها والفضل لربنا وبعدين للمنتدى الجميل ده وخاصة شاهستا والخبيره ناديا وكل القائميين على منتدى ربنا يبارك فيهم

بس القطه عندها قشر كثير جدا في راسها من فوق والقشر بيكون متجمع كده ومهما اغسلها بشامبو نيزورال واحطلها المرهم برده مش بيروح فكنت بقرء في الصيدليه البيطريه الخاصه بالقطط هنا في منتدى فلاقيت ادويه خاصه بعلاج فطريات فقلت اسالكم
ينفع اعطيها دواء افضل للتخلص من مشكله نهائيا وخاصة القشر الفي راسها من فوق خصوصا انه عندها من زمان ولما بشيله بعور راسها وبحط بيتادين او يود وبرده نفس مشكله
ودي الادويه اللاقيتها

عـــــــــــــــــــلاج الفطريات:

حبوب التراجريسوفلين (altrayresioufulvin ):


بمعدل 10 ملجم لكل كيلو من وزن القط مره كل 12 ساعه
ويوجد منه شراب بطعم الشوكولاته.من الصيدليه البشريه



حبوب نيزورال:


بجرعه 10 ملجم لكل كيلو من وزن القطه كل 12 ساعه.

شراب itrafungol (هل ده برده للفطريات)

تنصحوني اعطيها اي نوع من الادويه دي والكميه تكون قد ايه القطه 4سنين وزنها حوالي 3كيلو
ولو شكه انها حامل هل تؤثر على جنين؟


ولاقيت مجموعه كبيره من المضادت الحيويه تنصحوني باي مضاد افضل للبرد ؟

ومشكوريين كثير

معليشي سؤال كمان فيه قطه ثانيه لاقيت بقها في جنب لثه كده متعور من سفى سمك حفره كلها سفى ونظفتها بس مصممه تاكل سمك ولما بنسله ليها بترفض عايزه تاكل سمكه هي وبنظف بعد كل اكل كنت عايزه اعرف ازاي اساعدها الجرح ده يلم بسرعه واديها اي دوا او مضاد حيوي ولا لا

[شاهستا]

اهلا بيكى ياقمر

انصحك تستخدمى العلاجات الخارجيه لان علاجات الفطريات الداخليه

اغلبها بيعمل حساسيه للقطط او تسمم

وبالنسبه للقشهور محتاجين صوره وان شاء الله نقدر نساعدك ..

اما عن التعويره الى فى اللثه فى جيل اسمه دكتارين من الصيدليه البشريه

بيتحط على اللثه واستخدميه مره فى اليوم

لحد ما تتحسن ان شاء الله .

[الخبيرة ناديا]

اهلا فيكي ياهانم

مثل ماقالت شاهستا ..

لاكن احب اضيف نقطه مهمه :

العلاج الداخلي بيعمل على الشفاء النهائي للفطريات دون رجوع الفطريات للقطه مره اخرى

لان العلاج الخارجي لوحده بتتشافى القطه ..ولاكن بعد عده شهور ترجع الفطريات مره اخرى

الفطريات اذا اصابت القطه فان الدم يتلوث بها ومن هاذه الناحيه تحتاج العلاج الداخلي حتى يقضي

عليها بشكل كامل.

وايضا للعلاج الداخلي مخاطر كثيره على القطط لو لم يستخدم بشكل صحيح وبرجعات موزونه.

والقطط الصغيره اقل من 6 شهور تتضرر كثيرا وتصبح خامله وترتفع حرارتها بشكل كبير.

والقطط الحوامل لانستخدم لها العلاجات الداخليه ..لانها تسبب تشوهات للاجنه .